المراة, الرجاء, بئر المراة, شخصية, كهف الرجال
هل تعرف ايها الرجل ماهي دورة نزول المرأة لقاع البئر والصعود من جديد ؟
وهل تعرفين ايتها المرأة معنى دورة اقتراب الرجل وابتعاده
مرحلة نزول البئر هذه مرحلة دورة طبيعية تمر فيها المرأة يربطها البعض بالدورة الشهرية لكنها في الواقع ليست مرتبطه فيها فقط بدليل انها تصيب المرأة الحامل والمرضع والمرأة في سن اليأس .
هي موجة مشاعر من الاكتئاب المفاجئة تصيب المرأة والميل للحزن واهتزاز الثقة بالنفس والقلق تبدأ المرأة فيها بالانزواء في داخلها وتكتم (يعني تقفل الدنيا في وجهها )بدون اي سبب ظاهر او مبرر لهذه المشاعر وينعكس هذا طبعا على تصرفاتها وكلامها وتصير حساسه ويمكن تتسبب يعني ودمعتها قريبة (نظام نكد يعني ) Error! Filename not specified.-قد تطول هالمرحلة ايام وقد تقصر ساعات وتروح بروحها مثل ما بدت وترجع المرأة تشعر بالطاقة والحيوية والاندفاع للعطاء من جديد
دورة الاقتراب والابتعاد
هي دورة طبيعية بعد تصيب الرجل فبعد ان كان يشعر بالقرب من زوجته والرغبه في الجلوس معها وتقوية العلاقة بينهما يشعرفجأه انه يبغي مساحة له بروحه يشعر فيها بالاستقلالية فيبتعد عن زوجته وينعزل فيها بنشاطاته او جلسته بروحه تستمر فترة قد تطول وقد تقصر ايضا في هالفترة ما يتحمل اي محاولات تقرب من زوجته ولا يعطيها وجه مهما حاولت وهذا طبعا يفقع المرأة من عقلها وتقعد تقول شفيه هالرجال ؟
شكله شايفه له شوفه Error! Filename not specified.
ولا ناوي على نية Error! Filename not specified.وتقوم تزيد عيار التلصق والمحبة وتزيد الأمور سوء -تبي تكحلها تقوم تعميها .
طبعا لكل دورة طريقة في التعامل وسلبياتها لو ما استوعبوها الزوجين صح
بس تعالوا تخيلوا معاي بيت فيه رجل يمر بمرحلة ابتعاد
وامرأة تمر بمرحلة نزول للبئر شتتوقعون وضع البيت؟
المهم الزبدة الي طلعت بها
اننا في وادي والرجال في وادي ثاني Error! Filename not specified.
عاد ما بشتتكم خلونا نركز على سالفة الكهف لأنها هي الي عافسة البيوت ومحيرة النسوان
هالحين الكلام للنسوان بس ترى في هالجزئية
أول انا دائما استغرب ليش إذا ركبنا سيارة مع رجل سواء زوجي او ابني او قريبي او اخوي او اي احد حتى سواق الباص الي ساعات نروح وياه الاحساء إذا ضاع ولا دل المكان ما يسأل ويقعد يحوس ويحوس لمن ندوخ ،ويضيع علينا الوقت ، ولما نقول لهم وقفوا أحد وسئلوه اما يعصبون ولا يصاوخون ولا يسألون لمن خلاص يقرب يخلص بنزين السيارة ،وكلما سألت وحده عن هالملاحظة تقول لي اي حتى ابوي ولا حتى زوجي - يعني صفة عامة Error! Filename not specified.
توني عرفت سالفتها
ترى عاد الكلام للدكتوروالعهده عليه يقول ان الرجل اكره ما يكره في الدنيا أن امراة تنصحه ولاّ تشور عليه
يقول ان المرأة لما تتحلطم على زوجها إذا مادل الطريق ويظهر عليها الضيق ،وتقوم تبادر تنصحه انه يسأل الهندي ولا راعي البقالة تعطيه رسالة سلبية مفادها أنك انسان ماتعرف تدبر روحك وانها مو واثقة منه انه يعرف الطريق )
واحنا النسوان خبر خير، ولا جاي في بالنا هالكلام كله Error! Filename not specified.وماخذين السالفه ببساطة Error! Filename not specified.
هذا نموذج من الاختلاف في تفسير الكلام بين المرأة والرجل
في نقاط كثيرة بتكلم عنها بعدين بس بركز هالحين على نقطة دخول الرجل الكهف
لأن هذا الجانب من الرجل اغلب النساء إن لم يكن كل النساء إلا إذا اطلعت على الابحاث الجديدة الي ذكرت هذه النقطة .مانعرف اهمية مرحلة الكهف للرجل ولم نفهمها بشكل صحيح ،حتى إلى قدرت تستوعب اهميتها وتحترم خصوصيتها للرجل فهي لم تفهم الغرض منها لكن تعاملت معها بحسب قوة الرجل في فرض خصوصية هذه اللحظة على اسرته.او رغبتها في الهدوء والسكينة او احترامها لخصوصيات الزوج
اغلب النساء إذا صارت عندها مشكلة او يشغلها امر تفكر بصوت تتكلم مع زوجها او صديقاتها عن الموضوع وبسهوله عليها تستشير الآخرين وتاخذ رأيهم في أمورها وتقلب معاهم الأفكار لمن توصل لحل
وعلى عكسها تماما الرجل
الرجل إذا صادفته مشكلة يقعد يفكر فيها بروحه ويحب يختلي بنفسه وما يلجأ للاستشارة إلا كحل اخير ولو صادفته مشاغل وتعب من التفكير فيها يحب ياخذ فترة راحه يريح فكره قبل يستأنف عملية التفكير من جديد فيقعد في مكان يسمع اخبار او يتابع رياضة او يمارس نشاط ما يحتاج فيه للكلام المركز او للكلام من اساسه كي يبتعد عن مشكلته ويخفف الضغط على نفسه
وأي تدخل من المرأة في هالفترة ما يقدر الرجل يتحمله واحيانا كثيرا ما يستوي ذرب حيل فتصير ردوده اما عنيفة او غير مبالية بالطرف الأخر ومشاعره (مقفله الدنيا عنده )فهو بحاجة لهذا الوقت كي تصفو نفسه وبعد فترة يرجع طبيعي بروحه
المشكلة وين أجل ؟
المشكلة أن المرأة بفطرتها جهاز الاستشعار عندها يشعر ان الرجل بيدخل مرحلة الكهف والانزواء والابتعاد فتقوم المرأة الحنونه تخاف من الابتعاد لأنها تتوقع أن وراءه تغير مشاعر او انشغال بامرأة أخرى او مرض أو هموم تبي ترفعها عن الزوج
فتجي المرأة تبي تتقرب من الرجل وتشوف شفيه
فتقعد تقول له اذا شافته ساكت (شفيك - شمزعلك - زعلان مني ) وذاك يقول مافيني شي
والمرأة الحنونة يزيد الاضطراب فيها تقوم تقول له ما يصير لازم فيك شيء -علمني شفيك؟
تخيلي عزيزتي -هم في قمة مرحلة انسحاب وانغلاق واحنا نتفرغ عليهم تعالوا قولوا وطلعوا الي بقلوبكم ""
طبعا ما بيعطيها وجه بيقوم يطالع التلفزيون يفرفر في القنوات ولا يشوف مبارة ولا مقابل النت
والمرأة قلبها يفت محترق من هالي تكلمه ولا يعبرها
تقوم تشب : انا اكلمك ولا تحس فيني - انت اشايفني قدامك
وتحول الموضوع صوبها
مع انها في الاساس مالها علاقة بالموضوع بس الحنان الزايد وما يسوي Error! Filename not specified.
طبعا بعد كلمتين تقوم المعركة ويشب البيت ويقوم تبادل الاتهامات ويطلع الرجال من البيت أو يقول للمراة كلمتين يجرحونها عدل وتروح تبكي تمسح ادموعها وهي منقهرة من هذا الزوج الي ما يقدر مشاعرها ولا يحترمها
وساعات يشتغل ابليس الله يلعنه -وتقول اي هون ما يحبني
طبعا بتكرار هالاسلوب في الحوار بين المرأة والرجل في كل مرة يبغي فيها الرجل الانفراد بنفسه بيؤدي إلى تراكمت وفجوة بين الزوجين قد يصعب حلها ،خاصة مع تبادل الكلمات الجارحة بين الطرفين الي يمكن ما تنتادوا
طيب هالحين عرفنا سالفة الكهف شنسوي هالحين إذا دخل الرجل صومعته
تروحين تسألين ولا تسكتين؟
تتلصقين ولا تبعدين ؟
هذا ياطويلات العمر يقول الدكتور إذا دخل الرجل كهفه فأفضل طريقة لدعمه هي :الي بين القوسين كلامي ترى
1- لا تسنكري عليه صمته او دخوله للكهف (يعني بكلامنا لا تتسببين وتحنين على راسه وتسوين له سالفه اذا سكت وقابل التلفزيون ) 
2-كوني على ثقة بقدرته على حل المشكلة الي امامه واظهري له هذا بكلمات داعمه (لا تخلين عيونك تظهر التحلطم والشك وعدلي وجهك وراقبي تصرفاتك الا إرادية ) 
3- لا تحاولي مساعدته بتقديم الحلول والاقتراحات (إلا إذا استشارك وسألك عن رأيك ) 
4- لا تطرحي عليه الاسئلة المتتابعة عن مشاعرة واحاسيسه ( يعني لاتقولين له ليش فايخ - شتحس فيه - ليش مطنقر - تكلم علمني شفيك -شنهو شعورك -ترى مو وقته ولا الوضع مناسب حتى لو كنت بالفعل منزعجة عليه تعلمي تتحكمين في مشاعرك ) 
5-لا تجلسي على باب الكهف تنتظرين خروجه (وتراقبين اسفهل ولا لا ) 
6- لا تقلقي عليه وتشعري بالأسف لجله (يعني تحسسينه انك حاتينه تقومين تزيدين همّه هم يحاتي مشاغله ويحاتيك ) 
7- قومي بعمل يسعدك ويريحك في هالفترة (زوري صديقة - اشتغلي في البيت -سوي له طبق يحبه - حضري له حمام دافي ومساج يريح اعصابه -جهزي له جلسه توسع الصدر مافيها حساب ولا عتاب اقري لك كتاب -سوي رياضة - لعبي مع العيال -لا تهذرين واجد وتخلينه يقعد يرد بلا تركيز ولا يجاوبك على سؤالك إلا عقب ساعه Error! Filename not specified.)
هذه نقاط موجزة
aowdm td ;it hgv[g ,fzv hglvhm
LinkBack URL
About LinkBacks
شخصية في كهف الرجل وبئر المراة
مشرفة قسم الجالكسي والاي فون
