تغريبة

[القاسم المصري]

امتى حاحس بالغربة وأنا ف حضنك
ولما تندهيلي أبص أشوف الشوك ف جلابيتك
بيجرحني
وأنا المحتاج لحضنك يوم
يلملمني
من الدوامة
يسرقني
لكن يا خسارة اديكي تلف
تخنقني
وأموت والحلم مستني
ويرجع طيرك م الغربة
يلاقي غربة
تزيد غربة
ويتكتف
وريشه النادي
يتنتف
وجة النار
بيتحدف
يموت الطير
قوليلي امتى أشوف شكلك أقول الله
واسمع صوتك اتبسم وجوايا تدق حياة
لإمتى حاشوف ورق دبلان يا سمرة ف بستانك
بلونه الأصفر البهتان مغطيابه فستانك
وينزف دمعي
م النني
يخط الجرح ف حيطانك
وأنا في قلبك بحبي أسير
أسير التوهة والتكسير
وكل ما يجي يوم أبكي
على حبك يا مولاتي

---

jyvdfm

[شاطئ الأحلام]

صح لسانـك اخ القاسم


تحياتي