أهلاً بكم في منتديات مياسه





في قسم




روايات - قصص - حكايات


وضمن منتديات




•][• منتديات الملتقيات الأدبيــــــــه •][•




التابع لـ منتديات مياسه






والذى يضم


محبرة شاعر - شعر - قصائد - poems

روايات - قصص - حكايات

خواطر - نثر - عذب الكلام

القصه طويله لكن ممتعه حيييل ومؤثرة
تابعوا احداثها ومارح تندمون





أنا "أمل"أبيكم تسمعـون قصتي ومعاناتي من البداية للنهاية بشرط تقرونها كلها عشان تعيشون قصتي


وأبي البنات يستفيدون من قصتي كثير

قاعده أكتب لكم قصتي ومعي ولدي ياسر عمره سنتين

و قاعده أطالع عيونه وابكي لانه يذكرني بعيون أبوه إللي ما راح أنساه طول عمري


عيشو القصة أول بأول


طويله 20366.gif



أنا"أمل"عمري 24سنه عندي أخو واحد وأختين

وحده أكبر مني متزوجة"هدى"وثانيه بالمتوسطة أصغر مني


بداية حياتي كان عندي مشكلة لا والله كان بالنسبة لي كابوس خطير يطاردني اسمه"مطلق"



هذاالمخلوق اللي ناشب لي في حياتي

مشكلتي ما ظن لها حل مشكلتي مع ولدعمي"مطلق"


حاجزني له من يوم حنا صغار أبوي الله يسامحه عطى عمي كلمة من يوم عمري خمس سنوات


وقال: أمل لـ "مطلق" ,,,, اللهم لا أسألك رد القضاء ولكن أسألك اللطف فيه

وطبعاً "الحجز" عادة عند بعض القبايل أن البنت يحجزونها لولد عمها لين تكبروتتزوجه وطبعا أنا الضحية



حيروني لهالغـول "مطلق"

لا يا ربي كل شي إلا "مطلق"



يا ليتكم بس تعرفونه والله حفلة وجهه كنه أفلام كرتون سبحان من كون هالإنسان على بعضه

والله من يشوفه الواحد يموت ضحك مدري كن مكتوب على وجهه نكته !

أولما تشوفه تطري عليك البوكيمونات !! كله على بعضه مسرحية كوميدية

تبي تدور شي حلو فـيه ما تلقى مستحيل قلبتها يمين ويسار بس ما في فايده مسكره بوجهي بكل الطرق

يمكن القلم إللي يحطه بجيبه الأمامي حلو


صحيح يقولون (الرجال مخابر مو مناظر) بس أنا أقول( الرجال مخابر مو من أصحاب المقابر) اللهم لا شماته!
.

غير شكله الأسطوريعندك أسلوبه وطريقة كلامه ما يدري وين ربي حاطه

ما يفهم حيل "مفهي" ما يدري وش السالفة !! مكتوب علامة تعجب فوق راسه لونها أحمر وتأشر!!



غير كذا فاشل بدراسته وسقـيط ياخذ السنة بسنتين وإنسان ما يعرف يتكشخ الكشخه يمين وهو شمال !



rwi ',dgi