هدمت عرشك 2013

عفت الغلا عفت الغرام ورواجه
ودربا يوديني على باب بيتك


[ تبيعني ف سوق الغياب وحراجه
وانا خسرت العمر حتى شريتك ]


ضحيت لكن تضحياتي سذاجه
وانا احسبني فالغرام اهتنيتك


القلب لو يحتاج وانت احتياجه
اقطع يدي وموت ولا رجيتك


حلاك صاير في عيوني سماجه
وغلاك مايشفع مادامي لغيتك


شربت من ضيم المعاتب هماجه
وغفيت فيك وليتني ماوعيتك


لوقلبي مجرح وعندك علاجه
نصيت كل الناس ولانصيتك


القلب كنت انت السبب ف بتهاجه
واليوم صرت انت السبايب بكيتك


امسيت مابغي من وراء الناس حاجه
واصبحت متحسف على اني جنيتك


حكرت شوقي وسط عنق الزجاجه
واهلكتني ضامي وانا قد سقيتك


بكره ليا هبت عليك العجاجه
ونسوك خلانك لاترجع فديتك


هدمت عرشك وانكسر عز تاجه
وانا قرصت اذنك وياما نهيتك


يذبحني انك شخص على مزاجه
ويذبحني انك يوم تطلب عطيتك


كنت احسب إنك للمضيع سراجه
واثرك ليل ليتني ما سريتك

i]lj uva; 2013