اهداء خاص تبيني صدق ولا ماتبيني

[يوسف فواز]

[frame="9 10"]

تبيني صدق ولا ما تبيني
قبل لا أبهذلك وتبهذليني

وقبل لا أفقد شموخي واحترامي
وقبل لا أشمت العذال فيني

أنا داخل عليك من الفضايح
تبيني صدق ولا ما تبيني

تبيني صدق ولا ما تبيني

أنا ماني بلعبه في يدينك
متى ما تعشقيني تعشقيني

أبيج ان كان جيتيني حبيبه
تجيني بصدق ولا لا تجيني

أنا ما أجرح مشاعر من عشقني
ولا أرضى لي عشقتك تجرحيني

ما دام أني عطيت بكل قلبي
مثل ما عطيك من قلبي عطيني

وإذا بعت العذارى واشتريتك
تبيعين الرجال وتشتريني

عشان أكون صادق لي عشقتك
وعشان أريحك واتريحيني

دخيل الله وقولي وبصراحه
تبيني صدق والا ما تبيني

تبيني صدق والا ما تبيني

أنا ما جيت ألعب وتسلا
أنا جيت أحتويك وتحتويني

تبيني مثل كل الناس والا
تبيني أقدرك واتقدريني

مثل ما استحملك لامن زعلتي
إلى مني زعلت استحمليني

عرفتيني وأنا رجال وافي
وأنا وافي قبل لا تعرفيني

أحب الصدق لو هو من عدوي
وأعاف الكذب لو من والديني

مثل ما أقبل بليني وبشموخي
لو أكره رحت بشموخي وليني

إذا عن عاذلي ديني ودينه
وإذا عن غريته دينه وديني

أنا لي ثارت الغيره بقلبي
تقول الجن الأزرق معتريني

أبي وأنتي معي منتي لغيري
وإذا كنتي لغيري جنبيني

أغيب وتذكريني بالحشيمه
ولا أمرح في ذراك وتلعنيني

طويلين الشوارب ما احقروني
تبيني أنتي تجين وتحقريني

إذا نفسي رضت لي بالمذله
أبذبحني قبل لا تذبحيني

مادام أني وفي كوني وفيه
لاني ما أخدعك لا تخدعيني

أنا لي أخذت قدري واحترامي
خذيني مثل ما تبي تاخذيني

تبين بخوتي سيف(ن) مجرب
وإذا بمروتي ليث بعثريني

فأن ألفيتني شهما شجاعا
فليس البر أن تستضعفيني

فأني ذقت بالآلام ذرعا
وما في الغدر قمح يتقيني

أكف الدم الحزنا بعد حزن
عشقت القمع حيناً بعد حيني

لعمري كم حيوت الناس قلبا
وما في الناس قلب يحتويني

أنا الحزن الذي لا حزن بعدي
ولا يغني حنين عن حنيني

فلا من كان قبلي كان قبلي
ولا من قد يليني قد يليني

أنا المملوء حزنا وانكسارا
وما فرطت في عرضي وديني

أنا المختال من فخري بفقري
وتبت كل عين تزدريني

أنا من ذاق ملئ الأرض هونا
وما أخضعت للدنيا جبيني

فإن جاءت بي الأقدار يوما
أجوب الأرض خوفا من أنيني

فروفي واحفظي لي ماء وجهي
ولاتخشيني واخشي الله فيني

فلو أني رجوت الله شيئا
فأرجوا الله أن لا تظلميني

علشان ان عشقت اعشقك كلي
أبيك كلك تجين وتعشقيني

فلا تقفي عيونك عن عيوني
ولا تدفي يديك ألا يديني

أكون أقرب لقلبك من عروقك
وأحسك بين شرياني وبيني

اسامح لك خطاك اليا خطيتي
وأنا لا من خطيت تسامحيني

ولك مني عهد ما أصد عنك
وأبي منك عهد ما تخذليني

عشان أبقى معاك العمر كله
وأشيل محبتك برموش عيني

أنا بحلف يمين أني لصونك
فلا أخونك ولا أرد بيميني

وعساني للهلاكـ أن خنت وانتي
عسى الله يلعنك لو تتركيني



لـ سماع القصيده.

‫جديد حامد زيد تبيني صدق والا ما تبيني البوم وصلك ذهب 2011‬‎ - YouTube

---

hi]hx ohw jfdkd w]r ,gh lhjfdkd

[! مــرار الحـزن !]

كلمات القصيده روعه يا يوسف
يعطيك العافيه علي أختيارك الذوق
لاعدمناك

[سَاعدنَيَ أنسَاكَ]

كلمااااااااااااات رووووووووعه
شكرا لك علي الطرح الجميل
و
علي مجهودك الرائع
الله يعطيك العافيه علي هذا الطرح المميز
في أنتظار كل جديد منك
تحياتي وتقديري

[يوسف فواز]

! مـطـر صيـف !


سَاعدنَيَ أنسَاكَ


أسعدني مروركم وشرفني حضوركم

كلماتكم كما الؤلؤ تبرق وتشع في قلبي

[ღأميرٍ ميآسـُةღ]

يعطيك الف عاااافيه علي
ذووووووقك وأختيارك الرائع
ماننحرم روعة عطآئك

[عاشـق]

طــــرح راااقي
شكـــرآآآ لك علي هذا الطرح
دام أبداعك وتميزك
الله يوفقك

[! الحب !]

عااااشت الايادي علي الموضوع والمجهود
في أنتظار جديدك
ودي

[عبدالله الأحمد]

طرح جميل
شكرا لك
ويعطيك العافية

[حب عمري]

سلمت يمناكـ علي نقلكـ الرائع
يعطيك العافيه علي مجهودكَ
تحياتي لك

[ღ رامـــا ღ]

كلمات حلوه
يعطيك العافية علي الطرح
شكراااااا لك