شعر محمد جار الله السهلي 2013


القلب ساحة حرب وجروحي قبور
دفنت فيها الذكريات و حنيني !
وسويت من صبري حوالينها سور
في داخله كل شي بينك وبيني
لا تعتذر لي ما انت صادق ومعذور
.خل العذر للي بقى من سنيني !
لو كان عندك ذوق واحساس وشعور
.ما تشتكي ( ذكراه ) قدام عيني !
ليه اشتري خاطرْك خاطرْك مكسور
.من قبل لا اجيك وقبل لا تجيني
عاد لـ ( التقدير ) قيمه و لا دور
.وشلون اقدّر وضع من لا يبيني ؟!
من قلت لك تسلم حبيبي و مشكور
.وسحبت من راحة يسارك يميني
وانا نويت غياب ما بعده حضور
الله يغفر لي ( الجفا ) ويهديني !!
هذي ( طبيعة نفس ) ماتقبل الجور
.ماهيب في يديينك ولا في يديني
ولاّ انت ما يلحق ردى نفسك قصور
شوف بـ عيونك ويش سويت فيني ؟!
بعد غيابي عنك حول اربع شهور
.توك تجي تسأل علامي وويني ؟
قد قلت لك ماني على الوصل مجبور
.لا غبت عنّك ( يوم ) لا تحتريني !!

auv lpl] [hv hggi hgsigd 2013