تبي تضحك ادخل هنيه وصدقني مايخيب ظنك

**شمس الخليج** · 02-Jul-2006,09:03 AM

مساااااااااااااااااااااااالخيرااااااااااااااااااات للجميع
هذااا الموضوووع منقووول وعجبني حيييييييييييل وقلت لازم اشارككم فيه والموضوع عن واحد طق مزاجه انه يكتب هالقصه .
واتمنى القى ردود منك

اليوم بسدح لكم سالفتي مع جدي اللي طب الفيضه بدون مقدمات

ذاك اليوم كنت اهايط على بنت معاي ع الماسينجر واسولف لها بطولاتي ومغامراتي
اخص يا الزير سالم
واني كنت احلى واحد بالحاره
والبنات ما غير ملاحق وراي
كل هذا عشان تطيح فيني
وما دريت الا جوالي يرن
رديت عليه ما دريت الا وخالي يقول دق علي يا القوطي
العن ام العفانه
قلت خالي والله لو انك حبيبتي ما اسويها
قال اخص يالقوي والله لو اني حبيبتك كان قلت طيران يا عمري
لكن اعرفك عفن وما تندي يا القعيطي
قال عندي لك سالفه بقولها لك
وما دريت الا والاشاره التنبيهيه رازه في خشتي
واتذكر المسكينه اللي لاطعها معي ع الماسنجر
وبدل ما اكتب برب
قلت لخالي برب
قال برب بعينك
تكلم عدل والا ترا اجيك واخليك تعرف تسولف
قلت يا خال الله يهديك برب يعني لحظه شوي
وبعدين ماهي لك ذي للي معاي ع الماسينجر
قال ادري بنت
يالله صرفها
واركب سيارتك وتعال لنا في البر
قلت عسى ما شر
قال تعال وانت تعرف
الدعوه خربانه
المهم استئذنت من البنت اللي معاي
وطلعت من البيت بشوف آخرتها مع هالخال
جيتهم هناك
وهناك لقيت الخال محتريني
قلت وراك
قال جدك الظاهر انه طب الفيضه ( يعني علومه بدت تخور )
مسكت معاه الا يطلع للبر
يبي يسرح بالابل
قلت افاااااااا
سواها الجد
قال يا بعدي نبيك تقنعه ان يرد للبيت
ازعج الرعيان وما خلاهم ينامون
تصدق ذاك اليوم خانقن النيجيري وهو يقول ورا لونك اسود ؟
يالله هالحين ابي لونك ابيض ثلجي
والمصيبه الكبيره ان الراعي النيجيري انكسرت رجله قبل يومين طبعا من عين جدك الحاره
وجلس بالخيمه عند جدك
وبما انه ما يعرف عربي الا بالفصحى صار يسولف مع جدك بالفصحه حتى يفهم عليه
ما درينا الا وجدك قلب معاه وصار ما يسولف الا فصحى
قلت ازهلوه
قال خالي : انا اشهد انك راعيها يا الذيب
دخلت على جدي بالخيمه وقلت له هاي
قال وعليكم الهاي ورحمة الله وبركاته انت ايها الشاب الوسيم اما تعلمت السلام
قلت الا تعلمته منك
تبيني اسلم عليكم مثل سلامك
السلام عليكم يا الربع تسيف احوالكم شلونكم . عساكم طيبين وشلون اللي وراكم
انت يا خليف شلون امك خزنه عسى ظهرها ما يوجعها للحين
الجد : صه صه يا ورع <<<< امحق فصحى
ولما جيت ابي احب خشمه قال : من انت يا اخا العرب ؟
قلت :انا عابر سبيل جاي من مكه وانهكه التعب
قال : يالله انت حيه تسيف ربوعنا اللي هناك <<<<< لا تواخذونه احيانا يصحى ويسولف عدل ههههه
قلت : يسلمون عليك ويقولون ورا ما نشوفك بشات ابو لهب وبعدين زوجة ابو جهل زعلانه عليك تقول انها شاكه انك عامل لها حظر بالماسينجر
وابشرك مسيلمة الكذاب عمل منتدى سماه شبكة ومنتديات التسذابين وعلى فكره ما يدخل الا التسذوب
قال :اذا روّحت يمّهم ابلغهم سلامي الحار وقل لهم ان ذاك اليوم سيّر علي الزير سالم بالخيمه ولما شاف الكمبيوتر قال ما هذه البليه ( البليه يعني الشي )
قلت انه الحاسوب الا تعرفه
قال:لا لاني عايش بالصراحه منذ خمس سنوات الا ما قلت لي وش فايدته
قلت : اهرج مع العالم
قال فيه بنات <<<< زير اكيد يسأل عن البنات
قلت : الله الله <<< يعني ايه وبقوه
قال يا بعدي ابي اسولف معاهن
ودخل شات الجليله ولما دخلت الشات طار عقله
قلت وراك
قال كل هذيلن بنات
قلت ايه
المهم صار يهرج معاهن ع المايك ويقول لهن من اشعاره
ما دريت الا وخمس بنات طالباته ع الخاص
اهب حتى بالنت محظوظ
واعطته كل وحده ايميلها
وقال لي الزير طلبتك
قلت عطيتك
قال الجهاز ابيه
قلت جاك
ومن يومها انا منقطع عن النت

الا صحيح نسيت اسألك
ما حاجتك؟
قلت :بدري جغمة ماء <<<< خربها هههههههه
قال : افصح والا هبدتك بالمصلاب <<<< الجد معاه ع الخط
قلت : جدي الم تعرفني
قال : لا ولكن مشبّه ؟ <<<< امحق فصحى
قالت : انا اللي اليا سولفت تقول ابتلشنا بهالنشبه
<<<< دايم ينشب بحلقه
قال : اييييييييييييييييه يا شينك صاير اطخم من وراي
النيجيري فتح فمه معذور مو فاهم شي
قلت وش فيك قاعد مع خال السبيت <<< يحط على النيجيري
قال : شرايك اترجم له كلامك
قلت : قسم ان فهم هرجي الا يعلقني مع كراعيني ويقصبني قدامك
قال : اجل وش تعطيني
قلت : جايب معاي اغنيه لسميره توفيق
قال : بعدي تغمز فيها والا لا؟ <<<< مراهق هالجد ههههههههههههههه
قلت : يا جدي لا تفضحنا حتى لو غمزت شلون تشوفها بشريط كاست
قال : مالي شغل يا تغمز لي يا افتن عليك عند ولد الشريا هذا <<<< حتى الجد يعرف يحط
عصب النيجيري وقال : كأنكما تهزءان بي
قال جدي :حاشا لله ان اهزأ بك لكن هو نعم <<<< الجد ماله خاتمه
ما دريت الا والنيجيري قلب لونه الى اسود محمر وانتفخن البراطم وصار يطلع من مناخيره شرار
قال جدي : سعود هج بعمرك
قلت : انا ولد جدي والله ما يقرّب لي وانت هنا <<< يرفّع بالجد
ما دريت الا وجدي ساحبن المصلاب وهابدن النيجيري على خشته
حتى اني شفت غربان تحوم حول راسه يعني صابه دوار من الكمخه هههههههههههه
قلت يا جدي والله انك جنيت على عمرك
يا ويلك ان صحى النيجيري وشافك
قال : والدبره
قلت : هج بعمرك وانحش للبيت قبل ما يصحى
قال : يالله ودني قبل ما يهجن الغربان اللي حوله
قلت : ايه هين كم تعطيني <<<< مادي هالولد
قال : اللي تبيه
قلت : ايه هذا الكلام السنع
طلعت لخالي وقلت له وش تعطيني اذا اقنعت الجد انه يرجع للبيت
قال : اللي تبيه
واستفدت من الجد والخال

تحياتي شمس الخليج

**قمر جدة** · 02-Jul-2006,10:57 AM

ههههههههههههههههههههه

ههههههههههههههههههههههه هههههههههههههههههههههه ههههههههههههههههه

تاالعغل عغلعغلغععاتنىبل موتيني من الضحك مني عارفه اش اكتب في الكيبووووووووورد

يسلمممموووووووووووووووووووووو حبيبتي على الموضوع

ما قصرتي نورتي المنتدى بوجوووودك

ننتظر جديدكــ يـــــــــ عســـل ـــــــــا