فيتنــــــــــاّم في ميـــــــاّســـه.؟

[فـص فـص]

سلامووون عليكم

وحشتوني اوي اوي

بعد هالفتره الي نفصلنا عنكم فيها نزل الموضوع من الخيال وبدون اي مقدمات

اليكم الموضوع


في قديم الزمان

وقبل فترات من السنوات المتتاليات

"شبت" حرب في شرق مكان ما من العالم

وإليكم التفاصيل لأن الصراحة الفصيح يتعب ويرجف اصبعك قبل تضغط على الزر

وتتذكر كل قواعد النحو والبلاغة والنكد

أيام السبعينات الميلادية كنت كاشتن بشارع انكاس <- يقولون انكاس كان مكان كشتة والعهده على خال الوالد

الشاهد اني كنت جالسن اتقهوى ومتكي على كفر الـ(F7) طيارتي الحلوة

طبعاً للفائدة : الطيارة الموجودة الحين الـ(F15) هي من نفس الفصيلة لكن على وقتنا اللي كان موجود الـ(F7)

وأنا أتقهوى سمعت وشوشة باللاسلكي وأقوم وانقز على الانتل وأضبطه <- حسبي الله على ذا البنقالية حتى على أيامنا ما يسوون الشي زين

يوم ضبط وأنا أسمع : يلاي ثاشث شثا شثقا يبا يبا شيبتايبت

قلت له : وجع تكلم عربي

قال : أقرب جهاز أقرب جهاز

قلت : معك يا طالب أقرب جهاز

قال : من معي

قلت له : أمك من بعد أنا واحد منهم <- لاحظتوا النفخة

قال : من مين يعني

قلت له : وش تبي أنت أخلص بس

قال : أنا همتارو من فيتنام

قلت : عاشت الأسامي ليش بغيت تابعية يالحبيب <- على وقتنا كانوا يوزعون التابعيات بالمساجد بعد الصلاة

قال : وش تابعيته أنت الحين عندنا حرب والامريكان ذبحونا تكفى ساعدنا أنا ما أدري وين أنت بوه <- طبعاً هو قال بوه

قلت : أفا والله وينكم انتم بس

المهم عطاني الاحداثيات حقتهم قلت له : مايهمك كلها مسافة الطريق وأنا عندكم

قال : توصل سالم

قلت الله يسلمك

قمت وضفيت عزبتي ورحت للبيت وأخذت كم قميص وحميت الـ(F7) وغيرت الزيت وعبيتها بنزين من محطة خط القصيم من ذيك الأيام موجودة

وحطيت الاحداثيات وطيران على فيتنام

طبعاً أنا طقطقتها براسي يعني نساعد المظلوم وكل الدعوى كفار <- ولو يصلح مفتي

وعلى الاحداثيات لين وصلت ويمين يسار وادخل على الجهاز همتارو همتارو وينك يامال الغنيمة

قال : هذاني موجود

قلت : وينك تراني ما لقيت شفني أكبّس

قال : ايه ايه شفتك شفني داق فلشر

قلت : ايوه شفتك وانزل واوقع جمبهم

وبعد السلام والسوالف قلت : وش سالفة امهم ذا الامريكان ما كفتهم الحرب العالمية

قال يا أخي مدري وش أقول لك بس هذا اللي صاير

قلت أنتم عندكم جنود ناس متدربين قال ايه

قلت عندكم قناصين ؟! قال كيف يعني قناصين !؟

قلت يعني يروحون للبر ومعهم طيور

قال وشو البر قلت اقول لا يكثر وجهز أحسن اللي عندك جهز لي خمسين رجال من أقوى الرجال اللي عندك

قال خلاص بعد يومين نجهزهم لك وأنت ارتح من تعب السفر وخذ لك فرة بقريتنا

قلت خلاص كويس بس ما عندكم هارديز ؟! والله يالفايف ستار تلعب لعبتها الحين ؟

قال منهو ستار ذا أخوك ؟! قلت انثبر بس

المهم وانزل الضاغط من الطيارة واضغط لك ذيك الكبسه اللي يحبها قلبك تعشيت وعينت من الله خير وبعدها خذيت لي راس معسل بالبرتكان ونمت

ويومين من الفرفرة والهبال والثالث الصبح وأنا منسفن بالشماغ ولابس ثوبي الا جاني همتارو وقال : ترانا جاهزين

قلت يللا مشينا ونروح للجنود وهم متجمعين وأوقف على حصاة كبيرة وأقول :

يا عيال فيتنام أفا والله عيال المنب قايل الامريكان ذولا جايين ديرتكم ويذبحونكم وانت تاركينهم ما هقيتها منكم حريمكم راحن ورجالكم ماتوا وانت كذا ما فيه الا نذبح ذا الكلاب يللا اقتلوهم

قالوا هييييييييييييييييييييييييييييييييييه <- مهوب متأثر بالأفلام أبد


قلت لهمتارو أنا باخذ هالرجال وابدربهم على طريقتي الخاصة اسبوعين بس وبتشوف قال زين

وآخذهم واروح بحدى هالغابات واعطيهم ذيك التدريبات الين صاروا ما يحتاج وارجع لخويي

ويوم شافهم قال وش سويت أنت ؟! قلت ما عليك المهم وين أقرب مقر للامريكان

قال فيه واحد بعد 150 كيلو بس ترا كبير ومنتب قادر عليه انت وذولا بس !؟

قلت له أنت اللي ما تقدر قال بكيفك وعطاني خريطة وعليها المكان

قلت له يومين وانا عندك بكل أسلحتهم


وارجع لاخوياي وأقول هذي أول عملية لازم ننجح واعلمهم المكان وقلتهم يقابلونني هناك

وقبل هكالمكان بحول خمسة كيلو تجمعنا قلت ابروح استطلع المكان

اخذت اثنين منهم ورحنا شفت مكانهم وحراساتهم ومنافذهم وكل شي

تبسمت ابتسامة المكر وقلت لاخوياي هذولا ما عندهم سالفة

استغربوا من كلامي بس حسوا اني واثق ترا أهم شي الثقة

وقبل الفجر تجمعنا وبعد ما صليت الفجر قلت لاخوياي هذا الوقت كل واحد بمكانه وانتظروا الاشارة

ومشى كل شي حسب الخطة

وكلها ساعتين وحنا مسيطرين على الوضع وارسلت للامريكان راسلة تقول :

" اللي يقرب من هنا بيروح ملح "

وارجع لخويي ومعي كل شي الهمرات والمدافع والقنابل والدبابات وكل شي

انهبلوا الفيتناميين ورقصوا ذيك الليلة وشربوا شي ما ادري وشو بس انا ما شربت لأن امي دايم تقول لا تاخذ شي ما تعرفه

وقالوا لازم نكرمك قلت وش دعوى ترا عادي شباب في رحلة

وبعيدن بدوا الفيتناميين يتجمعون في ذيك القاعدة اللي رجعت لها وصارت قاعدتي

فص فص

[~عشق~]

هلااااا والله بفص فص ويييين الغيباااات

يقولون من طول الغيبات جاب الغنايم وانت ماشالله جبت غنايمن سنعه

همرات ومدافع وقنابل ودبابات

((وكل شي)) <<< هذي نوع من الاسلحه ولا وش .؟ هع

ياهلا والله ومرحبا حيالله اللي عود صب القهوه ياولد
<<<<< الله من قلبة الرااااس خخخخخخخ

[فـص فـص]

هلااااا والله بفص فص ويييين الغيباااات

هلابس يالهلاليه وابد مامن غيبات > رايح اطلع مصطول من سجن ابوغريب
متاثر بالجهاد الولد > الا ع طاري مصطول وينه ماشوف له اثر مواضيع جديده
يالله عسى خير >

يقولون من طول الغيبات جاب الغنايم وانت ماشالله جبت غنايمن سنعه

الفال عندس طال عمرس

همرات ومدافع وقنابل ودبابات
((وكل شي)) <<< هذي نوع من الاسلحه ولا وش .؟ هع

اي ربعنا في فتنام خخخخ ورطوني الله يبلشهم

ياهلا والله ومرحبا حيالله اللي عود صب القهوه ياولد
<<<<< الله من قلبة الرااااس خخخخخخخ

البقى طال عمرس وابد ماشرب قهوه وحركات البدو اكرهها
< متخكري الولد ومتحظر ولايشرب الامثل الي يطلع في قناه تو الي يشربونه الامريكان مدري وش اسمه > اكيد يعرف اسمه عاشق الزين
مشكوره يالهلاليه ويعطيس العافيه
فص فص
زوير الماليه خخخخ

[~عشق~]

زوير الماليه خخخخخخخ حلوووووه زوير

والله مصطول انت ادرى فيه صديقك دوره ورجعه للمنتدى تكفى <<< ترى تكفى تهز رجااااال خخخخخ وانا قلت تكفى يعني سو اللي علييييك رجع مصطوووووول <<< ورطته خخخخخخ

[هلوسة]

<-------------- الضحكه الرسمية لتركي الرياض

اثرك منسم يا وزير الماليه وانا قايل وش سالفه التماسيح

والسحالي طالع شوشاتهم تقول سعف

النخل بس يوم دخلت الموضوع يا فض فص

وانا اشوووف فيتنااااام

قلت نعنبووهم ذيولي

وقسم بالله ياني احس انهم قطاااو بعشر ارواح ههههههههههه

منت بصاحي يامهسترررررر

والله انك فااصل إحس إنك بديـت تفصل اسلاك بواجـي مخك ههههههههه

قول آمين الله يوسع صدرك مثل ماوسعت صدرنـا يا إيها المنسسسسسسسم<--لغة فصحى


لي باك

[عاشقة الليالي]

خخخخخخخخخخخخخخخخخخخخخ هههههههههههههههههه بس مش فاهمي اشي
حححههههههههههههه

[سَحْآبّ آلَمِلّحْ]

[grade="00008B FF6347 008000 4B0082"]هههههههههههههههههههههههه

طلعـت منت بهـين يالحبيب فص فص

القـد هالقـد لكن طلعت قدهـآ ،،،


سلم على الفيتنام اذا رجعـت لهـم ههههههههههههه


تحيتــي لك[/grade]

[فـص فـص]

والله مصطول انت ادرى فيه صديقك دوره ورجعه للمنتدى تكفى <<< ترى تكفى تهز رجااااال خخخخخ وانا قلت تكفى يعني سو اللي علييييك رجع مصطوووووول <<< ورطته خخخخخخ

المشكله انه جحدني مثل ماجحدكم > يبسي وبنفس الوقت يكره الوداع
بلا تكفى بلا خرابيط > خكري وش ترجين منه
هههههههههههههههه
من عيوني يالهلاليه

[™ إبراهيم (007) ™]

إخص يالواثق
بتسوقها على الإمريكان هاه
يارجال روح ألعب بخشتك بس
ومسويلي فيها يشربون مدري شنو ونت ماتشرب
إيه هين لو ماقربعت سبع براميل

فص فص تعال ياشيخ لبنان تبيك
هع هع هع هع

[فـص فـص]

تركي والله الي ناوي ترطن وتسولف
ادور من اليوم شي اقتبسه ولالقيت شي
والاهم من هذا كله شكرن بعنف لك