يذكرني

[الحمره]

يذكرني

دعت سمرالجدايل وانتخت بالقذلة الهلة . تبي مني عروس للقصيد ازريت لاغويها

ويوم اني لقيت لها الخلود وجيت ابوصل له . تنحرك الكلام اللي فهقها دون مغليها

خضع لك راس مسبوق القصايد وانحنى كله . وانا بك شاعرالدنيا ومشغلها وماليها

يذكرني رحيلك مجلس باق على حله . مداهيل الرجال اللي تنومسنا مواطيها

هنا سليت سيف يوفي الثارين من سله . هنا علقت رمح يطعن الجوزا ويطفيها

هنا بينت مصحفك الكريم ودلنا دله . معك نبدا مواعيد الكلام وننتهي فيها

هنا ساقيت غصن من غلا كنا تحت ظله . نسولف بالغنا يا بايع الدنيا وشاريها

هنا كان الرجال جبال ما تقبل خنا الزلة .عمايمها سحاب وابله باقي مواضيها

رجال لو تشوف الماء غدر ما شربته لله . نبت عشب الرضا يا سيدي بأول مغازيها

هل التوحيد وكنوز العلوم ونصرة الملة . رجال يضحك التاريخ لولها وتاليها

هنا ماضيك ورياض الخليل اللي رعى خله . شربنا عذبها مدري لعبنا في مغانيها

هنا

هنا تخنقني العبرة وانا اكتب يا رسول الله .
على قبرك نسيت الناس حاقدها وحانيها

وابو قبر يتيه من الفخر بالبيد وتجله على حسد تبين من سمايمها وصاليها

ويهناك الوفا قبر يضمك في ثرا تله ما دامه بين فردوس الجنان وبين منشيها

وانا لا من ذكرت فراقك اللي في يدي غله . نسيت ان الليالي شيبتني من بلاويها

على بعد الزمان اللي يعقد الحبل ويحله . ليامني ذكرتك طاحت الدمعة وراعيها

سلام الله ما هز الصبا نسرينه و فله . على الطفل اليتيم اللي عطى الدنيا معانيها

---

d`;vkd

[اسـ الشوق ـير]

الله الله الله على الابيات الجميلة والله الحمره جد شاعرة والله مشكورة وتسلم يدج الحمره
اخوك اسير الشوق

[اسـ الشوق ـير]

والله
أحبك لو تحبي غيـري و تنسيني أحبك لو تغيبي عني و ماتذكريني

أحبك حتى لو لا سمح الله ماتبيني أحبك ومايهمني تبيني أو ماتبيني

أحبك وهذا أهم شي و يكفيني أحبك وغير كذا أبد مايرضينـي

أحبك اجرحي فيني وبكّينــي أحبك اجرحي فيني و سهـريني

أحبك اجرحي فيني و اذبحينـي أحبك اجرحي فيني و ارمينـي

أحبك مدري ليه ولا تسألينـي أحبك مدري ليه ولا تكلمينـي

أحبك مدري ليه تعالي فهمينـي أحبك مدري ليه تعالي علمينـي

أحبك مع انك بسهوله بعتينـي أحبك مع انك غدرتي و خدعتيني

أحبك مع انك ياما وياما لوعتيني أحبك مع انك ياما وياما كسرتيني

أحبك مع انك والله ما تستاهليني أحبك مع انك والله ما تستحقيني

أحبك وصعب أنساكِ سامحينـي أحبك وصعب أخليكِ تسيبينـي

أحبك ومتأكد من حبي اعذريني طبعي لوحبيت أحب بكل ما فيني

وأعشق كل الجروح اللي تجينـي وأرضى بعيوبك ياعساكِ تحبينـي

حتى لو تجرحي وتقتلي فيني حنيني مادام أنا أحبك هذا الشي يكفيني



اسـ الشوق ـير
مشكورة والله

[الحمره]

مشكور اخوي اسير يعطيك العافيه