========== > { قصة افراح } < ==========.!!

**ولد ال رحمه** · 14-May-2006,10:41 PM

افراح, قصة

هذه قصة وحده تقول تبي تتعرف علي وتقول انها تحبني وهي الصراحه البنت

على الحبلين يعني تحب غيري عشره

وانا كتبت القصيده هذه وقلتها لها ومن بعدها هي كرهتني وانا حبيت انزلها لكم

وانا الصراحه ابيها تكرهني ابركها من ساعه

اخليكم مع القصيده

قالت انا ابعمر الزهر واسمي افراح . ابشر بحب يستمر مر الازمان

قلت اعذريني بين قلبي والاحزان . قصة غرام صار الالم فيها عنوان

قالت هويتك مالي غيرك من الناس انت الهوى انت الغرام اغلى انسان

قلت اقعدي بروي حكاية عجيبه قلت اسمعي يا بنت في كان ما كان

كانت مهره ساكنه وسط قلبي ما مثلها يا بنت في كل الاوطان

كانت حياتي والامل بين هالناس ما كنت اشوف بقربها نوف وايمان

لكن قدر ابعدها عني وراحت واصبحت انا من عقبها كلي احزان

قضيت حياتي بعدها بس اعاني افراقها ولــع وسط قلبي نيران

القلب يصرخ يشتكي لسعة النار بغيابها ثارت براكين ولهان

محد يجاوب صرختي يرثي الحال محد سالني قال لي ليش زعلان

ما غير حزني يزورني كل ليله يحمل دموع سايله فوق الاوجان

عشقت حزني قد ما كان وافي عدد ما زار الهم قلبي ولا خان

كثر ما عشت الليل دمع واهات والناس غيري بين عازف وطربان

كثر ما نام الناس ليل ورا ليل وانا عيوني ساهره قلبي حيران

قررت بعد مهره ما ابي هوى الناس ابقضي عمري كله عاشق للاحزان

هذي نهاية قصة كلها اوجاع كان البطل فيها الم ساكن انسان

يا بنت انا عاشق حزن وانتي افراح روحي تنقي مثلك انسان فرحان

وسلامتكم واعذروني على القصور

========== > V rwm htvhp C < ==========>!!