"<(۩)§ أطــراف سكيــني - صوتيه §(۩)>"

[خالد الشعلان]

[align=center]بسم الله الرحمن الرحيم

السلام عليكم ورحمة الله وبركاته بعد انقطاع اهديكم إحدى قصائدي الصوتية
أتمنى أن تنال رضاكم
"<( أطـــــراف سكينــــــي )>"

[rams]http://www.al-shalan.net/realplayer/a6raff.ram[/rams]


لحــفظ القصيــدة

<>

أنا أشهد إني في حبك بنيت جبال فوق جبـال
وقلبي لك بعد يشهـد وصرتـي دم شرايينـي
رسمتك نون في عيني كأنـي للخيـال خيَّـال
وكَأني بعد ما أَصحى أَشوفـك وردة بيدينـي
من أَول ما نبض قلبي لقيت الحب بك ترحـال
ولقيت النـار فـي بـردك تبعدنـي وتدنينـي
وقلت إنِّي على دربك أبضرب للعشق أمثـال
أبضرب شي في الدنيا قطفتـه مـن دواوينـي
كفاية إنِّي عرفت دربك ولا همِّي أنا لو طـال
حلفت اني أبد ما توه لـو ضاعـت عناوينـي
أشوف الشمس بعيونك يلملم طيفها الشَّـلال
وأشوف الليل برموشك بحـر بالعيـن يرمينـي
تخيَّل كثر حبِّي لك كثر مـا فِالسِّفـر أميـال
وكثر ما ينطـق العالـم لغاتـه لـو سألتينـي
خيالك يسكن بدمي الى مِن القلم قـد سـال
وصارت رسمتك فينـي مثـل منتـي رسمتينـي
أصورك الجبال اللي بقت آيَة حِكَـم وأمثـال
وأنا مثل السحـاب اللـي بأَمطـاره تنادينـي
لجل ينبت براضينا مـن ورود الولـه أَشكـال
بعد ما شفت بعيونك جواب إنِّـك عشقتينـي
أشوفك حلم بأحلامي وأحس برقصة الخلخال
وأحس الوقت ياخذنـي لأَشواقـك يودينـي
حقيقة كنتي باحلامي مثل وردة بوسطِ رمـال
هقيـت إنِّـي أبقطفهـا ولكنِّـك قطفتينـي
أجيك بشوق يدفعني لعالم مـا يعـرف محـال
وأصير الكون بيدينك ومن خوفـك تضمِّينـي
وأنا أشهد إنِّي في حبِّك يمين ٍ ما تعرف شمـال
لأنِّي بالعطا أكبر مـن بحـور الضمـا فينـي
أنا واحد ولكنِّي بأمواجـي غلبـت رجـال
وتراني يالهوى أكبر مـن إنِّـك تنتحـر فينـي
عرفتك يا لقمر كامل ولا أريدك تكون هـلال
أريدك يا لملاك تكون حبيبـي و منبـع سنينـي
أريدك تفرشي قصيدي من عيون الجمال آمـال
وأريدكْ تسكني قلبي وقبل يشكينـي تشكينـي
جمعتك لو نثرتيني ونثرتـك يالغلـى بهمـال
ويـوم إنِّـك جمعتينـي عرفتـك تستحقينـي
أريدك لافقدتيني يكُـون بهاجسـك زلـزال
وأبد ما تركن ركونك اِلـى منِّـك ظلمتينـي
حقيقة لو نسيتينـي أببقـى بصورتـك تمثـال
سألتك هو بقى فينـي مشاعـر لـو تخونينـي
لأني ما أبي تفتـح لأبـواب الجفـا مدخـال
كفايه إنِّي فتحت قلبـي وجنَّاتـه وبساتينـي
أبد ما فيه أحد غيرك ولو قالوا لـك العـذَّال
ترى كل الحكي منهـم يبـون إِنِّـك تخلِّينـي
وأنا ما ابيك تجرحني ودموعك بعدهـا تنهـال
وإذا ظنِّك بهجرانـك تقـول اِنِّـك تجازينـي
بكون أكبر من عنادك مثل ما اشرب الفنجـال
ولا يطري على بالك بيـوم إنِّـك تكيدينـي
وإذا والله بعتينِي أبيعـك لـو بنصـف ريـال
برغم إنِّي صغير السِّن ودمِّك قد سـرى فينـي
ترى ما حب تهينيني بكلمـة قيـل ولاَّ قـال
لأنِّي عـارف ٍ نفسـي قبـل لنتـي تعرفينـي
ومهما قالوا وقلتي بقـول إن الرجـال أفعـال
وكلامي عالورق كذبه أريـدك مـا تجافينـي
وأريد البسمه بعيونك تناجي خافقي بوصـال
وقبل لا ترمش عيونك أريدك تسكنـي عينـي
وأريدك لاذكرتيني يكون الحـق لـك تختـال
ويكون الحق لك تمشي على أطـراف سكِّينـي
أبي منِّك تعاهدني لو إِن الحـال غيـر الحـال
بأنِّي أبقى في ذاتـك وهـذا بـس يكفِّينـي
ولو إِنِّ الثراء فينـي يحـوِّل هالجبـال أمـوال
لحوِّلها لجل عينك وأحـرِّك هاجسـك فينـي
أبي تاخذنا أبياتـي لشمـس ٍ ماتعـرف زوال
وتصبح عينك بعيني ورمشك يحتضـن عينـي
وتكون خطاك في دربك زهور العاشق الـدَّلال
سمعت اصواتك بحلمك قبـل لنتـي تصحِّينـي
صحيت ولا يزال الحلم بحِلمي يِعتلي الأطـلال
كأني فِي سنا حلمـك مثـل منتـي تريدينـي
كتبت اِسْمك على حروفي وكنتي أروع الأعمال
اِلى مِن صاحت حروفي وقالت بس أنا وينِـي؟
وأنا أشهد إني في حبك بنيت جبال فوق جبال
وقلبي لك بعد يشهـد وصرتـي دم شرايينـي


<>


كـــ (الود) ــل[/align]

---

"<(۩)§ H'JJvht s;dJJkd - w,jdi §(۩)>"

[محماس كلاسك]

صح لسانك ولاهنت على القصيدة

وصح لسان شاعرها


دمت بود


مــحــمـــاس كــــــلاســـكــ

[المطيري]

صح لسانك ولا هنت

بس حبيت اذكرك فيه قسم للقصائد المسموعه


يعطيك العافيه خيوو


دمت بود

تحيااااتي .

[إحْسَـ انسانَه ـآسْ]

صح لسآنك آخوي خآلد

ولآهنت على روعة القصيده

دمت بود