شط شط تبي تفضفض لأني زهقت من عمرى. خذوني علي قد عقلي

[شيطونة مياسه]

هههههههههه احرجتيني ملاك اول مره انكسف

تدرين اني كنت ضايعه ما لقيت الي يقولي لا المهم

دخلت شفت ردك لخبطتيني بالمره .

ما قدرت اكتب ولا كلمه طلعت من سكات امممممممم

وعلي حكاية المسؤليه انا تحملت مسؤلية بيت كامل لمدة

سنه وما ابغي اعيد التجربه مرة ثانيه .

والكلام الي قلتيه كل فكرت فيه وزود يعني اشياء كثيره

خطرت علي بالي المهم ان شاء الله اليوم بقول لا

وحتي لو كان لقطه توني اذا بطلت اجلس علي رصيف

الجامعة انطر السواق وعرفت شيء عن الحريم اكثر

من المسكرة والروج هذيك الساعه يمكن اتزوج لأن

الفكرة كلها ماهي في بالي بس من كثر الزن الواحد مخه

يضرب عشان كذا كنت محتارة وياعمر شيطونه انتي

الله يريحك دنيا وأخره وشكرا من قلب بعد

شيطونتك شط شط

[شيطونة مياسه]

الي هنووووووود سلام خاص شرشر تحيكم

آآآآآآخ ياهند والله بغيت اموت وبعدين أخذت كلمتين علي قفايه

انتي عارفة ليه .

من ناحية الزواج كفكرة مو في بالي بس لمن يجيك واحد مخالفة

اشارة ما عليه والناس تزن وبعض الناس طاسين فاهمة حسيت

اني لحالي وكل ما اتصل علي وحدة اقولها الحكايه تقول وافقي

ومعد صرت عارفه الصح من الغلط .

المهم فكرت كثير وشفت انه راح اكون وحدة قليلة ادب لو تزوجت

واحد وعقلي وقلبي مع واحد يعني راح اكون خاينه وبعدين والله

ما اتريق انا ابغي واحد اكون واصله الين خصرو مو ركبته هههه

وعلي حكايه اهلي امس كلمت بابا وقال ما عنده ولا مشاكل وبعدين

نسيت اقول لملاك انا ماني الاميرة في البيت وقت ما تزيد شطانتي

بابا ياخذ جوالي او ما يخليني ادخل نت يعني اذا ما شفتوني اعرفوا

اني سويت طامه وبعدين انتي فهمتي الفكرة الي في اول الصفحة

غلط معليش كلامي مهو مرتب وبعدين انا ما ارتحت للناس هذولاك

واعتقد انه سبب مقنع بالنسبه ليه اني اقول لا وان شاء الله ما اندم

وبعدين الحرامي كلمني ومشي الحال وتونا ندرس واصلا ما جات

فكرة البيت والبزارين علي البال وبعدين الي قهرني جدة تقول زوجوها

عشان تصير بنت عاقلة اوووووووووف والله ما تبغين يجيني الضغط

شكلي بفتح سواليف. شكرا هنود ومعليش انا قريت ردودكم وطلعت

فكرت ما ادري يمكن كنت ابغي الي يقول بدالي لا .

شكرا يالبرنسيسة الشياطين هند >> لقبك الجديد

هنود تراك ريحتني بس هو تشقلب حاله وبعدين ما كنت ادرى

اني مفضوحة في المنتدي كذا .

[شيطونة مياسه]

قايد الريم لا تتشمت والله لا اضحك عليك بعدين .

والله لا اكتب التفاصيل مو تموت من الضحك الا تنفجر

الهمتني راح اكتب القصة حقيقة واحطها في الفرفشه

صدقيني احنا عيلة ابو نكته من ابو قرون اقصد من بابا

الين الدقمة <<اختها

شاكرين لكم حسن تعاونكم هههههههه اشوفك علي خير

[شيطونة مياسه]

غريب الداراخذت بنصيحتك شكرا يمكن لمن

اطول شوي اتزوج وبعدين اذا قفلت مرة زوجني

ولدك ههههههههههه

تحياتي لك شرشر

[شيطونة مياسه]

اهلين يالدب يالدبش يااااااا امممممممم

خلاص بأسكت .

من ناحية اذا هذا الحبيب يستاهل والله

انه أقرب من روحي وانه طيب وعسل .

وعمره ما جبرني علي شيء وحافظ علي

وهذا الي جنني فيه لو قلت لك احبه شيء

قليل ودي احطة جوة عيوني واقفل عليه

واخليه حصريا لشط شط .

لو بجيب نزار قباني ليسكت ولا يقدر يتكلم لأنه أمير بكل شيء

وبعدين انا افضل ام زوجي تلحق وراي بالساطور ولا يكون

شكلها مثل رئيسة المافيا وبحط اعلان عند باب بيتنا اذا

عندك بالجملة قرب هههههه وبكذا اريح وارتاح

شكرا لمرورك أخي الكريم ودمت لمياسه .

شيطونتك شر شر

[شيطونة مياسه]

هلا بالطش والرش وضحي وينك طسيتي

المهم يالغاليه ام الولد ما دخلت من بلعومي

ثاني شيء توقعت انها مثل اي حرمة كبيرة في

السن تخيلي لابسه اسود وبطلون رايحة مثل

حقون المافيا وبعدين انا عطيتها علي راسها

هههههه شكله انا اول وحدة ما تخاف منها

وبعدين استخرت لا تضحكين حلمت بولد خالتي

يا حليله يهبل .

وبعدين ما أظن انه بدرى صاحبتي تقول ترى البنت

تعنس في سن 25 المهم انا بسوي الي في راسي

ولا علي من أحد .

شكرا عشانك مريتي تراه ريحني

[بوح مجنون]

السلام عليكم
اختي الكريمة
انا لا ادعي معرفة بواطن الأمور
ولا ادعي علم الغيب
ولكن.
نصيحة اخ لك .
استخيري كثير
وان شاء الله ان ربي بيخليك تختاري الزواج

طبعا اذا كان الزوج مناسب

فيه كلمه قالتها (ملاك)
الى متى وانتي صغيرة


نصيحةلايضيع عمرك بين المنتديات والكتب بدون ادنى قيمة
قيمة كل انثى وكل رجل ايضا
بما يحسن صنعه لبيته


هذا والله اعلم

[شيطونة مياسه]

هلا اختي الغاليه زهرة

وشكرا لمرورك انتي لو تدرين كنت ابغي

بس واحد من المليون الي اعرفهم يقولي

لا توافقي بس ما حصلت بس انتي قلتيها

وريحتني الله يريحك .

اليوم اذا ما دقت انا ادق واقولها الله يعطيكم

ما عندنا الحين بنات لزواج مقفلين للاصلاح .

هههههههه وبس حبيبتي شكرا وتراك علي راسي

من فوق احتراماتي اختك شط شط

[شيطونة مياسه]

انا فاهمة بوح هذا الكلام بس تصرفات الأم

ما ريحتني اتوقعت اشوف وحدة متواضعة

وما كانت كذا ابدا

وبعدين هم اهل سفريات كثير وما اظن ان الوضع يناسبني

مع انه مناسب الناس الي حولي كلهم من كل المقايس

بس انا ماني مرتاحة للموضوع خصوصا انهم نطوا علينا

من السما ويقول المثل الصدمة في واحد تعرفة نص مصيبه

اما في واحد ما تعرفه هذة مصيبه يمكن لو كنه نعرفهم حتي

لو من بعيد كان احتمال ارضي

انت فاهم انا راح اتحمل المسؤليه كامله محد راح يتحملها

علي العموم شكرا استاذي لمرورك . بدون هبلات شط شط

والله شكرا .

[ضي الأمل]

الفكرة كلها ماهي في بالي بس من كثر الزن الواحد مخه

يضرب عشان كذا كنت محتارة وياعمر شيطونه انتي

الله يريحك دنيا وأخره وشكرا من قلب بعد

شيطونتك شط شط


الله يكتب لك الي فيه الخير