طريقة عمل بيكاتا اللحم بالمشروم 2013
المقادير:
5 شرائح لحم ستيك بتلو
5 ملعقة كبيرة دقيق
4 كوب شوربة لحمة
2 ملعقة كبيرة زيت زيتون
2 ملعقة كبيرة عصير ليمون
2 كوب مشروم مقطّع شرائح
ثمرة بصلة كبيرة مقشرة ومفرومة
كوب كريمة لباني
ملح وفلفل
الطريقة:
1- تبّلي شرائح اللحمة بالملح والفلفل، وغطّي اللحمة بالدقيق كويس من الناحيتين.
2- حمّري شرائح اللحمة في الزيت لمدة 5 دقائق من كل جانب أو لغاية ما يبقى لونها بني وبعد كده شيليها على جنب.
3- شوّحي البصل في نفس الطاسة اللي حمّرتي فيها اللحمة لغاية ما يبقى لونها دهبي.
4- ضيفي ملعقتين من الدقيق على البصل، وقلّبيهم كويس مع بعض، لغاية ما الدقيق يتجانس ويدوب مع الزيت والبصل، وبعد كده ضيفي عصير الليمون والشوربة مع التقليب لغاية ما كل المكونات تتجانس.
5- بعد كده ضيفي معاهم المشروم مع الاستمرار في التقليب، وبعد كده ضيفي اللحمة على الخليط، ولما تبدأ الشوربة في الغليان ضيفي الكريمة اللباني مع الاستمرار في التقليب.
6- سيبي البيكاتا على نار هادية لمدة من 15 : 20 دقيقة أو لغاية ما اللحمة والصوص يستووا تماما، وبعد كده اغرفي اللحمة في طبق التقديم وغطّيها بالصوص والمشروم وبالهنا والشفا.

'vdrm ulg fd;hjh hggpl fhglav,l 2013