LinkBack URL
About LinkBacks
البـــــــــآرت الــــ 16
منسدح ع بطنــه علـ كنبـــه طـآحت القاروره من يدو وطلع صوت مززعــج في المكــآن
صوت الاغاااني شبــه مسموووع
اكتر من 11 شخــص موجود في البيــت
عيــونه محمــره غمضها ورجــع فتحــها كل شي قبالــه يشوووفــه يدووور
حتى اصوووات النـــآس والاغاااني كلها اندمممجت في بعــض وماسار مفــرق اي شي
رفع يدو وحطاها على الكنبــه
مايدري ايش اخد ولا ايش شــآرب بس كل اللي يحــس فيه انو دقــآت قلبــه سريــعه ولاقاادر يقووم من على
الكنبــه
جااا واحد قبــآله وكأنو بيكلمو
طالع فيييه بتتنيــح وهوا مو فاهم شي ولا حتى مركززز كل شي مغببش قداموو
الولد اللي قبــآله : ااياااد احنا ماشين تجي معانا اياااااد سااامعنـــي ! _ نزل جسمو لمستوى
الكنبه وحط يدوو على ظهر ايادد _ اياااد
ايااد يحـــس راااسه حينفجر رجججع غممض عيننوو يبــآ ينــآم عشان يرتااح من دا الصدآع
جات وحده من البنـآت وجلست على الكنــبه وطالعت في الولد : ايش بو
همام : مددري
البنت طالعت في اياد : قلتلو لاتشررب كتتير ماسمعنني
همام وقف : كلنا بنشـرب
البنت : دا بينااام ويصحى بس على الشررب احد يتصصل على اهلو لايسرلو حــآجه
همام : ماعرف ارقـآمهم
البنت : طيب دور على جواله واتصل
همام مسك جيب اياد وفتشو خرج المحفظــه : بس دا اللي فيه
البنت وقفــت وطالعت في اللي بالغرفه : قااايز مين اللي جا هنا مع اياد
4 قالو احنــآ
البنت : طيب احد عنده رقم اهلو ولا احد يقربلو
مروى : انا ادرس بجامعة اختـو
البنت: عندك رقمها
مروى : اقدر ادبرو
همام : طيب اتصلي عليها وقوليلها تجيــه
مروى : افرضو وصل خبــر لأبوه وودانا في خبر كآن
همام طالع حوليه : رتبنا كل شي من ايش نخاف مايقدر يسويلننا شي وبعديـــن احنا اللي مسوين خير وكلمناهم
قبل الولد لايسرلو شي
مروى سكتت باإقتنااع طالعت باإياااد اللي مرمي على الكنبــه زي الميــت : اوكي
اتصـــلت على هديــل واخدت رقم رودينا بعد هديل ماطلبتو من وحده في الجامعه
مروى : خلاص امشو بس اتصل عليها وراجعه انا على البيت
سلطان : ماتبي تجي معانا
مروى : لا ماحيمداني انبسسطو
خــرجو كلهم من المكــآن ومرووى اتصلت على روديناا اللي كآنت متوجهه على بيتها من بعد الجامعه
رودينا ردت على الرقــم الغريب ووطت وقتها على صوت الاغاني : ايوا ؟
مروا : رودينا ؟
رودينا باإستغراب : ايوا مين معايا
مروى : اممم شوفي اخوكي له يومين واحنا مع بعض
رودينا بس الهرجه فيها اخوها حست انها مصيبه
مروى : وبيحتفل القروب كلو ومبسووطين
رودينا : طيب ؟ اياد فيه شي ؟
مروى : لا يعني
رودينا خافت : ايش يعني فينوو هوا دحين
مروى : شوفي له يومين بس بيشرب وحتى مابيااكل ودحين مدري ايش بو له اكتر من 4 ساعات منسدح على الكنبــه
وحتى لما نكلمو مايرد
رودينا بلعت ريقها وحست بخووف : هوا فين انا حجيه
مروى تعرف عيلتو من اي طبقــه فخايفه يسو مشــآكل : حابه اقولك شي القروب كان غرضو انو ينبسط كلنا كنا
مبسوطين الا هوا اللي سوا شي مرا اوووفر وكان بيشــرب زياده عن اللزوم بس كلنااا ك
رودينا ماهمها دا الكلام كللووو : اقوولك هوووا فيييين مو وقتو دا الكلام
مروى اعطتها العننوووآن وخــرجت من البيت بس خخلت الباب مردوود
اما رودينـــآآ اتمنت في دي اللحظه انو مايكون اياد رجــع
تبااه يكون بجده
ايش ماسوى ماتخااف عليه لأنها ماتدري ايش اصلا بيسوي
قــررت تدخخل دحيـــن
حتسوووي اي شي علشااان يبطـــل كل تصرفاته دي ويفوق على نفســه
اصحاابه مافيهم خيــر
حتى اللي اياد مابيقصــر معاهم مابيقدمولو ولا حــآجه
وهيا سكتت كتيـــر وماحتسكت اكتــر من كدآ
تحسو بيمووت بالطبيئ قدامها والكل بيتفــرج عليــه
امها
ابوها
نادر
وحتــى هيــآ
وصــلت للعماره اللي وصفــتها مروى طلعت زي ماقالتلها الدور التاني وانتبهت للباب مردود
قربت منو بتردد وفتحتـــو .
طالعت بالمكــآآن مرتــب ومنظــم ومأثث بافخـــم الاثــآث دخلت وهيا بطالع حولينها
وتدور على اياااد
جا في بالها انو ممكن احد يضحــك عليها
او يمكن احد بيستدرجها
ماتدري كيف بكل ثقــه جات للشقه
انتبهتلو منسدح على الكنبـــه ولوهله كلللل الافكــــآآر اتبخــرت وراااحت لعندو على طوول
نزلت جسمها وجلست على ركبتــها ونادتو بخووف : اياااد _ رجعت تناديه تاني لما ماحس فيها _ اياااد
فتــح عيــنه ولا حــتى ميزهاا
طالع فيها بسهتــآن
قامت من مكــآنها رفعت راسسسو وجلستتتو جلست جمبو وهيا ماسكه يدوو وتهرج شويا وتبكي : ايااد ايششش
بك
اياد ساند جسمو على الكنبــه بدأ يستووعب صووتــها دار راسو باإتجاهها وقال باإستغراب: روديناا
رودينا قالت بعتب: ليشش تسوي بنفسسسك كداا خلاااص بطططل تصرفااتك دي لااتووجعللي قلبي
اياد ولا رد علبيها ولا فيــه حيل اساسا يهرررج يحس لسااانوو تقيـــل مع انو فاااق احسن من من قبل كم
ساعه
رودينا : قوووم من هنااا
اياد نزل راســو على كتفــها : ابى اجللسس
رودينا : مو قادر تقوم ؟ _ مارد عليها عصبت _ اياااد رد عليــــآآ
اياد يهرج بهدوء : خلاااص
رودينا تهرج من القهههر : يومين مابتااكل شي طبيعي يسرررلك ككداا انتا مجنوون تبى تمووت نفسسك بدا
الشرراااب الززفت واهماالك لنفسسك ايااد انا خاايفه عليييك
اياد غمض عينوو وقال بصوت مخنوق وحاااول ولو يقول نص اللي حاسس فيه: لا مو _ ماقدر ماتعوود يشتكي _
ولاشي
رودينا بتحاول ولو لمره يهرررج معاها عدل: علشان بابا انا فااهمه بس بكيفوو خلاص مابيدنا نسوي شي
اياد حرك راسو بنفي ويهرج بالقوه : لا محد عااارف
رودينا : انا عارفه من اول ماعرفت بابا ايش انتا سااافرت وسرت تسوي البلاوي
اياد دموعــه بعينه بس مو قادر يبكي : مو عشان كدا سافرت
رودينا :ليش ؟
اياد : بس
رودينا طالعت فييه : اياد قوولي ايش ساااير في حــآجه
اياد قال بحقد واضح : مو طاييقو ولا ابى ارجع البيت واششوفو
رودينا : طيب ابى افهم ايش اللي خلاك تروح ازا مو داك السبب
اياد : ولاشي خلاص
رودينا : لو ماتبى تهرج بكيفك بس تصرفااتك دي انا ماحسكت عنها ياإيــآد انتا تبى تمووت نفسسك
اياد : مرتاح كدا
رودينا طالعت حولينها : انتا عارف دا اصلا بيت مين ؟ الناس اللي حوليك اتصلو عليا خايفين علييك ودولا
وهما مايعرفووك
اياد بلع ريقــو : روديناا خلااااص وربي راااسي احسسو حينفججر مو نااقصك
رودينا : مو من الزفت اللي بتشــربو سرت اكررره اسمعع شي عن تصررفااتك لأني من جد اخاااف علييك اخاف
يووم احد يتصل عليا ويقووولي خبر عنك مو كويس وبعدين اندم أني كنت اشووف تصرفاتك دي واسكتت
اياد بالقووه وقــف ومشي كم خطوه بعيده عن الكنبه ورجع وقف وقلها : ليا كم سنه مسافر ماكنتي حتى تسألي
ودحين سرتي خايفه مو محتااج خووفكم عليا ولا ابااكم تسئلوو عني انا ابى اعييش كدا طوول عمري ابى امووت
وانا مافكر بوســـآخه ابووكككي اباااكم كلكم تخرررجوو من راااسي وتسيبووني في حــآلي
رودينا اشرت عليه : ماحسيبك وانتا بدي الحاله
اياد كآن بيخـرج بس بطــل وفضل واقف
رودينا عارفه انو مو قادر يمشي اصلا وجهه رايح لوونــه : وتبااني امشي ؟ _ جات لعنده ومسكتو _ تعال
معايا البيت
اياد مصمم : ماحرررجع البيييت
رودينا : طيب خلينا ننزل اشتريلك اي شي تاكلو وبعدين نتفــآهم _ قالت بإسلوب ترجي _ علشاني الله يخليك
مشي وكأنو وافق وهيا ماسكتوو
نـــزلو للسيـــآره اشتــرتلــو بطريــقها شي خفيــف ياكلو
رودينا اعطتو الكب كيك : اياااد كمممملو
اياد رجع راسه على الكنبـــه : مابى شبعت
رودينا زفرت بضيـق : بلله دي حاله
اياد : لاتزوديها
رودينا : ازودها ؟! _ قالت بجديه _ تراك مو حاسس بتصرفااتك
اياد : فكيني انتي التانيه من نصــآيحك وصليني للشاليــه
ردينا زادت ســرعه السيــآره ولاردت عليــه لين ماوقفت عند الشــآليـــه ودارت عليــه
هرجت بكل جديـــه : حكلم بابا يقطع عنك المصرووف
اياد غصبا عنو ضحـك لأنو دا اخر شي ممكن ابوه يسويه فتح باب السيـآره : نتقـآبل لو سواها
قفل الباب ومشي من قدام السياره وعدى من جهه رودينا رودينا فتحت طاقة السيـآره : لو بتفضـل كدا على
الاقل لو سرلك شي لايتصلو عليك اصحاابك دام مو مهتم بنفسسك انا برضو مو مهتمه بلللي حيسرلك
اياد وقف ودار جسمو اتجاهها : ليش تحسبيني انا اللي قلتلهم يتصلو عليكي ! ترا لو مصايب الدنيا كلها
فياا انتو اخر ناس اتصل عليكم ولا اطلب شي منكم لاتخافي ماحضيعلك وقتك المرا التانيه _ مشي وسابهاا _
رودينا خلاص وصلللت حدها يفهم كل شي بكيفو وردودو تحسسها انو ايش ماصاارله مو مهتـــم
حاولت تدخل بس مو قادره
تلوثات من مصنع القلب
كثيرآ مانغتر بالمظاهر ونوجد حواجزآ تمنع الاخرين من الاقتراب
ليس تكبرآآ اأو رؤيتهم كاشخاص اقل منا
ولكن خوفآآ من اكتشاف عادات جديده تجعلنا نحس بالعجز وقلة الثقه
فــي تركيـــآ
فتحت عيــنها بكســل رفعت يدها وخللتها في خصــلات شعــرها وابتسمت لماا افتكرت كيــف شكلها
فجأه جات في بالها انو ممكن دا يكوون كلو حلم
فتخت عينها على وســعها نزلت خصلات شعرها على وجهها ولما شافت لونوو غممضت عينها براااحه وابتسمت على
هبلها
حبت نفســها كدآ. جــآ في بالها هتــآن ماتدري ايش بها امس خرفت وقالت ليــزن ماتدري ايش مشاعرها
لهتـآن
بس كل ماتتخيل كيف ممكن تكون ردة فعلو لما يشوفها بدي الصووره . تتحمس ليوم رجعتها
لايـــمكن تسيـــب هتــآن لو ايش ماصـــآر
دا الانســآن الوحيـــد اللي كآن شي حلو بحيــآتها
الشي الوحيــد اللي يعطيها بوووش في الحيــآه
هوا اللي يخليها تضحك
هوا اللي يخليها تبتسسـم في اسوء حالاتها
هوا اللي حبـــها عشــآنها هيا مو علشان شكلها حبها لأنها رنيـــم
كيف ماكانت بشكلها المبهدل ولا ان كآنت بدي الصووره
انسدحت على ظهرها وكل تفــكيرها في هتــآن
ماتنكر انو بعض الاحيــآن تخاف من مشــآعرها وتحس انو ماتحبو بس متعوده عليــه
لكن يمكن من كتر ماهما مع بعــض خلاص ساار الحب والتعوود شي واااحد بنسبه لهاا
فــي الغـرفه المجــآوره نفس حــآلتها منسدح على سريره وتفكيرهـ كله لشخص معيــن " روديــنــآ "
محد حــآسس قد إيـــش مقهوور بس هوآ مو مبيــن
مسووي نفسسسسو مو فارقه معاااه
مع انو من يوم ماسمع الخبـــر وهوا مو قادر يفكككر باأي شي غيـرها
حط يده تحت راســـه وســرح بسـقف الغرفــه
قــآمت من على الســرير واول شي اتوجهت له المرآآيـــه مع انو دا الشي كآن اخر اهتماماتها
بس دحيــن تحب تشــوف نفســـها
الفـــرق شــــــــــآسع بين اول ودحيـــن
مو شي ولا شيين اتغيييرو فيــها
كـــل حـــآآآآجه
اتوجهت للحمام اتشطفــت وخــرجت طالعت بســآعه دحين حيجيها يزن كالعاده مايتأخر ولا دقيقه عن موعد
الفطور
تكررره انتظامو في الوقت كل شي عندو ماشي بالدقيقه بس لأنو متربي على دا الشي عكسها
فتحت الاكيــآس وخــرجتلــها جينزز ولبستــو بالقووه من كتــر مو مخصــر على جسمهاا
لأول مرآ تلبس جينز كدآ : اووف بلا _ قفلتو _
خرجت بلوزهـ لونها اورنــج رايــق ولبسـتها حبت اللون عليــها
اصلا كل ماتلبس شي تتنح قدام المرآيــه وكأنها مابتشوف نفســها
لمت شعرها على ورى . وفتشت بالاكياااس وهيا بتدور على الفلات الوحيد اللي خلاها تشتريه لقتو لونو بني
لبستـــو طالعت بسـآعه الا دق الباب ضحكت لأنه دا وقتــو : ماشالله
اخدت النظاره الشمسيـــه البنيـه وخلتها بيدها فتحت الباب
اول ماشافها على انو مصنقر بس ابتسسسم بحقاااره وقال باإسلوب احقــر : يسعععد صباااح اهههل تركياا كلهم
رنيــم : هههههههههههههههههههههه
يزن : اشوف ديري ديري
رنيــم دارت ظهرها : ايش راايك
يزن كعادته حقيــر طالع باأماكن محظوره بجسمها بذات لأنو الجينز مراا ضيـــق : ياااشيخه مابى اررجع دبي
رنيـم دارت وطالعت فيه بجديه : اهههجد طيب
يزن : مو وافقتيلي امس اتغزل على كيفي
رنيـم : لا ماواافقتلك _ قفلت الباب _
يزن : ايش بك البنات كلهم يحبو الشباب يتغزلو فيهم
رنيـم : قصدك يحبو شخص معين يتغزل فيهم وانا عندي مو محتاجه لغزلك
مشيو الاتنين
يزن : يابتي انا بمززح دحين بس لو قلبتها من جد تراا غززل والله لاتدمنني عليا ودا الشخص اللي في باالك في
ساعتها حيطير
رنيــم : هههههههههههههههههههههههه ياألله على الثقه
يزن : يعني دانا اكبر برهااان اني اقدر اشبك
رنيـم : وجهك وجسمك ترا اللي مخليك تشبك البنات
يزن : هههههههههه لا عندي كدا شي كمااان يخليني اشبك برااحتي
رنيم ضغطت على زر المصعد : اللي هوآ
يزن قرب منها وقال بنبـــره فيها بحــه وبصوت هاااادي : ترا مو حاطك برااسي بس عاجبني شكلك
رنيــم نبرة صوتو دوبتــها حطت يدها على صدره ودفتو على ورا : بلاا لا عاااد تهرررج كدا
يزززن رجع خطوى لورى ويضحك عليها : ههههههههههههههههههههه تبي تشوفي اشياء تانيه ؟
رنيــم طالعت بالمصعد المقفله ابوابــه : ماعاد ابى اشووف حاجه
يزن قرب منها ودفها بكتفو : اتأثرتي
رنيم طالعت فيه بنص عين وباإستحقااار : بسم الله عليااا (( من جوآآآتهااا اتأثثثرت وراااحت كمان في خبر
كآن ))
يزن عدل بلوزتو : كزابه
رنيـم تقلدو : ترا مو حاطتك في باالي
يزن : عارفه ايش مشكلتك انكك تاخدي الكلام بجديه زياده عن اللزوم
دخلو المصعد
رنيـم : بالعكس
يزن : الا يعني دحين انا بتغزل فيكي لأنو عاجبني شكلك بس احسك انتي تاخديها بجديه زياده عن اللزوم وكأني
بلمحلك اني احببك
رنيــم : ايش بك معلللق دحين على عاجبني شكلك
يزن : انااا اللي معددلك فامبسسوط انو غيرتك دا كل الموضوع والف مرا اقولك هيا انا كدا احب اتغززل احب
اهررج كدا مو قصدي شي تااااني فلاتاخدي المواضيع بحساسيه
رنيـم طالعت فيه وملامحها مافيها اي اهتممام لكلامه : ومين قال دحين اني معبرتك لما تهررج كدا ؟!انا
بوقفك مو لأني استتحي او خايفه انك تقولي احبك ترا بقولك اسكت لأنو ماحب احد يهرج معايا ويسطى بدي
الطريــقه فاكدا بوقفك عند حدك دا اساس الموضوع
يزن ساب الهرجه دي كلها وركز في شي قالتو بقرف قال : يسطى ؟ دي دحين كلمه بنت يسطططى يااشيخه روحي
ولي لو احاول اغير فيكي قرون ماححتتغيري
رآحـــو فطــرو وبعدهـآ نــزلو على اساس يخــرجو من الفنــدق ويروحو للبنـآت الي يعلمو رنيــم
بس قبــل لايخــرجو جــآ يزن اتصــآل من نزآر ففضل واقف وبيهرج معاه
ورنيــم لاصقـــه جمبــو وتلعب بنظاره اللي بيدها ليــن مامرت يد مسكــتها بطريــقه بشــعه من ورآآآ
بردددة فعــل سريـــعه صررررخت ولصقتت في يززن
يزن بعد الجوال عن ادنو مفجوع وطالع فيــها : ايش فييي
رنيـــم فجججعه عمرررها لأول مراا واحد يتحرررش فيها بدي الطريقــه
طول عمرها ماتنششــآف زي الوولد
بس دحيين غـــير
رنيم تهررج بخووف مرا اتقششعر جسمها من المسسكه : مسسسكننني
يزن يطالع فيها ومو فاهم : فيين ؟
رنيــم مو عارفه ايش تقولو : تحت
يزن : ها ؟
رنيــم : بقوولك لمسسسني
يززن دوبو استووعب : مييين
رنيــم لمحت واحد مسسسرررع بالمممشي ومتأكده انو هوآآ كآن بيشــرد للمصعد بس اششرت عليــه قبل لايييدخل
هــرجت بضضضعف وخوووف : دااااا
يزن ماااصدق يضــآرب : امممسكي
رنيــم اخدت الجوال : فيين رايح
يزن بس اعطاها الجوووآآل رآآآح بخطووووات ســــريعه للرررررجآآآآل
الررجااال اتربـــش كآن بيدخخخل المصصصعد بس يزززن كآآن اسســـرع ومســكو من قفـــآه ودارهـ عليه :
فيين حترووح منـــي
الرجـــآل بحدود الاربعــين رطن بالتـــركي كلام ورااا بعضـــو ويززن تنح على الكلاااام
يززن : دحيـــن حخليييك تهررج عربي تلقــآئي
وقبــض يدوو واعطـــآآآه لكمـــه مايحلللم فيــــهااا
الرجال كآن بيــرجع على ورى الا دعــس على حــآجه في الارض وطـــآآآآح
رنيــم طبعــا دوبها استووعبت وفااقت من الصدمـــه
مو زي اي بنت حتروح تسحــب يززن ولا تقوولووو خلاص بس شااافت الأدمي مرمي بالارض
ويزززن لســى بيبرووح يكمــل
مارضيــت تسكت عن حقـــها رآآآآحت بنفســـها بكل هجووميــه وقبــل الرجااال لايقوووم رفستتتتو رفسسسه في
بطنوووو بكل قووه ربي اعطاااها هياا
الرجااااال بكككل صووووتـــه صـــــرخ وهوا مكتوووووووم قطعتلوو انفـــآســــه :آآآآآآآآآآآآآ
اتكوور ومسسسك بطنووو بكل قووووتــها
يززن على انو كآن بيضــربو بس صنم لما شاااف رنيــم جاايــه وانفــجع اكتتتر من الضـــربه اللي ضربتـها
برجلها مو طبيــعيه ولااهتمت دا بشــري ولا لأ
نفسسسو يضحككك بنفس الوقت مفجووع
جوو امن من الفننندق يززن فهمهم الموضوع وسااابووه ساعتها بعد الاعتذااار
ورااح لرنيــم اللي واقفه بعيــد ولاكأنها مسووويــآ حـآجه سانده جسمها على العواميد الكبيره اللي
نازله من السقــف وبااين انها معصبـــه
يزن وقف قبالها : هبدددتي الادمي ولسسساتك معصبـــه ؟!
رنيــم ضامه يدها تحت صدرهاا وتهرج بقهــر : قهههرررني الله يكسسر يددده دا الووسسسسخ الممعفففن
يزن بيستهبــل : عادي ياشيخه اتخيليه هتــآآن
رنيـم طالعت فيييه بجديه : والله لو انوو هتاان ومسسكني زي كداا لاأدفنو بساابع ارضضضو
يزن : علياا لكم 18 سنــه وماسوى شي
رنيـم تهرج بكل جديه : وعلى اي اساس يقرب مني اصلا
يزن باإقتناع : حبيبك
رنيـم : مع نفسسك مرااا
يزن افتكر يوم ماقرب من روديناا وباسها وهوا يومها بس قلها احبــك بنسبه له لو يحبها ممكن يقرب منها في
اي لحظه مو شرط ينخطبو : مدري ددا الولد ايش اللي صابرو عليكي دام لكم 18 سنـه يحقلو يسوي اللي يباه
رنيـم : لما تحب من جدك ديك الساعه حتخاف عليها من نفسسك حتى _ مشيت بعد ماعطتو نظراا فيها استحقار له
_
يــزن مشي معاهاا واساسا مو مقتنع بكلامها بس مايبى يجادل
خــرجو وكالعاده التــآكسي صاحب المشأويــر
بسيــآره طالعت فيه وضحــكت
يزن رفع حاجبه وطالع فيـها : ايش في !؟
رنيـم : شكلك كدا احسن من غيـر جوال
يزن : من غباااائي ساايب الشريــحه كماان
رنيـم : ههههههههههههههههه احسسسن وربي كرهت الجوالات بسببك
يزن : ايش اللي قاهرك محسستني فاتح الشريحه على حساابك
رنيـم ضحكت : مو عشان كدا بس جوالك مايهجد طول وقتك اتصالات ولو مو اتصالات رساااايل
يزن :انا انسسان مهم شي طبيعي جوالي يرن طول وقتو اايش اللي مسستفزك مو عارف
رنيـم : ومين قال متنرفزه الحكاايه ومافيها انو شكلك بدون جوال احسن
يزن : لو ماضيعت الشريحه كان اخدتلي جوال بس ايش الفايده اخدلي وانا اصلا مو حافظ اي رقم _ سكت لحظه
وبعدها قال _ اووف لازم اتصل على اي احد
رنيــم : ليش ؟
يزن :اخاف يسير شي
رنيـم :زيي ؟
يزن : يعني ممكن هرجه تضاايقني ومازن يتصل عليا وانا مارد وجوالي مقفل فاتوقع حيكبببر الموضوع وحيهرج
سيدي وحيوصل الكلام لأبويااا وانا تقريبا زيك جاي وامي وابويا مايدرو
رنيم : ههههههههههههه دقيقه دقيقه مآزن حيتصل عليك لأنو حاسس انك مضــآيق ؟
يزن : ايوا
رنيـم : بس لو اتضايقت يضايق ؟
يزن : ههههههههههههههههههه لا طبعاا شوفي هوا بيعاني معايا كتير لأنو انا كل بعد فتره ممكن امرض فلما كنا
صغار وامرض تلاقيه بس يبكي من اي شي يبكي .بس لما كبرنا لو مرضت يكتئب وهوا خلقه انسان يتنرفز بسـرعه
فاتلاقيه يضارب دبان وجههو اي احد قدامو يضارب معاه على اتفه شي ولو زعلت بموضوع مو يزعل بس انو يحس
فيا لكن لو اضااايقت ووصلت حددي _ وطى شويا صوتو _ زي داك اليوم يضـآيق برضو هوا فدا تراابط التوأم
رنيـم : حلو انكم تحسو في بعضكم
يزن هرج بكلللل معاناااه : لاااااا صدقيني مو حلوو شوفي اخويا التالت ابدن مو زينااا
رنيـم : طيب انتا ومازن اكيد غير توأم
يزن : احنا تلاته
رنيـم : او ماشالله
يزن : فدا التالت ياستتي انسان بعيييد كل البعد عننا يمكن انا ومازن تفكيرنا قريب من بعض افهمو يفهمني
يعرف ايش اللي اكرهو وحببو كل صغيره وكبيره نعرفها عن بعض بس داااك غير عننا نهائيا
رنيم ابتسمت : والله مرااا حلوو نفسي يكون ليا توأم
يزن هرج بجديه : شوفي هوا حلو ببعض المواقف
رنيـم تحب تسمع يزن يهـرج ماتطفشش : زي ايش؟
يزن : حقولك شي سـرلي قبل اسبوعين وانتي حتفهمي
رنيم اتحمست : قول
يزن : سارتلي مشكله بالجامعه وطلعتلي صور مع دكتوره في الجامعه وانا بمكتبها
رنيـم : طيب ؟
يزن عرف انها مافهمت : كنت بسوي شي غلط معاها
رنيـم اتفاجاأت قالت بحسن نسيه : غلط يعني كيف تعطيك اسئله ؟!
يزن : هههههههههههه لا انا وبنت وثالثنا الشيطان ايش حنسسوي مثلا
رنيم شهقت : كزاااب
يزن : المهم و
رنيـم قاطعتو : وتقولي ماحب المس بنت ماتعنيلي
يزن : يابنتي نزوووه
رنيـم : لايااشيخ
يزن : اييوا قبل كم سنننه دا الكلام والصوره انتشششرت بكل الجامعه دحيين
رنيم فرصعت عينها : مين نششرها
يزن : وحده فاطبعا كبرت المشكله الدكتوره طردوها على طوول
رنيـم : وايش سوولك
يزن : كنت يومها مخنووق من نفس الموضوع حق حاتم
رنيـم : مين حاتم
يزن : حق الجبل
رنيـم : اها ايوا ؟
يزن : ومازن طول يومو بيسئلني ايش بك ايش بك وانا مطننش فاشاافني مضاايق خلقققه وماحبني اضايق زياده او
تسررلي مصيبه فاراح قال لعميد الجامعه انو اللي بصوره هوآ
رنيم : ليش مو باين وجهك يعني ؟
يزن : لأنو نشبه بعض فمافي فرق
رنيـم : تشبهو بعض لأي درجه ؟
يزن : لدرجه انو لو مازن وقف قبالك حتحسبيه انا
رنيـــم : لااا مو من جدك
يزن : هههههههههههههه ايش بك
رنيـم : سبحاان الله ماقد شووفت بس كدا توأم
يزن حزن عليها بدي اللحظه انو بينضحك عليها وهوا اصلا مو نزار بس مشا
رنيــم : ايوا وماازن ايش سرلو
يزن : انطررد من الجامعه اسبووع غير العقااب اللي حياخدو بعد رجوعو وغير الكف اللي اخدو من سيدي وبعدها
لم اغرااضو ومشي من البيت
رنيــم : اووووف
يزن : شايفه دا كلوو ليش علشان شي اهبل انا سويتو فاكل الموضوع انو حلو في احد يضحححي عشاانك بدون
مايفكر وبنفس الوقت تنقههر انو بسببك سار دا كلوو
رنيم : انا بطلللت ماعاد ابى توأم
يززن : هههههههههههههههههههه دا وانتي ماسمعتي حــآجه
رنيــم : طيب سيدك ليش ضربو
يزن : منتشره صورة زي كدا بكل الجامعه ايش تبيه يسوي
رنيـم : وابوك وامك ايش سوو ؟
يزن : مايدرو
رنيـم : كويس ماوصلهم الخبر
يزن : عشانهم مساافرين
يزن قال للسواق يووقف يبــى يكمــل مشي دامهم قربو خلآص
خرجوو من السيـآره ورنيــم عدلت شعرها وهيا لابســه النظاره الشمسيــه طالعت فيه : يعني ساكنين عند
سيدكم ؟
يزن عدل نظارتو الشمسيــه : ايوا لنا كم سنـه
رنيـم :مسكييين اكيد طلعتولو عينو
يزن ضحكك لاشعووريا بكل صوووتوو : ههههههههههههههههههههههههههه ياااشيخه اسكتتي وربي هوا اللي مطلعلنا
عيننا تخيلي السااعه 8 و 55 دقيقه في الصبــآآح حتى بالاجااااازه يدخل عليا الغرفه _يقلد سيدو _
الففطوور بعد خمســـه دقاايق يتفقد الغــرفه فيها مصيبه ولا حــآجه وطبعا جمبو الشغااله اللي مايقدر
يدور بدونها ويخرج يروح لغرفه اخوواني ولو مانزلت خلال دي الخمسه الدقايق احتماال كبير ياتنسحب
السياااره او سفريه ماافي
رنيــم : هههههههههههههههههههههههههههههههههههههههههههههههههه لاااااا مو من جدك
يزن : ورربي خمسه دقااايق يعني خمسسه دقااايق تلاقيني اقووم زي المربوش اروح الحمام وانززل جرري
واحلى شي انو يرااقب كل شي انا بسويه
رنيـم : يلحقك يعني
يزن : هههههههههه لا طبعا بس يسأل عننا يعني دي دانا احتمال كبير سيدي كلمها وحكتو دحين اللي سويتلها
فيها ولو رجعت ممكن اتهزأ
رنيم طالعت فيه مفجوعه : من جد بتهررج
يزن : هههههههههههههههههههه وليش بكززب عليكي
رنيـم : وليش كدا
يزن : يخاف علينا زياده عن اللزوم
رنيـم : بس انتو رجــآل مايحتاج كدا
يزن : عادي
رنيـم : لا مو عادي _ ماحبت تدخل _ مدري اهم شي متعودين
يزن ماحب انها تاخد نظره مو كويسا عن سيدو ومكملييين مششي على الرصيـف : خالي كان اكبر مننا ب 5 سنوآآت
وطبعو زينا كدا مايحاااسب واهبــل فاسيدي كان سايبلو المجاال ومايسأل عنو نهائيا لين ماجات فتره اختفى
وبعد شهر لقوه مقتول في شقة صاحبو مين اللي سواله ليش وكيف محد داري بس اللي عارفينو ناس كانت حاقده
عليه
رنيــم مستصيبه حاطه يدها على قلبــها : كيف لقووه مقتوول
يزن : مطعون اكتر من 9 طعنات ومشوهينو عارفه دا ولدو الوحيد مخليه على راحتو على بالو انو كدا كويس له
بس لما جاهم الخبر ستي على طول جاتها جلطه وبعدها بكم يوم اتوفت فاتخيلي الولد يروح وبرضو مرتو بنفس
الاسبوع صدمه فاحس انو ممكن هوا كدا يعاملنا عشان خايف علينا
رنيــم مو عارفه تحزن على سيدو اللي بمر بمووقف لايحســد عليه ولا على يزن اللي بيحكيها كدا قصــه واكيد
مأثره بالعيله كلها : الله يرحمــو كم كاان عمرو ؟
يزن : صغيير 21 ماتهنى في شبابه بس عارفه احنا عندنا بالعيله مازن زي خالي علاقتو مع الناس مره وسخــه
رنيـم عقدت حوآجبها : كيف وسخــه ؟
يزن : يعني حقيـر نوعا ما يجيكي فجأه كوويس معاااكي وتمااام ولما يقلب مزآجو وخلاص يطفش منك مو يسيبك في
حالك لايقلب عليكي دي تسلايته فاسيدي ممكن يخااف على مازن اكتر شي علشان دا السبب
رنيـم : وهوا بعد اللي سار لخالك مافكر يهجد
يزن : مشكلتو دا الولد حمار عمرو مايربط اي حاجه في بعضها زي لما اقولو مازن انا جربت دا الشي لاتسويه
يعابط ويدخل بعيني وانو مو علشان انتا غلطت بدا الشي انا ممكن اغلط زييييك
رنيم : بزره دا مو حمار
يزن : ياشيخه كلو واحد
رنيـم : معقول مالقو القاتل او اي دليل ؟
يزن : مافي اي حــآجه حتى بصمـآت واللي متأكدين منو انو مستأجرين قااتل لأنو كآنت طريقة قتلو مرا بشعه
رنيـم كل مالها تكتشف اشيااء بحيااتو تتمنى انها اساسا ماتعرفها لأنو بس السيره توجع القلب : الله ينتقم
منو
يزن : دا ازا مو سيدي اللي انتقم منو اول
رنيـم : ايش حيستفيد حيووجع قلبو دولا فين يروحو من عزاب ربناا
يزن طالع فيــها بجديه وهما اساسا عدوو المكــآن بس مع الهــرج ولا لاحظـــوو : لو احد مكانو ماحيرتاح
سيدي لو لقاه حيقتلو ماحيبلغ ترا عنو
رنيـم انفجعت : وهوا حيودي نفسو بدهيه
يزن : شوفي لما كنت اسمع زمان كلام سيدي دا كنت اقول مجنون وايش حيستفيد بس من يوم ماتوفى خالي وانا اصلا
ماكنت داري الا انو انقــتل لكن لما قرات في الجريده كيف انقتـل فافهمت اللي بيمر فيه سيدي مهما كان دا
ولدوو
رنيـم : يزن حتى ولو لو بلغ عنو ومسكوه ممكن يقيمو عليه الحد وخلاص حيموت بطريقه تانيه بدون سيدك
مايروح فيها
يزن بقهر هرج : عارفه ايش يعني دا يعني حيمووت بقطعة سييييف تمممر في جسمو باأقل من دقيقه وماحيعاني
انا خااالي قبل لايمووت اتعزززب لقووه مرمي على الارض واياديه مربوطه مضرووب ومطعوون ووجهه مافي اي
ملامح اي اب اللي يشووف ولدو بدي الحاله ويستنى النااس تاخد حقوو ! وعارفه ايش اللي يقهر في دا الموضوع
كلو
رنيــم جسمممها اتقشششعر من كلامـــه قالت بتردد : ايش
يزن : انو انا سويت نفس الشي . اهل الولد اللي دفيتو تلاقيهم زي حالتنا
رنيـم لهنا وبس : دقيقه ييزن لاتربط دي المواضيع في بعضها خالك انقتــل بطريقه مافيها اي رحمه انتا
ماسويت زيو
يزن : كلهاا واحد في النهايه الشخص رااح
رنيـم وقفت قباااالو وخلتو يوقف مشي : شووف الا دا الموضوعين لاتقاارنهم في بعض خالك انتا ادرى بللي مر
فيه اما اللي سار لحاتم شي مو بيدك وانا قلتلك ترجع وتشوف اهلو اما اللي قتل خالك دا انساان مافي بقلبه
اي رحـــمه
الشـــي اللي ممكن يســـآعدهم بالــهرج دحيــن انو كل واحد لابــس نظاره شمسيه ويخفي تحتها كل شــي
يزن بلع ريــقه وانهى الموضوع كليــآ لما طالع حولينو : احناا فيين
رنيــم طالعت وهيا اصلا ماتدري فينهم : في الشارع
يزن : لا ياشيخه
رنيـم تبى تخفف الجو فاضحكت : يعنني بلله فين حنكوون انا مو عارفه اساسا احنا فييين
يزن مايبى ينكد نفســـو فابيحاول يتناقر معاها : ياافرحت اهلك بيكي
رنيم : مو انتا اللي اتفسلفت وقلتلنا خلينا نكممل مشي
يزن يطالع حولينو : خلينا نرجعع اتوقع الطريق من هنا
رنيـم : تتوقع !
يزن : خلص امشي وانتي ساكتــه
رنيــم مشيت معاه وهيا بتفكر بـ 3 الايام دي
عرفت عنو كل يووم شي غريــب
اول شي هرجــة الجبــل
وبعدها حبيبتو اللي سابتو
ودحيــن موضوع خالــو اللي لساتها تحت تأثير الصدمه بس بتحاول ماتبين
افتكرت كلامــو يوم ماقلها : الفلوس مو كل شي
يمكن دحين دي العبــآره بدأت توضــح لها
فاقت من افكاارها على صوتو العاااالي : هيييييي
رنيـم طالعت فيـــه : هااا
يزن سحب منها النظاره : يمكن تركزي اكتر كدا وانتي بدونها
رنيـم بنظرات فيها هبــل : ليش قالولك بسمعع بيها
يزن : اسئلي نفسك ليا ساعه بكلممك وانتي مو معايا
رنيـم : ايش دخل النظاره _ مدت يدها _ هاتها
يزن وقف مشي : وصلناا
رنيـم : طيب ممكن النظاره
يزن ثنى النظاره وحطاها على التيشيرت قريب من رقبتــو : اممشي ندخل يكفي انك متأخره
رنيــم مدت يدها تبى ياخد النظاره الا هوا مشـــي
مشيت وراه : يززززن هاااتها بليييز
يزن مايبى يعطيها عنـآد لاأكتتر : ماحعطيكي هيا الا لو دخلــنــآ
رنيــم : اووووف ياااربي منك ماعاد اباااهاا
يزن : اساسا مو معطيكي هيـآ
رنيـم شمقت : مع نفســــك
