خطوه بخطوه لتصبحي مهايطيه <<دلوعه !!

[دبه سودهـ حولا]

مهايطيه, بخطوه, خطوه

[align=center]هااي كيوتات<<داخله على ثقيل
المهم اليوم بعطيكم دروس اسفه سوري قصدي كلاسات كيف تصيرين مهايطيه الا واكبر مهايطيه
يعني يابنات حنا وش زودنا عن غيرنا هالي يهايطون الى متى واحنا مكبوتين
المهم نبدأ الكلاسات <<ضبطت الدور



الصورة الرمزيه

هذي حاجه مهم يعني اكيد بتعبر عن جزء كبير منك
لذا حطي صورة وحده طالع نص وجهها والا شعرها جاي على خشتها وهكذا الصوره الي تطلع الفيس كامل هذي راح وقتها

اكتبي بنص الصفحة وعبي كلامك نقط وفواصل وحطي لون زهرربنص كلامك حطي كلمة انقلششش
والا فرنسي
موب لازم يصير لها داعي المهم تقولين انك تعرفين


ادخلي مواقع الفاشن وقشي كل صورهم نزلي موضوع
وقولي شرايكم بذوقي <<<<باللهي يعني يااوختي الكريمه اذا جبتي صور من موقع ديور والا قوتشي بيصير شين عارفين ترى انه زييين عساتس ماتعمين
واذا خقيتي عند شنطه الطشي صورتها وقولي يااي نفس شنطتي
وبرضوه خذي كم صورة روج وكذا وقولي عندي زيه واااااااااو ع الشفايف ياااي يجنن يخقق كلهم قالوا لي كأنك(اسم اي ممثله خاقين عليها الشباب ولو خشتس براطم طقاقه وش ورانا هي وقفت على ذي ) وبرضوه زود تميلح تكلمي عن قصة شعرك الجديده وقولي انه نفس المذيعه فلانه وخربطي (ترى عادي ولو شعرتس ليفة مواعين هو حد عارف حاقه)
واهمممم حاجه التاااان ياااي ان اموت ع البرونز والذهبي حياتي انتا ياتاااان (يعنني بيضاء فابي اتسمر مليت من بياضي ياعالم )<<<ناس سمر تسوي تان ترى حتى البيض الي نعتبرهم بيض هناا تراهم مايوصلون لمستوى بياض الاوروبيات ياشين السرج ع البقر ياعالم


التوقيع


توقيعك حطي فيه صورة بنت طخمة
وهرج بالانقليزي انسخيه من اي موقع ان شاءالله موقع سيارات

واي مهايطيه تكتب موضوع صيري من أوائل الي يردون عليها وقولي لها انتي نفس ذوقي يااااي مرره نتشاابه<<عشان تأخذين من هياطها نصيب
وانتي مثلي بالضبط احنا نفس بعض نفس الذوق يااي <<<<<بلاكم تلطشون من نفس الموقع يادلوخ


وشيء مهم وخطيييير القلوب ترى فيها سر خطير ماعرفه بالضبط بس اكيد له علاقه باني حساسه واخقق عاد انتم حطوها متى مافهمناها نفهمها المهم نعاصرهم الحينايه طلي على منتدى الرحلات وقزي لك كم محل باااايطاليا ومحل باسبانيا
والقطي صور من مواقع اجنبيه واكتبي شريت هالجزمه من هالمحل <<وترى الجزمه ملطوشه من موقع ثاني


ايه وبكل موضوع لازم تددخلين فيه الهياط يعني لو تردين بالمطبخ لازم تهايطين اجل نهايط بموضوع ونخربها بثاني لا ياعالم هذي خطط مدروسه موب لعب عيال وبرضه قولي جايزتن لتس كم اكله اجنبيه ترى موب لازم تصيرين ذايقتها او تعرفينها لالالا المهم يصير اسمها صعب حتى لو هي لحم ني الله واكبر عاد هم بيعرفونها

ولا تنسين الفن الغربي ذا تراه مهم روحي ونزلي موضوع اغاني لاتفهمين ولا كلمه منها ماعليك ان تسان جدتي تفهم فانتي تفهمين بس المهم تراني ياااااي واسمع اجنبي <<حتى لو كنتي من عشاق الاحسائي ماعلينا الهياط ببلاش

وكل شوي اطري البارتي انتي وصاحباتك وبروح للقيم والبرث دي ياااي تراني دلوعه واخقق وبرضوه مهم يعني تهايطين انتي وخويتس تقولين مالي خلق على البرث دي مالي خلق ع الزحمه شرايك نروح اسبانيا <<يعني نعنبو بليستس الحين مالك خلق على حفله وشراء لبس اجل السفر اسهل لا ووين ياختير انتا اسبانيا او كيب تاون ياااي <<اقطع يدي لو تعرف كيب تاون وينها فيه


والزبده ايطاليا يعني اذا ماخقيتي على ايطاليا خربتي كل الي تبنينه لكل وقت. حتى رئيس ايطاليا لاتوفرينه هايطي به ولا يخلو رد لك من ذكر ايطاليا
يعني لو احد يقول لك وش عشاكم امس؟
قولي بيتزا ايطاليه <<احد قايل ان البيتزا قصيميه مثلا


واقاربك الي بايطاليا وبرضوه صاحباتك كلهم اجنبيات واذا لزم الامر خلي وحده سعوديه بس امها بريطانيه او اسبانيه او حتى سيلانيه بس سعوديه نقيه هذا عار وشنار لالا الله يهديك كذا نخرب البرستيج

خقي على اجانب عشان تناغرين الشاب السعودي واني انا حسوفة عليكم واخق على الي يستاهلني(الثقل صنعه سواء اجانب او غيره)


واهتمي بالتنسيق ثم التنسيق ثم التنسيق
خلي ردك علبة الوااااان واذا مالك خلق خليه وردي ( يعني الي تنسق صح عندهم كأنها شارريه اغلى الماركات طبعا بانطباااع المنتديات)
وهو بيخسرتس شي انستي المهايطيه ؟
ابدا ولا حتى الوان خشبيه .الالوان متوفره وببلاش

ونرجع نركز على قضية اللغااااات
يعني ترى العلم تطور وصار سهل انتس تشترين قاموس سوري دكشنري فيه 44 لغه طبعا مو تخربينها وتاخذين بنغالي لالا ايطالي فرنسي الماني وهكذا وحتى لو تركيبك غلط الله واكبر من بيقراه يعني


وصوري اكسسوار وقولي طقم الماصاتي <<ماعليك من احد خليك قوية وجه
وبرضوه ترى سالفة البابا والماما مهمه <<لحد يحرجني ويقول وش لازمة ال التعريف بس ترى يعزونها


ولاتنسين اذا متزوجه عيد زواجي ترى هالهياط حلو ويحسس انتس رومانصيه وكشخه ولو مو متزوجه عاطي قولي ياربي وش اشتري للماما بعيد زواجها <<ولو ابوتس معرس على امتس 10 ولا تذكر اصلا متى اعرست ترى الدعوى خرطي في خرطي

المهم هذي بعض الخطوات اجتهدت في جمعها وتنسيقها وسأجتهد في تطبيقها ايييييه نسيت خلي اسمتس اجنبي ولذا اطالب الادارة بتغيير اسمي من دبه سودا حولا الى تشاكي الشريرة ههه

المهم ترى الكشخه الصدز لو تكتب بالاسود عرفنا وماتحتاج لهزبرقه هذي بس للمسكينه الي تبي تلبس ثوبن مهوب ثوبها وشوفوني انا يااي



ملاحظه كبر قريح
ترى الموضوع للذب والعياره وسعة الصدر يعني محد مقصود هو بس اجتهاد مني [/align]

---

o',i fo',i gjwfpd lihd'di <<]g,ui !!

[هلوسة]

توني ادري انك مهايطيه من جد نعنبو ابسلك ياسوده وش تكلين بي الضبط كل دقيقه موضوع ههههههههههههه ارحمي نفسسسسك ولا ارحمي الكيبوورد حقك هههههههههههه قسم بالله اني خاف على الجنين الي في بطنك من تهورك يالخبببله ههههههه لا بعد تتكلم عن الهياط وتكتب بالوردي ههههههههههههههههههههه اه بطني اه بطني مقدر اتكلم هههههههههههههههههههه رجع لك ياسوده هههههههههههه:biggrin:

[هلوسة]

المقدمه

ساعات احس ان الزمن قاسي ساعااات احس ان قاسي لا يمكن يلييييين وساعات احسن ان الفرح محال ولا يمكن يحييييييين هاه وش رايك في قصدتي الجديده يادبه . ابيك تسمعين الغنيه بي صوتي وهي من كلاماتي والحلاني وهي واغنانيه مشكااالني هه((( تخيل اخوي العضوو صوت القطااااااااااااار هههههههههههههههههه))

[rams]http://www.6rbtop.com/library/resources/Rashid_El-Majed/Collection/listen/9484_hi.ram[/rams]


الـــــــــــرد / على المـــــوضــــــــــوع .//

المهايط نوعين النوع الاول هوو المهايط من البعديد وهو انك تهايط في شات كتابي ولا منتديات ونت جالس في بيتكم مثل تقووول بلعن شكل ياحقيير تعال عندي والله لعن في جده ((ونت ماعندك ماعند جدتي مزنه خخخخخ))عاد هووو يقول تهايط عشانك في بيتكم ياورع هههههه والمهايط الثاني هوو المهايط القرريب وهي انك تهايط وماعندك شي مثل تستاجر سياره من شركه الذيب . همر ولا لكزز ولاسياره اخرر كشخه او تكشششششخ بس سااعه بسعر خيالي ولا قلم جفنشي وماعنننندك حق البانزين .!!! هذا المهايط القريب والله يقرب كل بعييييد اقووول بسسس تعالي يادبه يدك ابي اوريك اططططلق شي مت عليه ضحك هههههههههه الصوره الرمزيهتصوير بن كككككلب هههههههههه لا بعد لونك كاتبه صوره بنت لبسه هيل هوب وحركات بنات اليوم كان يطلع المهايط من صدق هههههههههههههههههههههههههه
التوقيع حركات بس تجيب صور نانسي وهي وتقول ازعل نص و نص بس وكلام مشفر (( عاد فيه ناس ماتعرف تشفر تحوق الدعوه هههههههههههههههههههههه))) ولا صوره دماء وسكاكين وراس مقطوع ويد مقطوع عحشان يدرون انك مجرررمة دماء ولا مصاصة دماء !!! ويرد الواحد على الموضوع وهو خايف هههههههههههههههههه ويقول يلعن ام الهياط ههههههههههههههههههههههههههههههههه


دبه سوده حولا ااا


خخخخخخخخخ تفووووووو <<-- لا بس رميت العلك ههههههههههههههههههههههه

موضوعك شدني حيل حيل حيل حيل والنصاح حلوه مرره مرره مرره مرره والله خلتيني اطلب اربع كيسان شاهي ولا شربتها من المقهي لاني ماقدرت ارفع عيني . وتستاهلين لـقــب (( الخبله هههههههههههههههههههههههه)) الله لا يحرمنا منك وياليت كل الاعضاء الجدد ياخذون نسخه من هالموضوع !!!











8


8


8

هاذي اليقونات هديه من لك عشان تعرفين اني ذوووق

[شقاوهـ بهداوهـ]

الصورة الرمزيه

هذي حاجه مهم يعني اكيد بتعبر عن جزء كبير منك
لذا حطي صورة وحده طالع نص وجهها والا شعرها جاي على خشتها وهكذا الصوره الي تطلع الفيس كامل هذي راح وقتها


اقول ام مصاصه ذي ماتنفع << ابي نصيحتك

خخخخخخخخخخخخخخخخخخخخخخخخ

دبه تصدقين أحبس مدري ليه

حولا من حبي فيس بنفذ الدرووووووووس كل ابوووها وبخلي أمي تسمعلي !!

سودا إذا مانجحت في دور ثاني والا وش السوات

شو بحبك أنا

[فوووح]

حـمد للـه والشكر

اصحاب العقـول في راحـه

اجل انتم يالبنات تعرفو تهايطـو خخخخخخخ

صـدق انكم ناقصات دين وعقــل ههههههه

<<< نــاوي ينطــق

لا امـزح

بس ياليت تغيري عنوان الموضوع
وسمي عنوان الموضوع كلام نواعم

مدري عندي احساس انك تشبهين للمصريه الدبا ههههههه

تقبلي مروري بصدر رحب