(تعليقــــات شعــريـــه)

**ღღالعناღღ** · 19-Jun-2006,11:42 AM

تعليقــــات, شعــريـــه

تستهويني التعليقات والمحشات في الجرايد والمجلات ؟! وبالذات التعليق اللي على الشعراء والشاعرات
صراحه بعضهم يكتبون كلام (مدري وش يبي)
هو فلسفه!! ولا تميلح؟! ولا على قولة المثل خالف تعرف
__________________________________________________ _______________

هي كانت مشككه واتأكدت لمّا

قزت اسم عيلتي على لوحـات(بي امي)

نواف الدبل

شكلك يانواف ماقصدك تكتب قصيده؟!شكلك تبي تبيع (موترك)

المهم علي بـ2500 ريال بس اهم شي تكون مجدده ومفحوصه

************************************************** ****************************

أبيك تعطيني غلا مثل ما اعطيك

ولاّ بجوز اعن الغرام ومجاله

حنين الشمال

افاااا ياحنين؟هذا مثل شغل (المخدرات سلم واستلم)

************************************************** ***************************

تبيني ارجع لك واحبك واراضيك

طيب موافق بس قم حبك كوعك

طلال العبدالله الرشيد

تصدق لو انك قايلها بشوتك(بوز) كان اهون عليها

************************************************** ************************

الغرب يصنع طايرات وصواريخ

والشرق الأوسط ضاع نفطه بلاشي

حمود البغيلي

وينك فيه؟شكلك منتب عايش معنا؟!من زمان وحنا على هـ الحال الله يرحم حالك

************************************************** *********************

تخونين وتبين ارضى واحد يرضى تخونينه

انا لو شفتني مع حبيبه ثانيه ترضين

حامد زيد

كان قلت لها(عامل الناس كما تحب ان تعامل) اوه نسيت انك ماتعرف هالعلوم ونسيت انك تبي تضبط القافيه

************************************************** ********************

وان شعرت الوقت ملنـي وإلا مرتنـي الكآبـة

آخذ الجيتار وأعزِف أحلى لحـن ل "كورتَـزار

بشاير الشيباني

اقص يدي لو أحد من اللي يسمعونك عرف كورتزار؟!

بعدين تعالي وش ازين نوع بـ (الجياتر) ودي اشري لي واحد.

************************************************** ************************

تعبت ادوًر لين صدفه لقيتك
ويومٍ لقيتك قلت ودي بفرقاك

المرقب العالي

حركات اولى ابتدائي اذا قلت له خذ هالشي قال ماابي؟! واذا قلت له لا تاخذ قال ابي ههههههه

************************************************** ***************
يوم العذارى بأجمل الصوت غنَّنن
سيت همـي واستمعـت الغنـاوي
يا حلو دق طبولهـن يـوم شالـنْ
والطار صوته في دجى الليل داوي

احمد الجريفاني

افرح ياعم تبي تجيك جائزه رفع المعنويات من جمعية (الطقاقات الدوليه)

************************************************** ****************

أرد بكلمة وحده تراك أنتا شبيـه إنسـان
و أنا ما طالعك حاجه وكلامك ما يضايقني

غنج

كل هذا كلمه وحده؟! صدق الله لايوليكي على مسلم؟!

************************************************** **************

انا شاعر من عروقي نبت زهر الغرام ظلال
خطر لو طفت بخدودك خطا مرة تجرحيني

سكود الشمال

اجل السنه الجايه يبون يسون (أسبوع الشجره) عندك هههههههههه

************************************************** *************

لوّ ان عندي مثل ما عند الوليد بن طلال
شريت برج الفيصليه لجل اغيظ المملكه

زايد الرويس

افاااااااااا مدام انك حسودي مالله رازقك

************************************************** ***************************

قولي نعم لا سألتك لا تقولين إيـه
تفرق مع الشاعر اللي ضاعت آماله

سعد الحريص

ياخوي تقول ايه؟يعني تصرّفك مايبي لها ذكاء؟!

************************************************** ***************************

من عرفت الحب والليل القديم
صرت امد الكف صادق للسلام

عناد المطيري

أمة محمد كلها ماده يدها للسلام؟! ولا احد معبرنا

************************************************** **************************

كم كافر في جلد مسلم مع الناس
وأمه وابوه اسباب كفره وغيّـه

ريميه

وش تكفيره الله يصلحك؟! لا احد يسمعك ترى هالشغله هالأيام تودي ابو زعبل انتبهي

************************************************** ***********************

وأتحرى وأطالعفـ الشبابيـك ضـي
وطول ليلي هنا وهناااك أنادي ياهيه!!

قسمه العمراني

وش هذا ياقسمه؟! حركات شغالات(خدمات) الطلطله من الشبابيك

************************************************** *************************

يالله نعيش الهوى مثل الخواجات
لا خوف لا هم لا منقود لا عيب

فيصل المجفل

(jugdrJJJJhj auJJvdJJJi)