يا الناس هالل هالله بالام

[ولد ال رحمه]

هذي قصيده ام بعد ان وداها ولدها للمصحه ( دار العجزه (
او كما يقااال ( دار النسيان(
اترككم مع القصيده


وين انت يا حمدان امـك تناديـك
وراك مـا تسمـع شكايـا وندايـا
يا مسندي قلبي على الدوم يطريـك
ما غبت عن عيني وطيفك سمايـا
هذي ثلاث سنين والعيـن تبكيـك
ما شفت زولك زايـر يـا ضنايـا
تذكر حياتي يـوم اشيلـك واداريك
والاعبـك دايـم وتمشـي ورايـا
ترقد على صوتي وحضني يدفيـك
ما غيرك احدٍ ساكن فـي حشايـا
واليا مرضت اسهر بقربك واداريك
ما ذوق طعم النوم صبـح ومسايـا
ياما عطيتك من حنانـي وبعطيـك
تكبـر وتكبـر بالأمـل يـا منايـا
لكن خساره بعتني اليـوم وشفيـك
واخلصت للزوجه وانا لي شقايـا
انا ادري انها قاسيـه مـا تخليـك
قالت عجـوزك مـا ابيهـا معايـا
خليتني وسط المصحه وانا ارجيك
هذا جزا المعروف وهـذا جزايـا
يـا ليتنـي خدامـة بيـن اياديـك
من شان اشوفك كل يوم برضايـا
مشكور يا ولدي وتشكر مساعيـك
وادعـي لـك الله دايـم بالهدايـا
حمدان يا حمـدان امـك توصيـك
اخاف من تلحق تشـوف الوصايـا
اوصيت دكتور المصحه بيعطيـك
رسالتـي واحروفهـا مـن بكايـا
وان مت لا تبخل علـي بدعاويـك
واطلب لي الغفران وهـذا رجايـا
وامطر تراب القبر بدموع عينيـك
ما عـاد ينفعـك النـدم والنعايـا

حسبي الله وحده ونعم الوكيل


وانا اسف على قصور اخوك ولد ال رحمه

[ღღ ـآلـمّـحَـبُـوووبْ ღღ]

[بَرَِآءَةْ دَمَعَتِي]

لا حول ولا قوة الا بالله
حد ينسى اللي سهرت عليه طول الوقت
يعطيك الف العافيه اخوي ولد ال رحمه على قصيدة
تسلم يدك

[الهنوف***]

ياااااااااااه ما اقسى تلك القلوب

تجبرك على رؤية ابشع المناظر وتعيش معها اتعس اللحظات

نكران للجميل وما أشده من نكران

وهل جزاء الإحسان إلا الإحسان

ماذا فعلت تلك الأم المسكينه لتنال كل تلك الآلآم والمآسي

رباااااه رحماك بها وبنزف قلبها

اللهم لا تجعلنا من العاقين لوالديهم يارب

اشكرك اخوي وجزاك الله خيرا على تذكير من هم في غفلة عن

اغلى ما في حياتهم واعظمها

دمت لمياسه ودام بوحك

تقبل فائق احترامي وتقديري

اختك
الهنوف

[gaberyal]

حسبنا الله ونعم الوكيل

[ولد ال رحمه]

اشكركم على مروركم الطيب

لا عدمناكم يا رب