ويــن رايــح

**بَرَِآءَةْ دَمَعَتِي** · 24-Aug-2006,11:57 PM

رايــح

ويــن رايــح

يا خفوقي لا تناظر للفضا لا تحتريه
دامه اقفى يا خفوقي انت وش ترجي وراه
ادري انك يا خفوقي تعشقه وتموت فيه
وانا مثلك يعلم الله أعشقه واعشق ثراه
والله اني ما نسيته حتى انا ودي أجيه
لكن انت البور تدري ما ربح به من شراه
إنت تذكر يوم يقفي كيف كنا نرتجيه
وكيف كان الشوق عنده أصدقه كذب افتراه
وين رايح يا خفوقي وين رايح هيه هيه
وين رايح انت صادق منت لا صق في غراه
ادري انك عاشق ٍ له وادري انك مشتهيه
لكن الله في سماه ان رحت تبطي في حراه
راح له قلب ٍ عصاني مايبي صدري يبيه
يدفعه شوق ٍ سرابه يتبعه خوف اعتراه
أيه كيف اليوم قلبي ما يبيني إيه إيه
حتى انا ما عدت ابيه ولا أبي عيني تراه
عاد دامه جاك قلبي الله الله عذبيه
وعلميه ان الخطايا ما تماري في زراه
بلغيه اني نويته بالعذاب وفهميه
اني ابطي ما ذكرته كود لا غيري طراه
كلها أعضائي تشرٌه يوم راح وتزدريه
شوفي اصغر شي فيني خنصري كيف ازدراه
افرحي وارضي غرورك بنتصارك واذبحيه
اذبحي قلب ٍ ذليل ٍواكتسي ليل ٍ سراه

الشاعر فايز آل بذال

,dJJk vhdJJp

**ترانيم حرف** · 25-Aug-2006,05:02 PM

اخت لؤلؤة صغيرة

يا خفوقي لا تناظر للفضا لا تحتريه
دامه اقفى يا خفوقي انت وش ترجي وراه
ادري انك يا خفوقي تعشقه وتموت فيه
وانا مثلك يعلم الله أعشقه واعشق ثراه

صح لسان فايز آل بذال ولسلنك وسلم بنانك

قصيدة بمنتهى الروعة والجمال

سعدت وانا اقراءها واعيد قرائتها لما تحتوية من معاني جميلة

وما جسدت من روعة الحب وعزة النفس

ارق المنى

**اسـ الشوق ـير** · 26-Aug-2006,12:02 PM

لؤلؤة كلها أعضائي تشرٌه يوم راح وتزدريه
شوفي اصغر شي فيني خنصري كيف ازدراه
افرحي وارضي غرورك بنتصارك واذبحيه
اذبحي قلب ٍ ذليل ٍواكتسي ليل ٍ سراه
مشكور على الكلام الزين لؤلؤة الصغيرة وتسلم يدج
اخوك اسير الشوق

**بَرَِآءَةْ دَمَعَتِي** · 26-Aug-2006,12:24 PM

صح بدنك
الله يسلمك
الروعه مرورك اخوي
ومشكور اخوي واستاذي المثيبي على المرور

**بَرَِآءَةْ دَمَعَتِي** · 26-Aug-2006,12:27 PM

العفو
الله يسلمك
ومشكور اخوي اسير الشوق على المرور

**في خاطري** · 30-Aug-2006,01:01 PM

كلها أعضائي تشرٌه يوم راح وتزدريه
شوفي اصغر شي فيني خنصري كيف ازدراه
افرحي وارضي غرورك بنتصارك واذبحيه
اذبحي قلب ٍ ذليل ٍواكتسي ليل ٍ سراه

صح لسان من قالها

وسلمت يدك يالغالي اللي تنلف بحرير

ذوقك رفييع كالعاده

وننتظر جديدك باحر من الجمر

تحيتي لك