الليل, اللقافه, الخـبـيـتـي, اخر, شينااه
السلام عليكم ورحمة الله وبركاته
كما عودناكم من السلسله
وتراها اجي هنا واسولف بدون ترتيب يعني خبط لزق وانشالله تعجبكم
اليوم سالفه واقعيه بس يمكن يدخلها بعض التضخيم لكن من البدايه تراها خارجه عن مواضيع السخريه يعني سالفه عاديه ينتسولف بها في اي مجلس < خرااااااااط
هذا طال عمرك يوم الاربعاء امس اتصل علي واحد من خوياي
قال نبي نروح نلعب بالوت وطلعنا الساعه 10 ولعبنا الى الساعه 1
المهم طلعنا قلنا نفرفر شوي وخويي جاه اتصال انه فيه خبيتي الليله
قالي وش رايك قلت قدام ماعندي اية مشاكل <الدافع الاول والاخير اللقافه وحب الاستطلاع
طلعنا برا حائل هي حدود 20 كيلو وندخل هاك الديره يقال لها النيصيه وضعها طبيعي
اخر شي مشينا صحراء الا وهاك الاستراحه انا مدري وين الله موديني بس خويي يعرفهم
قبل ماندخل الا بشريه امة محمد قلت لخويي ليش كل هالناس
قال اصبر ماشفت شي للحين
دخلنا الا الناس مجتمعه من كل الانواع والالوان واشوف ناس ترقص رقص غير طبيعي
بصراحه انا ماني راعي هبقات يعني اول مره اشوف هيك حركات
سالت خويي قلت سكرانين الشباب؟
قال لا <انبسطت قلت امان اجل خخخخخ
الفرقه اسمها غياض وهي فرقه خبيتي وسامري ومعروفه وتقيم الحفل هذا دايما
كني ارتحت شوي لان الوضع مزري من جد
تخيلو واحد يناقز ويطيح ويسوي حركات غير طبيعيه
هذا يقال له الزار
الوضع للان طبيعي بس حسيت ودي ارقص خخخخخخ
يجيني شعور ودي اربط الشيله في الوسط واخذ لي فره 360 درجه خخخخخخخخ
ومن غير ما اشعر الا وانا اتحرك مره قدام ومره ورى
بصراحه عليهم طبل يخليك ترافس مو ترقص خخخ
والفنان حقهم عليه صوت محمد عبده ماياكل معه عيش
فكرت اصور بصرحه ابي انزلها في المنتدى يوم فتحت الكاميرا ابي اصور
وهي يشر لي يقول لاتصور <بلعت العافيه لان شكله يخرع بغيت اطلع بس مسكني خويي كنت مخترع خخخخخخخخخخخ
وكنت حذر جدا ولا اسوي اي حركه خايف منهم لانه فيه اشكال بصراحه تقل جن
وكان فيه واحد بدا يرفس من قلب قلت هذا وش بلاه قال الزار
واخذوه وطلعوه ولا شفته <مشيناها قلنا عادي
قليل الا واحد جاي على خشته <قلنا هذي يبي لها تفكير الوضع مايخارج
اخرها واحد قدامي كان عاقل مافيه شي
وانا كنت جالس هو قدامي بالضبط الا وهو جاي على ظهره بين يدي نظرت فيه الا عيونه متقلبه وشكله يروووع <وبلعت العافيه بزود
وشالوه من عندي وابي اقوم وصابتني ام الركب خخخخخخخخخخخخخ
مستحي اقول لخويي ابي اسري وهو يبي يجلس واتصبر
وانا عيوني راحت تقل عيون بس مغير انظر يمين ويسار
قلت طيب لو يجيني الزار الحين وش اسوي شكلي ابي اكلها
المهم وكل شوي استغفر واذكر الله
اتوقع ان الجن كان في المكان هذا بكثره واتوقع انه متزاحمين يعني فوق بعض هههههههههه
وسلمنا هالمره لكن ابي ارسل واحد يصور مقاطع ابي اجيبها لكم لانه تشوف عالم غريب من جد
انتهت السالفه
هذا اتوقع مافيه شي مضحك لكن موقف مر علي وحبيت اقوله لكم
دمتمـ بود
تحيتي لكمـ
hgoJfJdJjJd ,dhadk hggrhti adkhhi >(s,hgt hov hggdg)>
LinkBack URL
About LinkBacks
الخـبـيـتـي وياشين اللقافه شينااه .(سوالف اخر الليل).
المشاركة الأصلية كتبت بواسطة سيد الظلام
08-Dec-2006,10:42 PM 
