مصطــوٍوٍل وٍنادي النصرٍ وحكاية ابو نغافـــهـ :) .!!

[مصطول]

ملاحظـــــــه مـــــهـــمـــه
قبل قراءة الموضوع
شباب اللي بيطرش يطرش من الحين
ماله داعي في نص الموضوع نلقى الكيبورد نصه سلطه ورز

مرحبووووم بووووم

يــــمـــنع دخـــول المــــغـــاتير


موقف قديم
:: طبعا خارج الموضوع ::
لان مقدماتـي دايــم غبــيـه

اذكر ايام ثالث ابتدائي سواها واحد في الفصل
سواها يعني خرط ام البتاااع على الاخر وخيس ام الفصل
قسم بالله صنمت خشومنا احس جاها شلل من الريحه
القهر ان اللي مسويها جنبي ولا اقدر اتكلم عليه
خااال على كيف كيفكم ,, ويرووع وانا كنت نعومي << أيه هين
اول مادخل المدرس جاه شلل نصفي من الريحه
والتفت علي على طول وقالي مصطول وش انت مسوي << اما قال مصطول
قلت ما سويت شي ,, قال اقول اطلع برااا ,, انتم ما عندكم حمام بالبيت
قلت قسم بالله ,, وسيفين ونخله انه مهووب انا وطقيتها بتسوه بتسوه = قعدت اصيح
قال اقول رح للحمام تنظف وتعال يا المخيس
واللي جنبي لازقن في الكرسي من الصمغ اللي مسويه ومسبط وسااكت قليل الادب << حلوه قليل الادب
يوم قمت وامر من عنده الرجال ما شم شي ناداني قال شكله مهوب انت ارجع مكاانك <<< رجعت سمعته عند زملاءه بعد ها الكلمه
شوي التفت على اللي ناشبن في الكرسي ,, قاله طلال قم بالله ووورنا مقفاك شووي
يوم قام وديور جاني فشل كلوي من المنظر وبغيت اطرش << الله من زين التعبير بعد
تقوول خريطه متعلقه في ثوبه
وصفقه المدرس بكف خلاه بيترم عشرين مره وطرده من الفصل
واسبوع ما داوم ها الولد ,, والاسبوع الثاني وهو ناقل من المدرسه << ماله وجه يداوم بعد اللي سواه
<<< وبغى يورط ها الظعيف النعووم << افلقني يا شيخ



^
^
^
صوره من ارشيف لأمير مياسه خخخ



^
^
^
طبعــا صورة حبيــبـتي ايام الابتدائـي
اسمها ســـوزي تـكـــر


ترا اللي فوق كله ماله دخل بالموضوع

فاصل اعلاني
--------------------------
هذا الموضوع برعايــة حملة مصطول لمقطاعة المنتجات الدنمركية

معا ضد المنتجات الدنمركية
-------------------------

××الـــمــوضــــوع××




هذا الله يسلمكم ايام الطفوله وماادراك ما الطفوله
قصدي ايام المتوسط << امحق طفوله
بالعربي ايام المشق والقمل والخلاقين
تعرفون ذيك الايام احمد ربي ان مافيه لا انتر نت ولا انتشرت القنوات الفضائيه والاعلام
ولا كان تلقون صورنا في المنتديات السيرلنكية وابو هنود قاعد يذب علينا

مرتن من المرااريت كنا نلعب في الحاره تعرفون عاد الحواري اول انواع الخشش الغلط
وكانو يسموني من شدة زين لعبي (( ابو نغافه )) << يلعن ام اللقب يا شيخ
وكنا ذاك اليوم نلعب عند بيت واحد من اصدقاني << بحرف النون اصدقائي يا دلخ
ومع الحماس والخبط واللزق الا واحد كسرني والتفت عليه معصب ابي امزعه بالكوره على وجهه
واشوت الكوره بكل ما اوتيت به من قوه << متعوب عليها هالكلمه
وقام الرجال ودنق يوم دنق الا الكوره متعديه كيلو وتصمخ في شباك البيت اللي نلعب جنبه
وتشوف الدريشه تتنثر انواع القزاز يتطاير ,, يحلــفون ما شفنا ولا واحد كلهم فقعو خايفين
لا يطلع علينا ابو صنديحـه ويفرك وجيهنا بالزفلت عاد بخيل وغثيث
بالصدفه كان عضو شرف بنادي النصر مار مع الشارع وشافني وانا اشوت الكوره
ويسمع عيال الحاره يقولون يلعن بليسك يابو نغافه وش سويت

راح وعلم ادارة نادي النصر عن الموقف اللي صار
من بكره الا وسيارة نادي النصر ماره في الحاره ووقفت عندي
قالت وين بيت ابو نغافه
يحلــفون ارتعت احسبهم مباحث ,, قلت لهم نقلو من زمان ولا هوب راجعين << يلعن ام التصريفه
قالي طيب امس لاعبن كوره فيذا
قلت ذا بيزقطني عشان يسجنوني بسبة الدريشه الله يقطع ذيك الشوته ماسوت خير فيني
قلت صراحه اتوقع انه مات << يتفاول على نفسه كله عشان ما يمسكونه
يوم مر واحد من العيال من عند السياره والتفت علي وقالي وش خبارك يا ابو نغافه
<< يلعن ام النكبه
يوم تقلب وجهي ,, وناظرني اللي في السياره قال انت ابو نغافه وراك تلعب علينا
قلت لا صراحه في ثنين ابو نغافه << قال لا نبيك انت يا روبرتو كارلوس << يوم كبر راسي بعد ها الكلمه
قلت وش دعوه روبرتو كارلوس ,, قال يقولون انك لي شت الكوره تكسر حتى الجدار وانك امس كاسرن دريشه
قلت تكفى لاتعلم راعي البيت واقعد اصــيحـ واشكيله حالـي << امحق حال
,, قال لا تخاف يالسبهه انا جاي ابيك تلعب معنا في نادي النصر
يوم كبر وجهي صار تسنه بطن كريزي قال اسمع نبيك بكره العصر تجينا مكمل نبغاك تتدرب معنا
قلت موافق موافق موافق موافق << زي ابو ركبه في طاش ماطاش بالضبط بغيت انط في وجهه بغيت اتعلق في الباب من الفرحه

المهم يوم جا من بكره قلت ابروح لهم لابسن شورت ماله داعي اروح بها الخلاقين
عاد تعرفون ترنقات اول كلها لي جت عند الركبه وطليت تلقا الصروال مشقوق من كثر ماتمحط على الزفلت
والله ادور وادور ما لقيت شي كلها مشققه ورايحتن فيها وما عندي شورتات
قلت ياولد رح لدالوب الوالده خابرن عندها شورتات تشتريها من محلات ابو ريلين
واروح انطنط والقا شورت حق العجز اللي يجيك اصفر ومرنقط بازرق
قلت بس هذا عز الطلب لونه نصراوي خلهم يدرون ان عندي ولاء للنادي
ابلبس عليه فنيلة رياضه ولا هوب دارين انه حق عجز بيحسبون انه موضه

والله واطق الشورت حق الوالده الله يطول في عميرتها واطق فنيله رقم 21 << الدحيدح على غفله خخخ
<< ترا رجليه كلها يسار

والله واروح للنادي واول ما دخلت الا فهد الهريفي قدامي
اول ما شافني قالي الله يعطينا ويعطيك
قلت وشو الله يعطينا ويعطيك << الرجال يوم شاف اللبس صار يحسبني طرار
قال ياخي ماجبت فلوس اليوم ,, قلت لا ياشيخ انا لاعب جاي اتدرب
ناظرني بربع عين ,, وقالي بالله هذا لبس لاعب
قلت وش فيه ,, قال على فكره الشورت اللي عليك زي شورت امي << كشفني
قلت ياخي انت وسيع صدر زيي يا فهد

قال اقول تلايط بس وظف وجهــك << قلب علي الهريفي :(
والتفت على مسؤول الملابس ,, قاله بالله وين الملابس اللي بتودونها الجمعية الخيرية
قال في السياره ,,, قاله بالله خذ هالورع هذا وعطه تكميله وخذ اللي لابسها وارمها في الزباله

<< يوم قمط وجهه ,, عقب هاالكلمه ,, يلعن ام التهزيئه هههههه

المهم يوم جينا بنتمرن وانقز للمعلب واخذ الكوره وانطلق
وهم ما بعد بدو توهم يحترون المدرب يصفر بداية التمرين
وانطلق وهم يتفرجون يقولون وش هاا لسبهه << عاد حافي الولد
وانصى الخوجلي وامزع امه في بطنه يوم دخل هو والكوره في الباب

يوم نصاني المدرب قال سجلوه سجلوه سجلوه بكره بينفعنا في النهائي

وكان بكره مقرر المباراة النهائية على كاس ولي العهد بين الهلال والنـصر
ايام ماكان النصر يطقطق مع الهلال

ويسجلوني على طول ومن بكره وحنا محضرين في الملعب والملعب فل الفل
ويلعبون وانا طاقيني بالاحتياط بحجة اللياقه ,, لان عصاقيلي متلهفه على اللعب
عاد اصدقاني حاضرين للملعب كلهم وماسكين علم كبير وكاتبين عليه رابطة مشجعي ابو نغافه وواحد منهم ماسك الشورت المرنــقـط وكاتب عليه بداية ابو نغافة
يوم جا قبل ماتنتهي المباراة بخمس دقايق والنتيجه تعادل صفر / صفر ,,
جا المدرب قالي ابو نغافه سخن ,, والله واقعد اناقز اسخن يوم طببوني قبل ماتنتهي المباراة بدقيقه
واول مادخلت اركض وادور على الملعب عشان يشوفوني اصدقاني ويشوفني اهلي في التلفزيون حاط بريل كريم الاخضر بشعـري
وانا اركض الا فهد المفرج مار من عندي يوم شافني قال وش ها القطو هذا وش مدخله للملعـب ويشوتني شلوتي باقوى ما عنده
الا انا طاير ومتجه لباب الهلال ,, كان في حزتها فهد الهريفي رافع كوره وتبي تطلع برا من الجهه الثانيه
بس انا جيت من قوة الشلوتي اللي عطانيه فهد المفرج واصقع في الكوره وادخل انا وياها في الباب
ويقعدون يزاعقون الجمهور وانواع الخمخمه ويطبون علي كل اللعيبه وكان المعلق ناصر الاحمد يعلق ويقول
مشروع نجم جديد في الكره النصراويه ,, ابو نغافه بحركة خرافيه يسجل قوول عالمي << ما يدري انه من قوة الشلوتي اللي جاني
وانواع التشجيع في الجمهور ,, واللي يقول ابو نغافه في الساحه تعلم يا غشيم ,,
واللي مطلع الشورت اللي كنت جايبه ويلوح به وكاتب عليه بداية ابو نغافه
يوم شافته امي في التلفزيون ,, قالت هذا شورتي اللي انا فاقدته وش جابه في الملعب
عاد حاطين عليه رقم 21 من زود البطره
وانتهت المباره واشتهار ابو نغافة مصطول على مستوى الكره السعوديه


××× للــــــفائــــدة مستــــقـــبلاً ×××

اذا بغيت تطلع من بيتكم نظف خشمك لا تجيك عياره تنشب فيك لين تموت
بعدين اللي يبي يروح للمدرسه يسويها في البيت عشان ماينحرج بعدين
ويروح يدور له نقل خخخخخخ

×× مهوب كل من طق كوره صار الهريفي ××

مصطـــــــــــــوٍل آل مفــــــــــهي

[بَرَِآءَةْ دَمَعَتِي]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههه
حلوة
يعطيك الف عافيه اخوي مصطول على موضوع
تسلم يدك

[~عشق~]

سلااااام باقرا بس بالاول باكل وارجع لاني توني صاحيه وجووووعااااانه وماعندي استعداد اموووت من الجوع وتنسد نفسي وانا عااارفه اصلا نصراوي موب جاي منك الا شي زي وجهك خخخ

[™ إبراهيم (007) ™]

ههههههههههههههههههههههههههههه
هههههههههههههههههههههه
هههههههههههههههههههههههههههه

صدق وربي مو كل من طق كوره صار الهريفي

موضوع رائع يالغالي

نبي إبداعتك ياكايدهم

لي رجعه

هالموضوع فله

[™ إبراهيم (007) ™]

سلااااام باقرا بس بالاول باكل وارجع لاني توني صاحيه وجووووعااااانه وماعندي استعداد اموووت من الجوع وتنسد نفسي وانا عااارفه اصلا نصراوي موب جاي منك الا شي زي وجهك خخخ

يازين جيباتك يالنصراوي

[~عشق~]

اقووووووول ياااااما من المصاااااااااال خخخخخخخ <<<< تحطييييييييم

وش اخبارك يابو نغافه اعوووذ بالله وش ذاللقب مالقو غيره وامك الله يهديها ماتنظف خشمك قبل لا تطلع خخخ

اما القصه كللللللها شكلك متأثثثثثثثر من طاش كثيييير خخخ اقوووول سلملي على صديقتك ياهي زيييينه خخخ وامير مياسه كل يوم حاطين لنا صوره له احلا من الثانيه خفووو علينا ياخي عذبتووووونا خخخخخ

والله الفاصل فطسني من الضححححك من جد منقهرررررر من الزعيييم خخخخخ

طحياااااااااااطي لك ولصديقتك بالمدرسه خخخ

[~عشق~]

يازين جيباتك يالنصراوي

خخخخخخخخخ
احلف قل قسممممم

لوووووووول

[™ إبراهيم (007) ™]

خخخخخخخخخ
احلف قل قسممممم

لوووووووول

يازينك ساكته

[~عشق~]

خخخخخخخخ
وش فيييك برهوووم معصصصصصب

خلاااااااص باسكت

بس باقولك شي ترى انا زيييييينه بكل الاحوااال خخخ

اعرف انك معصصصب بس مدري شالسبب عموما اذا روقت رد علي خخخ

<<<<<<رااااااااااااايقه مرررررررره

[جرحـ الزمنـ]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههه
الله يرجك ابليسك اجل طلال عملها على نفسه خخخخخ

بس ما شا الله عليك اجل اخذوك النصر علشانك كسرت دريشة الرجال خخخ
قلهم ياخذوني والله انا ياما كسرت درايش ولمبات ههههههه
بس لي عندك طلب مصطول ابغاك تجيب صورتك وانت لابس الشورت المرنقط خخخخ
لو اني مكانك كانت قلت للهريفي ما ينلام ابونغافه ما ينلام هههههههههه

وصدقت ما كل من لعب كوره صار الهريفي

ممشكور يا غالي على الموضوع الحلو والاحلى فيه الفاصل

ههههههههههههههههههههههههههههه
هههههههههههههههههههههه
ههههههههههههه