من لي بعدكـ يالغاااااااليه

**مجروحه واكابر** · 31-Oct-2010,05:11 PM

السلام عليكم
الى امي الغاليه رحمك الله .
يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني
(((مجروحه واكابر)))

lk gd fu];J dhgyhhhhhhhgdi

**ღ..آنين الغرآم..ღ** · 01-Nov-2010,12:04 AM

سلمت اناملك
الله يرحم والدتك ويسكنها فسيح الجنان
مودتيـ

**زينة الاوصاف** · 01-Nov-2010,12:18 AM

يسلمووو يالغلا
الله يرحمها ويغفرلها يارب
تحيتي

**abdulrheman** · 01-Nov-2010,11:51 AM

تسلمي أختي العزيزة

والله يغفر لها و يرحمها

**فـــاقد حـــنان** · 01-Nov-2010,01:41 PM

أبيات مؤلمـة

صح لسـانك أخيتي
ورزقك الله السـلوان

**أبو راوية** · 01-Nov-2010,01:46 PM

عظم الله أجرك وانا اخوك

كلنا ماشين على هالطريق اختي

لكن الناس الطيبة لما يرحلوا ويتركوننا كلنا ندعي لهم بالرحمة وكسب الجنان

ربي يحفظك ويجعل والدتك من اهل الفردوس الاعلى