ردية بين طلال الرشيد وفهد المساعد .,

[~¤¦الملتـاع¦¤~]

طــــلال ــآلــــرشيـــــد :::



[poem=font="Simplified Arabic,5,red,bold,normal" bkcolor="transparent" bkimage="backgrounds/21.gif" border="double,6,black" type=0 line=0 align=center use=ex num="0,black"]
صديق الطفولة وش جرى لك مع الايام


هي انصفت دنياك ولا انت بك مثلي


فقدنا ملامحنا مثل ساير الانــــــــــــام


عبث بنا جور الزمن والزمن يبلـــي


وقفنا جميع وبيننا حاجز الاعــــــــوام


صعيب وصولي لك وصلــــــــــي


وانا اشوف في وجهك طريقٍ غشاه عتام


وذاك النخيل واشوف دارك ودار اهلي


وسدرةٍ هي اكرم من اهل بيتها اللـــــوام


وفي وجهك اصحابي عصى مدرسي وفصلي


وعودٍ كبير ودايم فالظلال ينـــــــــــــــام


في ذكرياتي له بعد ملمح وجلــــــــــــــــي


وسورٍ كتبنا فيه ذكرى عبث واوهــــام


ولي في عيونك صورةٍ زانها جهلــــــــــي


بثوبٍ تبلل بالمطر والتراب وشـــــام


وانا احب اسير العب وهي حافيةٍ رجلي


انا وانت طفل وطفل دايم رضا وخصام


بكانا سهل والضحكة امرٍ بعد سهلـــــي


دعاني بوجهك نادهٍ ينده الاحــــــــــلام


معه رمحٍ مدري هو علي غاضبٍ اولجلي


انا كيف اباصل والامل خلف مو قدام


كثير الاسى والسهد يامن فعل فعلــــــــــي[/poem]





فهـــــد ـآلمســــــــآعـــــد :::



[poem=font="Simplified Arabic,5,white,bold,normal" bkcolor="transparent" bkimage="backgrounds/22.gif" border="double,6,black" type=0 line=0 align=center use=ex num="0,black"]
فقيد الرجولة وين حطت بك الاقدام


انا ماتخيلتك تزور اللحد قبلي


عقيد الطنايا شيخ شمر ذرى المنضام


حفيد الجنازة بلوة الي بلا المبلي


عقيدٍ لقومك بس تبكي عليك اقوام


من الساحل الشرقي الى الساحل القبلي


انالاذكرتك طاح راسي على الاكمام


اسولف لقلبي عنك وابكي على مهلي


اسولف عن اول مرةٍ جيت قبل العام


وشفتك بعيني مثل ماكنت في عقلي


امير وعظيم وشاعر وفارس ومقدام


سجَِِل البياض اللي بنقش الذهب مطلي


سنافي شهم فزَاعٍ لا قام يعني قام


يغيث الضعوف ولا يقول الوبل وبلــي


طلال الشهامة نكست من عقبك الاعلام


الا من قتل خيَال وش نفعة الرجلـــــي


طلال الاوادم كلها من لحم وعظــــــام


تعيش وتموت بصمت تالي ورى متلــــي


عداك انت يامن عشت عمرك عظيم اشمام


وقفت فمماتك تنتخي من نوى قتلي)


رحيلك بنى للحزن وسط القلوب خيام


ووداعك جعل كف الثرى بالدمع مملي


عسى من لبست لخشيته فرمضان احرام


ودعيته (يارب اكرم نهار الحشر نزلي)


يعوضك عن دنيا بها حاسد ونمـــــــام


ويرفع مقامك عن مقام البرى السفلــــي[/poem]





ــآللــــه يرحــــمــ فقيــــدنـــآ .,




=-=-=-=-=-=-=--=-=-=-=

مــع ـآلتحيــــــَّــــــة

[عشق بدوي]

السلام عليكم ورحمة الله وبركاته


الملتاع

مساك الله بالخير يالقرم

لا تعبت ولا ندمت انشالله :)

تسلم يمناك

يعوضك عن دنيـا بهـا حاسـد ونمـام 000ويرفع مقامك عن مقام البـرى السفلـي

اللهم امييين يستاهل طلال هالانسان المتواضع خلى الجميع يحبونه ويحترمونه ويحزنون على وداعه ما اقول الا الله يرحمه ويغمد روحه الجنه

لاهنت يالقرم

[في خاطري]

الله عليك اخوالملتاع عجزت عن التعب والرد
يعطيك الف عافيه اخوي وتقبل تحيات اخوك
وليد

[إعدام ميت]

الف شكرررررررررررررررررررررررررررررر

اخوي وننتظر جديدك

[هديل الشوق]

الله يعطيك العاااااافيه

تحيااااااتي

[~¤¦الملتـاع¦¤~]

مســـآكـ ـآللــه بـآلنــووور وـآلرضـآ .,


ســلمـــت طـآل عمـركـ ,



ولاهنــــت على مرووووركـ وتشريفـــــكـ ,



وــآللــه يرحـــــمـ أميرنـــآ . ويغمــــد روحــه ـآلجنَّــة ,





=-=-=-=-=-=-=-=

مــع ـآلتحيــَّــة

[~¤¦الملتـاع¦¤~]

ــآللــــــــه يعــآفيـــــــكـــمــ,





وتسلمــــــون على هــآلمـــرور ,





دمتمــ بخير,



=-=-=-=-=-=-=-=-=-

مــع ـآلتحيــَّــــة