رسائل صداقة روعة 2013 , مسجات صداقة جميلة 2013 , اجمل رسائل صحوبية 2013

فديت وقتن حط في دربي رفيق
واحدن يضحك معي واضحك معه
واحدن لا صار وسط القلب ضيق
بالسوالف والمزايح وسعه
وان حكى باسلوبه العذب الرقيق
يسرق من الجوف قلبن يسمعه

**************************
انا صديقك لا قسى الوقت واكفيك
ولاني من اللي وقت المصالح يجونك
اعزك يا صاحبي بكل مافيك
ومن كثر مااعزك صرت اعز اللي يعزونك
افتخر لاقالوا اني مخاويك
يامنبع الطيب قلبك والصفا في عيونك

*****************************
قلبي اصيل وماضي الحب ماانساه
والصاحب الغالي تشيله عيوني
اشتاق له واشفق لصوته وطرياه
واقول هو دنياي وشموع كوني
رفيق دربي ماتناسيت ذكراه
لو العرب في رفقته يعذلوني

*************************
تعبت ادور بين الاجواد صاحب
وعندي مفاهيم الصداقة عظيمة
وادري الصديق بكل الاحوال ساحب
واحذر صديق السوء حكمة قديمة
احب راعي الطيب والجود والواجب
ناس مثلك تحشم وتستحق الحشيمة



****************************

من نسى في زحمة الدنيا رفيقة
قلت له عندي رفيق مانساني
لو يطول الوقت ويطول طريقه
ادري انه لو يطول البعد جاني
بيني وبينه على العشرة وثيقة
ان بديته بالغلا والا بداني
صرت عنده بالغلا حسبت شقيقه
هو بعد غالي ومن حسبت اخواني

****************************

جالس في وسطهم
قاعد ولاأسمع حكيهم
لاتحسب اني عندهم
انا معك بس جنبهم
متحمسين بحكيهم
ماغير أشوف عيونهم
وأتخيلك وسطهم
سألني واحد بينهم
وش رايك بكلامهم
احرجني والله قدامهم!!
قلت الـــعفو ياقلبهم
ناقص رفيع الشان بينهم

*****************************

اشتقت لك يا صاحبي وين الاقيك؟
محتاج لك بالحيل ودي اشوفك
اشتقت اسولف معك واسمع حكاويك
واللمه الحلوه وباقي مزوحك
ياصاحبي من كثر ما اطريك واغليك
صرت اتحلم فيك واصحى واشوفك!

****************************** ***
شخص إلا منه مضى لي معه
يوم
أندم على ايام مضت قبل
ما القاه
احتاج له لا صار في صدري
هموم
ولو ينكسر ساقي تسندني
يمناه
جعل المعزة بيننا دايم
الدوم
هذا الرفيق اللي من الصعب
تنساه

****************************

والله ماأنسى صاحب مانساني
لو طالت الغيبه وضاعت نواحيه
يبقى معي مابين قلبي وعيني
والنفس من بد المخاليق تغليه
وأنشد عن أحواله بعاصف سنيني
وأرتاح لازانت وطابت لياليه

*********************************

اللهم انت اعطيتني خير اصحاب في الدنيا دون ان اسألك
فلا تحرمني من صحبتهم في الجنة وأنا اسألك
اللهم أسعدهم وفرج همهم وحقق لهم مايتمنوا واجعل الجنة
مقرا لهم
اللهم
لاترد دعواتي لهم فإني فيك احبهم.
__________________

مانسيت اللي بقلبي له مكان مانسيته لوقطع عني وصاله
هو ذراعي كل ماجار الزمان والزميل اللي حفظ حق الزماله
وله أنا كلي إذا إشتد الرهان أندفع له وانصره في كل حاله

،،،
دايم على بالي ولا يوم ناسيك وانته لزيم الروح واكثر شويه
بدرب المعزه أشهد اني مخاويك أخترت شخصك بين كل البريه
الرب يعلم بالغلا كيف مغليك ودايم مكانك فالشموخ العلـيه
،،،

أبكي على وقت مضى وانتهى وراح مالي سوى الذكرى معي منه باقي
أشكي مصابي كلما الهم بي اجتاح وامسح دموعي كلما الصدر ضاقي
وأسأل نجوم الليل والشوق ذباح يانجم بالله. وين خيرة رفاقي .
،،،

اعجبتني بطيبك وحاولت اجاريك معجب انا ياصاحبي من لقيتك
هذا شعوري ينتفض بين اياديك. خايف تشك بمقصده وماهقيتك
وهناك كلمه صادقه قلتها فيك ابلهجتي اقولها لك فـــــــديتك


شفت الحطب لا ضمته لهفة النار
هذاك انا الحطب وانت ناري
=====================

لا ضاق صدرك من صواديف الايام
دور على اللي اخر اسمها شمعة الخلان

=====================

ls[hj w]hrm ggl,fdg 2013