من قال بعد الدار ينسيك الاحباب .

[عبدالله العصيمي]

دائما مانسمع


(اللي بعيد عن العين بعيد عن القلب )


يتردد على اسامعنا


نتمثل به في واقعنا


لكـــــــــن ماحقيقه صحته


او ينسى الحبيب مفارقه


بمجرد البعد المكاني

ام

هو مرتبط به بروابط اوثق


روابط روحيه تلغي تأثير المسافات


اخواني ابيات متواضعه لاترقى لمستوى قصيده


خطرت ببالي وهي رد على هذا المثل


ولكم الحكم عليها









[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من قال بعد الدار ينيسك الاحباب = ومن صد عن عينك مع الوقت تنساه
قله يقول اللي تغربل وهو شاب = باسباب طفلٍ عذب القلب واشقاه
ماينسى حب الحبيب ولو غاب = ولاتنطفي نار المحبه بفرقاه
كلام من قلبه بنار الهوا ذاب = يجاذب الونات ويزيدها . آه
له في بحور العشق ديوان وكتاب = عنوانه العاشق وجرح المعاناه
لا يابعد كل القرايب والاجناب = ما انساك دام الدم يجري بمجراه
واعاهدك بالله ياضاف الاهداب = عهدٍ تعاهدناه والشاهد الله
عهد المحبه ماهي عهود كتاب = بنوده الاشواق والحب معناه
ولاني بمن ينسى مواثيق الاحباب = ولو طالت الفرقا فلا والله انساه[/poem]






اخوكم عبدالله العصيمي

[سعود العطاوي]

صح السانك اخوي عبدالله ولاهنت يالغالي وبيض الله وجهك

على الجزله ولاهنت










اقبل تحياتي اخوك سعود العطاوي

[بَرَِآءَةْ دَمَعَتِي]

صح لسانك اخوي عبدالله العصيمي على قصيدة
تسلم يدك

[جرحـ الزمنـ]

واعاهدك بالله ياضـاف الاهـداب
عهـدٍ تعاهـدنـاه والشـاهـد الله
عهد المحبه ماهـي عهـود كتـاب
بنـوده الاشـواق والحـب معنـاه
ولاني بمن ينسى مواثيق الاحبـاب
ولو طالت الفرقا فـلا والله انسـاه

صح لسانك اخوي عبدالله
ولاهنت ياغالي قصيده رائعه
كروعة قايلها مبدع كعادتك ياغالي

دمت بسعاده انت مصدرها