يا صاحبي لا شفتني

[غزلان الكويت]

صاحبي, شفتني

يا صاحبي لا شفتني يـوم مهمـوم

ابيـك تقربنـي وتبعـد همـومـي

وإن شفتني والحزن بالوجه مرسوم

ابيـك تنشدنـي وتاخـذ علـومـي

وان شفتني بين الهواجيس مزحـوم

ابيك تضفي جـو كـان امعدومـي

وان شفتني تايه وفي بحري اعـوم

ابيك تنقذني ليـا صـرت أعومـي

وإن شفتني ضايق ولا عندي علـوم

حـاول تبعـد ضيقتـي لا تدومـي

وإن شفتني من وضع الايام مشئوم

حـاول تذكرنـي بـربٍ رحـومـي

وإن شفتني فالشمس ما حولي غيوم

تعـال ظللنـي سـواة الغيـومـي

وإن شفتني والدمع بالخـد مزكـوم

امسح دموع العين لا احـدٍ يلومـي

وإن شفتني من قرصة الوقت مسموم

انثر على القرصة علاج السمومـي

وإن شفتني طيرٍ مـع جـوه يحـوم

ضاقت به الدنيـا وعـود يحومـي

واصبحت منجومٍ ولا نـي بمنجـوم

من كثر ما افكـر واعـد النجومـي

تعال شجعني ترى الحـال مهـزوم

والروح ضاقت بي وضاقت اهدومي

الهم قسمه لكـن إن صـار معـزوم

وش حيلة اللي ضاع بين القسومـي

يا صاحبي كلمه ليا صرت مهمـوم

تبعد عن الروح العليلـه اهمومـي

---

dh whpfd gh atjkd

[أوهــــــامَ]

أأبيات رائعه ؛؛؛
ربي يعطيك العافيه .
تحياتي

[محمود مسعود]

[frame="8 80"]
بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
غزلان الكويت
سملت يداك اختي الكريمه علي هذه الابيات الرائعه

خالص تقديري واحترامي

اخوكي

محمود مسعود
[/frame]