يوميات مواطن قصة واقعيه

[طيفك وهم]

مواطن, يوميات, قصة

السلام عليكم ورحمة الله وبركاته
هذا الموضوع نزلته في منتدى وماحصلت تفاعل من الاعضاء
فقررت انزله في منتداكم

واتمنى اجد التفاعل مع قصصي
طبعا العنوان ممكن يشدكم شوي بحكم ان هذي القصه واقعيه
في الحقيقه هي مجموعة قصص وجميعها اتوقع انها واقعيه ومتأكد انه يوجد اشخاص منكم مرت عليه مثل هذي القصص ويمكن حتى هو يكون بطل القصه الحقيقي
هذا الموضوع انا شخصيا اعتبره ليس موضوع لي وحدي ولكن اعتبره موضوع للجميع بحكم انه قصص عن بعض مشاكل المجتمع التي تواجهنا بشكل مستمر
وانا هنا قررت ان اضع قصص لاتنتهي وان اضع قصصا بشكل مستمر
ماحب اطول عليكم اكثر من كذا اتمنى الفكره وصلت وانا مثل ماتكلمت قبل قليل الموضوع لنا جميعا يعني لو فيه اي شخص حاب يكتب قصه تتكلم عن بعض مشاكل المجتمع وتدور احداثها في جزء او جزئين بالكثير يراسلني بحيث تضاف القصه لمجموعة القصص هنا وتكون باسمه
وارجو اني ماطلت عليكم قبل ان اضع لكم اول قصه من مجموعة القصص التي سوف تكتب

---

d,ldhj l,h'k rwm ,hrudi

[طيفك وهم]

العنوان : ديــــــــــــن طول عمري

قصتنا اليوم عن عدنان وزوجته وفاء وهي تحكي عن الديون في الايام هذي كيف يكون
قبل زواج عدنان من وفاء بثلاثة ايام
خالة وفاء اسمها فوزيه تسولف ومنها تنصح وفاء
فوزية : اقول يابنيتي انتبهي للرياجيل تراهم غدارين
وفاء : خاله من اولها تقولوا كذا
فوزيه : عشان تاخذي احتياطاتك انتي
وفاء : خالتي بكذا بتكرهيني في الزواج ابطل يعني واقول مابيه ؟
فوزيه : ياهبله تبين تنفضحين قبل زواجك بثلاثة ايام تقولي ماتبين ؟
وفاء : اجل ايش اسوي يعني ؟
فوزية : الرجال وانا خالتك لاتوفرينه نشفيه مرررره خليه على الحديده
وفاء : كيف انشفه ياخاله برضه ماني فاهمه ؟
فوزية : والله انك غبيه طالعه على امك
وفاء : خاله امي ايش دخلها الحين ؟
فوزية : مو امك غبيه مثلك فهمها مره بطيئ احيان ودي اشبكه في كهرب اقول يمكن يسرع شوي
وفاء : طيب ياخاله فهمي بطيئ ومثل امي انتي الحين فهميني ياخالتي العبقريه ليه اسوي هذا كله اللي بتقولي عليه وانا مو فاهمته ؟
فوزيه : ياخبله عشان زوجك مايتزوج عليك
وفاء : خالة فوزيه !!
فوزيه : هاااااااااااااه
وفاء : الحين امك فيها وامك فيها وانا فهمي متأخر وامي مثلي في الاخير تقولي يتزوج عليه والله ياخاله اسمحي لي انا لساني دايم ماشي في السليم لكن المره هذي بلفه يسار شوي وبقول انه انتي الغبيه
فوزية : وفااااء احترمي نفسك انا خالتك
وفاء : اي خالة واللي يرحم والديك من الصبح وانتي امك وامك اكلتيني بكلمة امك وامك حسستيني انه امي فهمها مثل تلفون البيت قديم لما نشبكه على الانترنت بطيئ جدا والمصيبه انه الغبي واللي مايفهم ابدا هو انتي
فوزية : اناااااا
وفاء : ايه انتي ياخالة لانه انتي الغبيه وانتي اللي زوجك ضحك عليك وانتي اللي زوجك ماوفرك وانتي اللي الحريم كلهم يضربون فيك المثل في طاعة زوجك ويضربون فيك المثل في التوفير في الاخير تزوج عليك ههههه
فوزية : وفااااااء لاتتشمتين فيني وخذي العبره والموعظه والحكمه من مجربه اهئ اهئ اهئ
وفاء : خلاص خالتي لاتزعلين بسمعك
فوزية تناظر وفاء من رجولها لرأسها اكثر من مرة : وفاء رجالك لاتخلين معه ولا هلله خلي يوم اربعه وعشرين في الشهر تأكدي ان الرصيد صفررر وانه مو موفر ولا شي وخلي الديون في ظهره الين يموت
وفاء : اوف ياخاله هذا كله عشان زوجك تزوج عليك
فوزية : ماقول انك هبله مثل امك
وفاء : خاله رجعنا لامي
فوزية : أأأأأ أسفه هبلة مثل خالتك فوزية
وفاء : ايوا كذا لكن ياخالة انا برضه حلوه وايش حلاتي
فوزية : ياخبله شكلك الحين ماراح يكون مثل شكلك بعد عشر سنوات لو زوجك يجمع فلوس بعد عشر سنوات بتلقيه يدور عليك زوجه ثانيه وتبقي انتي القديمه وحي الله ام العيال
وفاء : اي والله ياخالة طلعتي تفكري وانا ماعرف
فوزية : عشان تعرفي انه التجربة لها دور وعقبال ماتجربي انتي بعد عشان تتعلمي من الحياة هذي مثلي
وفاء : خالة ياويلي اجرب زوجي يتزوج عليه لا ان شاء الله وانا بوريك فيه بنشفه بخليه كل يوم 24 الرصيد اصفاار وبدخله في ديون مايخرج منها بعد عشرين سنه مو عشر سنين
فوزية : والله كفووو ببنت اختي

يوم الزواج قبل مايروح عدنان بيته مع عروسه يأخذه ابو وفاء على جنب
ابو وفاء : ياولدي ترى وفاء بنتي امانة في رقبتك و .
يقاطعه عدنان : ياعمي لاتوصي وفاء بتكون في عيوني ولايهمك
ابو وفاء : ماوصيك عاد وفاء ترى البنت الوحيده اللي يحفظها ويوفق بينكم على خير يارب
عدنان : امين

بعد مرور سنة على الزواج
عدنان مع صديقة حمزه
حمزة : ايش فيك مهموم ياصاحبي عسى ماشر ؟
عدنان : الديون هذي بتكسر ظهري
حمزه : دحين كل همك الديون مو كل الناس عليها ديون مو بس انت وحدك وبعدين انا شايف انه حالتك حلوه يعني راتب ماشي حلو يكيفك وزياده
عدنان : اي يكفي انا القرض اللي اخذته على ايجار البيت على وعلى وعلى اشياء الين الليل
حمزة : القرض والايجار هذي معروفه ومن زمان جلسنا وحسبناها وبيزيد من راتبك شي حلو بتكفي وزياده
عدنان : هذا لو كنت اخذ القرض والايجار بس بس المصيبة انه اخذت عليها سيارة
حمزة يتعجب منه : سيارة !!!
عدنان : ايه سياره ايش فيك بتأكلني بعيونك ؟
حمزة : ليه انت ايش تبغى في السياره ماذكر انه فيه شي ناقصك
عدنان : الحرمة كانت كل يوم تقول بنسافر بنسافر عذبتني ياصاحبي
حمزة : وانتي بتخلي الحرمة تمشي كلامها عليك ؟
عدنان : هي عذرها انه ماسفرتها شهر عسل
حمزة : هي تعرف حالتك ليه بتسوي فيك كذا ؟
عدنان : تخيل احيان اقول في نفسي انها ناوية عليه وتبي تدخلني السجن بسبب الديون هذي
جمزة : يااخي دامها مسويه كذا فيك طلقها وارتاح منها
عدنان : اي طلاق خلاص نشبنا وانا اخوك الفأس طاح بالراس
حمزة : اقول توكل على الله وطلق
عدنان : الحين بدل ماتشوف لي حل تقول طلق انت انجنيت ؟
حمزه : اعذرني بس من اللي اشوفه انا اشوف عدنان واحد ثاني متغير مية وثمانين درجه واسمح لي الحرمه اللي تشوف زوجها كذا ولاتحسب له حساب ايش تبي فيها
عدنان : ماقدر اطلق افهمني
حمزه : وليه طيب خايف يعني ؟
عدنان : ايه خايف شايف الزمن كيف سوا بالرجال من اول الرجل يهدد الحرمه بالطلاق الحين الرجال يتمسك بالحرمه بيديه واسنانه يبيها تعيش معه بالقوه
حمزة : ومن ايه خايف وليه ماتقدر تطلق ؟
عدنان : لسببين السبب الاول اني لو اطلقها من فين اقدر اتزوج مره ثانيه يبيلي عشر سنوات اقل شي عشان اتزوج ثاني ويمكن حتى ماتكفي
حمزه : والسبب الثاني
عدنان : السبب الثاني الاكبر انه الحرمه حاااااامل
حمزه : الف الف مبروك ان شاء الله يتربى بعدين في عزك ان شاء الله يااخي افرح طيب ليه انت كذا
عدنان : فرحان عشان المولود اللي بالطريق وزعلان من زوجتي ومصاريفها تخيل لما قلت لها البيت اللي احنا فيه كبير علينا وغالي خلينا نروح في بيت ارخص واصغر على قدنا عشان بوفر شوية فلوس رفضت
حمزه : رفضت
عدنان : لا وفوق هذا اللي شايل همه الحين تبي شغاله
حمزه : اوف كل هذا تسويه فيك ؟
عدنان : واكثر بعد
حمزه : طيب وانت قدمت على فيزا للشغاله
عدنان : ليه انجنيت انا اقدم فيزا
حمزه : وليه تقول هذا الكلام ؟
عدنان : ياحبيبي الشغالات الحين عندهم نظام عندهم سستم يمشوا عليه
حمزه : وايش نظامهم هذا ؟
عدنان : الشغاله لما تجي فيزا تجي تأخذ دورة لغه عربي في البيت اللي بتشتغل فيه ولما تتعلم تحط رجولها ومعاد تعرف وين ارضها لا والمصيبه انه حتى رواتبهم زادت وصلت 1200 ريال وتخيل حتى الشغالات الحين عندهم مواسم اللي هي رمضان سعر الجاويه يوصل 1500 الى 2000 ريال
حمزه : ههههههههه الشغاله بدل ماكانت ب700 ريال وصلت ل1000 ريال حتى رواتب الشغالات زادت مايقارب 45في الميه وحنا الموظفين الرواتب زيادتها 5% شايف كيف الدنيا تسوي
عدنان : ههههههههه شايف كيف مهمومين

في بيت ابو وفاء
فوزية : كيف حالك ياوفاء ولله زمان عنك وينك ياقاطعه معاد اشوفك
ام وفاء : في بيت زوجها يعني وين بتكون ان شاء الله دايم سعيده معاه
فوزية : امين يارب لكن ايش سويتي في اللي قلت لك عليه ؟
ام وفاء : ايش قلتي لي لها ياوجه النحس
فوزية : عطيتها دروس عشان زوجها مايتزوج غيرها
ام وفاء : الرجال لو يبغى يتزوج مافكر في احد
فوزيه : لا خطتي انا حتى لو يبغى يتزوج مايقدر يتزوج مانخليه يتنفس
ام وفاء : فوزية انتي ايش قلتي للبنت ؟
وفاء : ماما ماقالت الا كل خير
فوزية : شفتي كيف بنتك فاهمه الحياه انا مادري ليه زوجك ماتزوج عليك مع ان عنده فلوس وانتي خبله ووووومافيه ولا سبب ولا حتى نص سبب مايخليه يتزوج عليك
ام وفاء : اعوذ بالله من عينك فوزية ايش فيك انتي خرفتي الحين وتبين تحسديني على زوجي عشان ماتزوج عليه
فوزيه : انا ماحسدك ولا شي بس اقول الحق
ام وفاء : بعدين صحيح انه انتي اختي ولكن فيه فرق كبير بيننا شوفي كيف حلاوتي وشوفي كيف شكلك يعني زوجك اقل شي لو مازوج عليك يطلقك اصلا لو انا مكان زوجك من اول يوم اشوفك فيه اقول توكلي على بيت اهلك
فوزية : ام وفاء بعدين معاك وفاء شوفي امك خليها تسكت
وفاء : خاله انتي اللي بديتي خلاص اسكتوا وخلينا نسولف سوالف زينه
فوزية تقاطعها : انا زوجي منتف وتزوج عليه لاتلوميني المهم انتي خليك على جنب تعالي وفاء قولي لي اللي سويتيه بالتفصيل الممل
وفاء : طيب قربي احكي لك
فوزية : هذا انا قربت احكي لي يلا

بعد اربع سنوات وبعد ماخفت الديون شوي عن ظهر عدنان
وفاء : اقول حبيبي عدونه
عدنان : هلا يابعد روحي يااحلى واغلى وفاء
وفاء : انت انتهيت من اقساط السياره ؟
عدنان : اقول كلمة احلى واغلى وفاء انا بسحبها وبرميها مع الطاقه هذا اولا وثانيا ليه تسألين ؟
وفاء : لامجرد سؤال
عدنان : لا مانتهيت منه باقي له
وفاء : بس انا اللي اذكره انه القسط انتهى من شهرين تقريبا
عدنان : طيب لو انتهى
وفاء : لا بس بغيت اذكرك انه يبيلنا اثاث جديد تعرف الاثاث هذا قديم ولا انا غلطانه
عدنان : مامعي فلوس خلي اثاثك عندك
وفاء : عدونه حبيبي دولاب المطبخ تكسر والسرير صار ضعيف ولاتنسى بعد انه ماشاء الله عندنا طفلين يعني يبيلهم دولاب وسرير وحركات يعني عشان ندلعهم
عدنان : وفاء قلت مافي خلاص
وفاء : اقول كلمة عدونه وكلمة حبيبي هذي كلها سحبتها وبرميها في البحر وياعدنان هذي شغلات اساسيه لابد لابد لابد منها
عدنان : اهئ اهئ دايم انتي الفايزه وانا المغلوب خلاص بجيبها في اقرب فرصه بالديون وامري على الله

بعد خمس سنوات اخرى
وفاء : عدناان اقول
عدنان : قولي واخصلي انتي عذبتينا
وفاء : الحين ايش فيك تتكلم من رأس خشمك
عدنان : معاد اطيقك عذبتيني بهذلتيني خسرتيني فقرتيني جبتي لي الهم والغم
وفاء : اوف اوف اوف الحين كل هذا شايله في قلبك عليه ليه ذابحه ابوك انا ولا امك ؟
عدنان : لو ذاحبه ابوي ولا امي كان اهون انتي معذبتني على الرايحه والجايه تبين فلوس صرتي مثل المنشار
وفاء : اقول ماباقي بعد هذا العمر غير تقول روحي لبيت اهلك وتتزوج وحده ثانيه
عدنان : ولله لو معي فلوس لاسويها اليوم قبل بكره
وفاء تتذكر كلام خالتها فوزية تتكلم بينها وبين نفسها : والله انك صادقه ياخالتي فوزية
وفاء : المهم ياعدنان اثاث جديد للبيت وفوق هذا اضرب بوية للبيت
عدنان : من وين اجيب هذا كله
وفاء : قرض البنك وانتهى وقسط السياره وانتهى ايش باقي عاد احمد ربك معاد عليك شي
عدنان : نسيتي انه وراي اولاد ويبيلهم مستقبل او على الاقل نسوي لنا بيت نسكن فيه لاتنسين بعدين معاد فيه الا راتب تقاعد اذا كبرنا من وين تبين اصرف كل هذا وازيدك من الشعر بيت انا ببيع السياره القديمه ماتنفع خلاص وبشري سياره بالاقساط جديده
وفاء : ماعليك عيالك بعدين يكبرون وفيهم الخير والبركه الحين هذي اشياء اساسية سويها لي
عدنان : ياكثر حنتك
وفاء : وبحن عليك الين تسوي اللي قلت عليه وبعدين انت بتبيع سيارتك الفلوس اللي بتبيع فيها السياره سوي فيها البيت
عدنان : الفلوس كلها 15000 بغيتها دفعه اولى للسياره الي بأخذها لكن الظاهر مالي نصيب فيها الله يصبرني عليك بس
وفاء : وانت يعني في بالك ال15000 تكفي لا ياعيوني غرفة نومي اهم شي واهم شي فيها دولاب الملابس ماتغير من زمان وفوق هذا الكنب وفوق هذا غرفة اولادك ييلها دولاب لانهم كبروا وغرفة البنات يبيلها دولاب ووو.
عدنان يقاطعها بصوت مرتفع : خلاااااااص كفايه بسوي هذا كله انا الديون هذي ملاحقتني طول عمري وانتي السبب لكن الله يعيني

بعد عشر سنوات وفاء كبرت ومعاد لها في حنة الطلبات لكن مع كبر سن وفاء العيال بعد كبروا وصار له ثلاثة اولاد وثلاثة بنات وفي اللحظه هذي العائله جالسين في جمعه وحده
الاولاد تركي 19 سنه نايف 17 سنه بسام 9 سنوات
البنات هدى 15 سنه ليان 13 سنه ونوف 11 سنه
تركي : ابوي السنه خلصت وانا نجحت وتخرجت من الثانويه ابيلي سياره
عدنان : سياره في عينك اشتغل وخذ سياره
تركي : انت ابوي وانت مسؤول عني من قال تتزوج وتجيبوني انت وامي
عدنان : جابك الله مو انا
تركي : انا مالي شغل اصحابي كلهم من صف اول ثانوي وهم معهم سيارات تخيل انا في ثالثه واناظر بعد الناس اصغر مني في اولى وثانيه معهم سيارات الا انا صابر عشانك والحين تقول مافي سياره وفوق هذا كله ناجح ورافع رأسك
عدنان : بالله عليك ناجح اللي يشوفك يقول ناجح بنسبة 99%
تركي : 99 ولا ان شاء الله 50% انا ابي سياره ولا كل يوم مشاويري الرايحه والجايه ابيها على سيارتك
عدنان : لا بالله وانا اروح العمل على رجولي يعني
تركي : لالا افا عليك ياابوي وانا ولدك انت تروح العمل على رجلك
انبسط شوي عدنان من كلامه لكن كمل كلامه تركي وخرب عليه
تركي : انت تروح في ليموزين مكيف وانت معزز مكرم الين الدوام
عدنان : والله عيال اخر زمن لابارك الله فيك تفكيرك بايخ مثل امك خلاص سياره بأخذها لك بس اسكت عني
نايف : وانا ياابوي ؟
عدنان : انت ايش فيك
نايف : ابي سياره مثله
عدنان : انت تبي براد الشاهي هذا في وجهك تخرج من المدرسه بعدين كلمني مو الحين اخذها لك
هدى : ابوي وانا طيب
عدنان : انتي ايش بعد تبين سياره بعد
هدى : لا ياأبوي ابي ذهب عشان نجحت انت وعدتني اذا نجحتي بممتاز اشتري لك ذهب
ليان : وانا بعد وعدتني
نوف : وانا بعد وعدتني
عدنان : جعل لساني اللي وعدكم القطع اهئ اهئ
وفاء : خلاص فكنا من حنتهم وقول بشري لكم
عدنان : مو لازم اتدين عشان اسوي هذا كله ولو سلمتك من زمان يمدي معي فلوس الحين اشري اي شي بدون دين مو هذا الدين مكتوب عليه طول عمري مثل الوقف اهئ اهئ

وتدور الايام وتمشي والحال لعدنان مثل ماهو كل مانتهى من دين وقسط دخل عليه دين ثاني
اتوقع هناك اشخاص كثير في حالة عدنان من ناحية الديون ولكن الى متى هذي الحاله
الله واعـــــــــــــــلم

[طيـ الأمل ـــف]

يعطيك العافيه طيفك وهم
موضوع رائع ومميز ولي عوده باذن الله عندي قصص راح اضيفها معاك
شكرا على موضوعك الرائع ننتظر جديدك
ووفقك ربي واسعدك في الدارين

[أوهــــــامَ]

عليكم السلام ورحمة الله وبركاته
فى البدايه أهلا وسهلا بك فى منتدي مياسه
والف شكر على الفكره الرائعه
لي عوده ان شاء الله .
ومتابعه كل جديد لكًَ
وكل عام وانت بخير
مودتيَ

.

[طيفك وهم]

طيف الامل

الله يعطيك العافيه ان شاء الله

الاروع هي طلتك الجميله على هذا الموضوع

لك مني كل الشكر والتقدير والاحترام

[طيفك وهم]

اوهام

يعطيك العافيه على هذي الطله الجميله وماننحرم منها دايما ان شاء الله

وكل عام وانت بصحه وسلامه اخوي

وان شاء الله بنزل في نفس الموضوع قصة اخرى بعنوان اشرف حرامي قريبا ان شاء الله

وشكراااااااا

[مـلاك الغـروب]

طيفك وهم


بداية موفقه ان شالله.


واتمنى تلاقي التفاعل من الاعضاء مع القصة


وانا متابعه لك وياليت تنزل القصة الجديدة والتي بعنوان(((اشرف حرامي )))

لاني انتظرها بفارغ الصبر.

واتنى من الاخوان التفاعل .


لانه موضوعك موضوع جدا رائع.


واتمنى ماكون ثقلت عليك.

تحيتـــــي لك

[طيـ الأمل ـــف]

طيفكـ وهم
قصه هادفه
متابعه بصمت بانتظار الجديد
ولي عوده لأضع في متصفحكـ بصمه
وفقكـ المولى لكل خير

[طيفك وهم]

ملاك الغروب

طيف الامل

صراحة اسعدني تواجدكم في هذه الصفحه والقصه ابشروا فيها ماطلبتوا شي

ومن دواعي سروري هو تواجد اشخاص بمقامكم في هذه الصفحه

[طيفك وهم]

قصتنا اليوم تحكي عن المواطن عليوي اللي تعرض للسجن ظلم وعنوانها ( اشرف حرااامي )

عليوي مع صاحبه فادي
عليوي : يااخي اخير حصلت الوظيفه خلاص الحين بروح ابشر الوالد واقول له اني بتزوج قريب
فادي : وانت على طول قلت تبي تتزوج يااخي اصبر شوي
عليوي : اي اصبر الوالد عندي كل يوم والثاني وهو تزوج تزوج ياابن الحلال عذبني بالزواج هذا
فادي : طيب ووظيفتك هذي اللي اذبتني فيها ومبسوط فيها من الصبح وين وكم راتبها ؟
عليوي : هذي طال عمرك في شركة كبيرة براتب 3500 ريال
فادي : 3500 ومسوي لنا زحمه ابي اتزوج ابي اتزوج في بالي الراتب عشره او 15 الف والراتب بس 3500 هذا مايأكل عيش الايام هذي الناس الحين رواتبها فو الخمسه يابابا ومو لاقيه تاكل عيالها زين
عليوي : يااخي اللي راتبه فوق الخمسه هذا بايجار 1500 وفوق هذا قسط يعني يصفى من الراتب يادوب 3000 تقريبا يعني انا افضل منهم معي 3500
فادي : ومن وين تبي تتزوج انت ووجهك ؟
عليوي : يادلخ الشقه موجوده اما الفلوس الوالد قبل اخذ قرض من البنك من ثلاث سنوات 170000 ويسدده من الايجار ومخليها لزواجي وانا الحين بتزوج فيها ومصروفي من راتبي لاتخاف انا حاسب حساب كل شي
فادي : يارجال انت طيب وعلى نياتك وتستاهل كل خير الله يوفقك ويكتب لك الخير ان شاء الله
عليوي : امين يارب

عليوي فتح باب بيتهم وحصل ابوه في وجهه
عليوي : سلام عليكم يبا
ابو عليوي : وعليكم السلام ياولدي
عليوي : بارك لي يبى حصلت وظيفه في شركه بعقد وراتبها حلو
ابو عليوي : مبووك ياولدي
عليوي : الله يبارك فيك يبى
ابو عليوي : خلاص اجل ياولدي الحين حدد زواجك عشان نحدد زواجك متى
عليوي : ههههههه مستعجل ياابوي ؟
ابو عليوي : ايه مستعجل ابي افرح فيك وبشوف عيالك ياولدي قبل ماموت
عليوي : بعيد الشر عنك يابوي
ابو عليوي : ياولدي هذا مو شر بس كلنا بنموت وماحد يدري عن يومه يمكن اليوم ولا بكره ولا بعد سنه ولا يمكن بعدك حتى لكن الواحد يسول اللي عليه ويحاول يسعى انه يسوي اللي نفسه فيه وتكاليف الزواج مثل ماهي جاهزه بس تنتظرك ياولدي
عليوي : خلاص ولايهمك ياابوي بحدد الزواج في اقرب وقت
ابو عليوي : ايه وانا بعد بكلم حامد عشان يفضي الشقه
عليوي : حرام ياابوي وين يروح ؟
ابو عليوي : يشوف له بيت ثاني انت بتسكن في هذا البيت
عليوي : خلاص شوف اللي تشوفه مناسب

ابو عليوي يكلم اللي يبي يخرجه من الشقه وهو حامد : ياحامد شوف لك شقة ثانيه شقتك هذي بزوج ولدي عليوي وبسكنه فيها
حامد : هي انتهت كل شقق العماره وجات على شقتي ؟
ابو عليوي : والله يابن الحلال شقتك قدام شقتنا وعشان كذا هي اكثر وحده مناسبه
حامد : مبروك لكن ياابو عليوي حنا الحين بنتقرب من بعض ولدك بيأخذ بنت اخوي ايش رأيك تخرج اللي ساكن اسفل ؟
ابو عليوي : ياحامد بس انا بسكن ولدي في هذي الشقه
حامد : وفيه احد قال سكنه في عمارة الجيران اله يهديك لا الي اقصده يااخوك اللي ساكن اسفل تخرجه وانا اسكن بداله
ابو عليوي : الحين اللي اسفل عيال عمي تبيني اخرجهم سواد عيونك ولله هذا الي ناقص عاد هزلت والله
حامد : يعني البركة في ولدك عليوي انا مادري ليه اخوي يزوج بنته الحلوه الغاليه لولدك الخايس المجنون انا لو عندي بنت وخيروني في انها تتزوج ولدك المخيس هذا عليوي او تفضل عانس كان قلت خلوها عانس طول عمرها احسن لها من يوم واحد تعيش فيه مع ولدك عليوي في بيت واحد
ابو عليوي : يعني انا اللي بزوج ولدي بنتك والله ماباقي الا هي لو انتهوا بنات العالم كلهم ماتقربت منك واحمد ربك ماعندك بنت ولا كان ابتلشت فيها طول عمرك وجلست عانس بالبيت
حامد : حنا الحمد لله اشكالنا حلوه ودمنا زين والحمد لله كل بنات اخواني زينات والدليل انك اخذت بنت اخوي لولدك عليوي
ابو عليوي : والله لو بنتك نانسي عجرم ماحد يتزوجها مو كرها في شكلها لكن من قرادتك ونحاستك ولا ليه اقول انا ظلمت حلاوة نانسي انت كفو تجيب بنت تشبه نانسي اتوقع لو تجيب بنت ماتعرف تفرق بينها وبين البقره
حامد : بقره والله انت واشكالك يعني البركة في سلالتك انت ووجهك ناظر عليوي كيف رايح كل ماناظر وجهه اتذكر كلمة تالف اللي بتنكتب على السيارات
ابو عليوي : تالف والله انت واشكالك اقول البيت فضيه سمعت ولا لا ولا تراني برمي عفشك بالزباله
حامد : يصير خير من زين بيتك عاد بفضيه لك لاتخاف

حامد يدخل شقته
زوجة حامد واسمها هيا
هيا : يارجال ايش فيك انت من اول تهرج وتثرثر مع ابو عليوي
حامد : هذا مجنون ولده مجنون مثله يقول اعوذ بالله منه ومن ولده اااه لو القى عليهم شي من زمان معذبيني بالشقه هذي وكل يوم والثاني يزودون الايجار عليه والحين يوم شبعوا قالوا اطلع من البيت
هيا : ياابن الحلال خلاص اطلع وشوف لك اي واحد من عيالك خلينا نسكن عندهم
حامد : لالا انا ابي بيت ثاني اروح فيه احسن لي
هيا : انت من زمان عيالك يقولون تعال عندنا وانت اللي رافض
حامد : اقول انتي الثانيه ياعجوز ترى ماني ناقصك فارقيني احسن لك
هيا : هذا اللي انت فالح فيه
حامد : ان لله وانا اليه راجعون اعوذ بالله منك انا اخرج القى عله برا وادخل القى عله ثانيه يعني شقيان شقيان يااعوذ بالله منك يااهالحرمه
هيا : اقول والله ماينلام فيك ابو عليوي انا لو منه خرجتك من البيت من زمان حتى لو ادري ان مابيسكنه غير انت الله يعيني عليك بس
حامد : وانتي الصادقه يعيني انا عليكم انتم علل ناشبين فيني لكن عاد بخليك معي الين ربي ياخذك وافتك ولو فيني حيل لحرمه ثانيه ماخليتك
هيا : وانت الصادق انت بطران بس العله ماتبي تطلع فلوس وهي على قلبك انت وانت معك فلوس ماتاكلها وحتى ايجار البيت هذا مخليه على عيالك اصلا لو انت تدفع ماكان سكنت في بيت ابو عليوي
حامد : اقول ياعجوز انتي ترى المغرب نبي نروح بيت ولدي محمد نبي نتعشى هناك
هيا : طيب شوف وينه يمكن مو فيه ولا يبي يخرج اطفاله
حامد : ماعليك فيه لو ماحصلناه بروح عند ولدي حمود ولو بيخرج محمد خليه يأجلها على الاقل عشان ابوه
هيا : خلاص روح انا مابي اكون ثقيله عليهم
حامد : بكيفك بس ترى مابي اجيب لك شي من برا تتعشي هناك ولا عساك ماتذوقينه
هيا : انا مابي اكلف عليك كل اللي ابيه بريال زبديه وبنص ريال عيش
حامد : وليه الاسراف ان الله لايحب المسرفين ان شاء الله لو عشا بنص ريال مابي اجيبه وفيه عشا ثاني
هيا : ايه انت تبي عشا بلاش
حامد : من قال بلاش الولد هو وماله لابيه وانا ابوه يعني كانه انا اللي اعشيه مو هو
هيا : انت ماينقدر عليك يلا بس والله مابي اجلس خمرانه ماكل شي

بيت ابو عليوي
عليوي : ابوي ترى نسيت اقول لك
ابو عليوي : تقول عن ايش ياولدي
عليوي : نسيت اقول لك انه ابو فادي عازمنا على العشا عنده انت وامي هيا البسوا خلينا نروح
ابو عليوي : مو بدري الحين ياولدي
عليوي : هو بدري شوي بس فادي صاحبي ياابوي وودنا نسولف مع بعض
ابو عليوي : طيب خلاص بس انا من شوي فكرت واتخذت قرار ياولدي
عليوي : عسى خير ياابوي اش هو قرارك اللي اتخذته
ابو عليوي : زواجك نبيه بعد ثمانيه شهور من الان
عليوي : انت خلي اول حامد يخرج بعدين يصير خير
ابو عليوي : لاتخاف حامد بيلقى له بيت وهو ماعليه البخيل لو يسكن في فله دام اللي بيدفع عنه عياله
عليوي : ههههههههههه الحمد لله انك ابوي بس ومو حامد
ابو عليوي : ياولدي والله ان عياله مظلومين معه وهم طيبين ومايبون يزعلون ابوهم وفوق هذا هم في حاجه الفلوس وابوهم بخيل عليهم
عليوي : طيب ياابوي ليه ماخفضت الايجار شوي طيب عنه ؟
ابو عليوي : وليه اخفضه هو ماحزن على عياله ودفع تبيني انا اتحمل غلطة ابوهم ولاتخاف بكره يموت ويورثونه عياله في ملايينه وبيرزقهم بعد سنين العذاب اللي عاشوها معه
عليوي : على قولتك بس الحين خليني اكلم امي واقول لها تجهز حالها عشان نبي نروح مع بعض
ابو عليوي : ان شاء الله

بيت محمد ولد حامد
محمد اول مايفتح باب البيت يحصل ابوه في وجهه وهو كان متلبس يبي يخرج
محمد : هلا هلا البيت نور تفضلوا تفضلوا
حامد : زاد فضلك ياولدي
محمد : ادخلي بعد يمى حياك البيت بيتكم
هيا : مشكور ياولدي
محمد : لاتشكريني هذا واجبي واقل من كلمة الواجب حتى حياكم حياكم
هيا : الله يخليك ياولدي لنا شاء الله
محمد : وانتم بعد انتم بركتنا يمى والله يحفظكم يارب
بنت محمد الصغيره وهي لابسه وجاهزه للخروج واسمها ليان
ليان : ياجدي ليه جيتونا دحين ؟
حامد : يالله مسى خير حتى الفصعونه هذي تعرف تهرج
محمد : ليونه عيب هذا جدك يلا روحي لماما
هيا : يابنيتي ماعليك انتم روحوا مع ابوكم وحنا بنجلس انا وجدك
حامد : ايش قاعده تقولين ياهل العجوز المجنونه وين يروح ويخلينا لا ماجلس في البيت مقابلك لحالي انتي مقابلتني هناك وتبين تقابليني هنا لوحدك تبين تقضين علي انتي
محمد : يبى من قال انا مابي اخرج بجلس عندكم
هيا : وانتم وين كنتوا بتروحون ياولدي ؟
محمد : ماتشوفين ليون زعلانه ههههههههه كنت بوديهم ملاهي لكن ماعليه الجيات مثل مايقولون اكثر هذي الساعه المباركه اللي جيتونا فيها
حامد : والله وكفو ياولدي ماهو مثلك روح وحنا نجلس بالبيت . مالت عليك
هيا : تطورت يالعود يالبدوي وصرت تقول كلمة مالت انت وخشتك ترى هذي ماهي كلمه انقليزيه ياهل العود المخرف هذي كلمة حريم
حامد : الله يشيلك عني اليوم قبل بكره انتي جالستلي بالحبه مايطوف شي بدون ماتعلقين عليه
محمد : ابوي امي الله يهديكم استهدوا بالله الحين بتجي القهوه وشوي العشا ولو تبون تباتون بعد هذي الساعه المباركه اللي تباتون فيها عندي
حامد : لالا ماتقصر ياولدي انا ارتاح في بيتي مالي في رجة الاطفال
محمد : لو شايف انهم ازعاج بوديهم بيت جدهم ابو امهم
حامد : لاتعذب نفسك وحنا عندنا بيت

بيت ابو فادي
ابو فادي : حي الله ابو عليوي وولده عليوي وام عليوي بعد زارتنا البركه ياابو عليوي
ابوعليوي : تسلم والله ياابو فادي هذا العشم فيك والله
ابو فادي : فادي ليه واقف روح جيب القهوه للرياجيل سرعه
فادي : ابشر يبى الحين دقيقه وهي بين يدينكم ان شاء الله
ابو فادي : لاتنسى تجيب التمر بعد ايو ابو عليوي وكيف حالكم وكيف صايره اموركم ان شاء الله من احسن الى احسن ؟
ابو عليوي : والله الحمد لله يابو فادي وهذا احنا ان شاء الله قررنا نزوج ولدي عليوي قريب ان شاء الله عقبال مانفرح بولدك فادي ولو تخلي زواجه وزواج عليوي ولدي في يوم واحد يكون احسن
ابو فادي : لالا ولدي باقي له شوي يااوخوي يابو عليوي وهو بنفسه يقول يبي يتأخر شوي
ابو عليوي : الله يوفقه يارب

بعد ساعتين تقريبا اثنين يراقبوا عمارة ابو عليوي بالتحديد يراقبوا بيت حامد واحد اسمه سلوم والثاني سلمي
سلوم : اقول ياسلمي حنا الان لنا اكثر من ساعتين واقفين نراقب بيت اللي يقولون له حامد هذا خلينا الحين ندخل
سلمي : وتعتقد اننا بنلقى شي
سلوم : هذا وراه ملايين وبخيل يعني من النوع اللي يخبي فلوسه او شي منها بالبيت اكيد بنلقى شي منها
سلمي : طيب يلا نبي ندخل بدون ماحد يحس فينا ونأخذ اللي نبي وبعدين حامد وصاحب العماره اللي ساكن فيها حامد ماهم موجودين
سلوم : لالا انا بطلع وانت خليك هنا لو شفت احد جا على طول اتصل على جوالي انا ابي اخليه على الهزاز
سلمي : اقول سلوم ترى كل شي بيكون النص بالنص مو تقول انا طلعت
سلوم : افا عليك ياصاحبي انا يعني بخونك ؟
سلمي : حنا حراميه يعني الشغله خربانه
سلوم : حراميه صح لكن بعض الحراميه رياجيل ومايخونون وانا اقرب مثال
سلمي : يلا بس لاتتأخر خليك على اقل من مهلك خذ عدتك والقفازات واللي تفتح فيه الباب ولو فيه خزنه يعني لاتنسى ولا شي
سلوم : ولايهمك كل شي جاهز ادعي لي بس
سلمي : انت حرامي وبتسرق وتقول ادعي لي اطلع بس بسرعه انا انتظر هنا
سلوم : يلا يلا

بيت ابو فادي
ابو عليوي : صراحه استانسنا وانبسطنا ياابو فادي وباقي لكم زياره ان شاء الله انت وولدك فادي لبيتنا
ابو فادي : يعني هي صارت مثل الدين الزياره هذي هههههه
ابو عليوي : ههههههه لاولله لادين ولا شي بس الواحد سعيد بزيارة الوجيه الطيبه شرواك انت وولدك فادي
ابو فادي : شرواك الطيب ياابو عليوي
ابو عليوي وعليوي : يلا نشوفكم على خير
فادي وابو فادي : وانتم من اهله الله يستر عليكم

بيت محمد
حامد : صراحه اكلكم هذا مزيون ياولدي الله يسلم اليد اللي طبخته مو عندي في البيت ماتعرف الا رز ولحم وحتى ليتها تسوي رز صاحي
هيا : بدينا ياحامد
حامد : وانا ماقول الا الصدق
هيا : بس زوجة محمد عندها محمد الله يخليه لها ولاطفاله ان شاء الله يجيب لها كل شي لكن انت بخيل ماتجيب ولاشي حتى الرز والحليب تأخذه من الجمعيه الخيريه وانت مو في حاجته واللحم والدجاج يجيبه ولدك محمد وولدك حمود
حامد : خلاص خلاص اص هذا الاكل فيه الخير والبركه يلا ياولدي حنا نترخص
محمد : وين يبى بدري ؟
حامد : ماعليه ياولدي انا بروح دوب ارقد الحين نجيكم مره ثانيه ان شاء الله
محمد : على خير ان شاء الله يبى بس نبيكم تنورون البيت دايم
هيا : لاتخاف دام الشغله فيها اكل وتوفير فلوس لاابوك بيجيك هذا نعمه اذا ماجاك كل يوم يدور اكل
محمد : البيت بيته في اي وقت يمى وانتي بعد
حامد : شفتي الناس اللي تعرف تقدر وتهرج مو مثلك ماتقولين خير في حياتك يلا بس مشينا
هيا : مع السلامه ياولدي
محمد : الله يستر عليكم يمى

وصل عليوي وابو عليوي البيت ووقفوا السياره واول مانزلوا منها
ابو عليوي : ياولدي عليوي هذي مو سياره غريبه كأني اول مره اشوفها صح ولا انا غلطان ؟
عليوي : الله يهديك يبى حتى لو اول مره تشوفها بس تونا معزومين يعني يمكن احد من الجيران بعد عازم احد
ابو عليوي : كل شي جايز

سلمي اول ماشاف عليوي وابو عليوي وهو يختبص واتصل على سلوم
سلوم في الداخل : ياساتر هذا البخيل حتى على الحراميه يبخل مو لاقي له ولا شي ماباقي الا غرفته >>> ويحس بجواله يهز ويرد هذا اكيد سلمي شاف احد . ويرد على الجوال بصوت خافت
سلوم : الوو
سلمي : سررعه اخرج صاحب العماره دخل
يقفل الجوال ويخرج من الشقه بسرعه ويخلي الباب مفتوح وينزل جري ويقابل عليوي وابو عليوي عند باب العماره
عليوي : هذا ايش فيه طاير ميتين عسى خير
ابو عليوي : والله مادري حتى من وين جاي خلينا نطلع لايكون جا من فوق مسوي له مصيبه ولا شي
عليوي يلا يبى

في اللحظه هذي وقف سيارته وفي نفس هذا الوقت شاف سلمي وسلوم حركوا بالسياره
حامد : يلا بس انزلي ياهل عجوز الله يصبرني عليك بس
ينزلون من السياره متجهين للعماره
هيا : اقول الله يصبرني انا عليك انت متمسك فيني عشان طلباتي ماهي بكثيره
حامد : حسبي الله على لسانك بس ان شاء الله بقطعه وانتي في سابع نومه
هيا : اقطعه وشوف والله لاقطع رقبتك
حامد : مااقول مجنونه امشي زين بس

عليوي وابو عليوي وام عليوي واقفين عند باب شقة حامد اللي مقابل لشقتهم
ابو عليوي : ايش فيهم عسى خير لايكون احد فيه شي
ام عليوي : ادخل ياابو عليوي شوف
ابو عليوي : لالا فارقيني من المجنون هذا ادخل انت ياعليوي انا امك نبي ندخل البيت شوف ايش فيه وطمنا
عليوي : على خير يبى

عليوي يطرق الباب قبل مايدخل ويتكلم : فيه احد عم حامد ياابو محمد !! ام محمد خاله هيا ويوقف عند الباب ويشوف الحديده اللي انفك فيها الباب ويمسكها ويكتشف انها تم فيها فتح الباب ويقول في نفسه : هذا لايكون احد دخل بيت حامد وسوا فيه ولا في خالتي هيا شي لاقدر الله
يدخل البيت ويشوف شي غريب بالبيت ويوقف عند باب الغرفه ويقول بينه وبين نفسه : هذا لايكون صاير فيهم شي لاقدر الله
في اللحظه هذي حامد وصل عند باب شقته وشاف الباب مفتوح
هيا : ياحامد هذا فيه حراميه جواا
حامد : حرامي وبيسرق بيتي الحين انا اوريك فيه واربيه واخليه يكره اليوم اللي عرف فيه بيتي
يطلع جواله ويتصل على الشرطه
وفي الوقت هذا عليوي يتذكر اللي قابله وهو يجري عرف انه الرجل كان حرامي وقرر يخرج من البيت
واول ماخرج حصل حامد في وجهه
حامد والجوال في اذنه اول مايشوف عليوي يتكلم بصوت مرتفع : ياعسكري ياعسكري الحرامي هذا هو قدامي لو ذبحني ولا شي ترى اسمه عليوي ولد جارنا
عليوي : يااعم حامد ايش فيك هدي اعصابك انا
يقاطعه حامد : انت ايش هاا ؟ انت حرامي ومسكناك بالجرم المشهود ان شاء الله الحين تجي الحكومه
عليوي : يااعم حامد اقسم بالله لقيت بابك مفتوح والحرامي قابلته وانا طالع انا والوالد والوالده
حامد : ايه انا عارف ابوك بيوقف في صفك لاني مشترك معك لكن ماعنك وعن السجن حجاب خلاص داخل السجن داخله
عليوي : يااعم حامد اي سجن انا مقبل على زواج ووظيفه وحياه جديده الله يخليك انا ماسويت شي
حامد : زواج اي زواج يالحرامي تسرق وتبي تتزوج بنت اخوي
في هذا الوقت يطلع ابو عليوي من بيته بعد ماسمع اصوات عاليه
ابو عليوي : ايش فيك ياعليوي وايش فيه هذا الخبل ؟
حامد : انا خبل يالحرامي ياابو الحرامي ان شاء الله بوديكم السجن انت وولدك
ابو عليوي : انت انخبلت اي سجن تعال تعال ياولدي واترك هذا المجنون يتكلم لوحده
حامد : انا مجنون ها الحين العسكري بيجي ويشيل ولدك وان شاء الله اخليه يشيلك انت بعد يالحراميه
ابو عليوي : عسكري ؟
في اللحظه هذي تجي الشرطه ويطلع رجال الامن للعماره
الضابط : سلام عليكم
حامد : ياعسكري هذا الحرامي شوفه وديه السجن هو وابوه
ابو عليوي : عليكم السلام والرحمه انت هو رد السلام اول
الضابط : من فيكم حامد ؟
حامد : انا ياعسكري وشفت عليوي في شقتي بيسرق منها
الضابط : يااخ حامد ممكن تتكلم شوي شوي عشان نعرف نشوف ملابسات الجريمه ؟
حامد : ايه شوفوهم اكيد بتلقى هذا الحرامي هو اللي سرق لا وبعد قطعة الحديد هذي اللي على الارض هددني فيها
الضابط : خلاص هذي هيا القسم وسجل كل شي هناك الحين ياحامد تبي تتهم هذا انه هو اللي سرق ؟
حامد : ايه ياضابط
الضابط : ياعسكري جيب المدعو عليوي على القسم وارفعوا البصمات من مكان القضيه
عليوي : ياابن الحلال والله البيت لقيته فاتح وقلت اكيد صاير شي لاقدر الله
ابو عليوي : أي والله ياضابط انه هذا اللي صار
حامد : شي صاير ولا بتسرق
ابو عليوي : خيرا تعمل شرا تلقى لكن كل شي على الله
الضابط : خلاص يلا هناك نحقق وكل شي ويصير خير


وانتظروا التكمله قريبااا