أبي أتزوج حـــجــــاااااااااااااازي لحد يناقشني ووجع

[الدكتوره]

حـــجــــاااااااااااااازي, يناقشني

ابي اتزوج حجاازي


لحد يناقشني !!


كيفي !!


خلاص هونت مابي لا رياضي ولا حايلي ولا حتى كندي


مسكت معاااي بالغلط ابي حجازي


وووه يا ملحهم لاجو يتكلمون

يا امي اشتهي شيشه

يا أمي انا طفشااااااااااااااااااان حبيبتي لها يومين ما دقت عليّا


وتجي الام : يا روح أمّك يا ولدي يا حبيبي أديني رقمها أكلمها أقولها شوفي أسعد لو يومين ماغمضت عينووو


انا مره قلت لامي يمه ابي احب ترى ما جتني البياله تمشي مليون وجاء عقبها وااابل من الشتااائم

ياقليلة الحياء ياللي فيتس ومافيتس مقصرين عليتس بشي هذاني كل يوم احظنتس وش تبين بحنان اكثر من تسذا ؟

قلت يمه تتمنين بهالحظنه !! ترى حتى انا اللي اجي اقولتس احظنيني والا والله لو عليتس كان اخر حظنه يوم اني بالمهاد !! بعدين يوم قلتلتس بحب عاد انا بروح احظنه !! هو يمه الله يهديتس بس الله لا يخزينا كان اعطيه ذاك المخمس اللي يخليه يشك ان اللي جنبه سكسوكه مملوحه << بالله هالاشكال فيه امل تحب !!!!

<<ماسكه معي بالغلط بعد ابي اصير سكسوكه





والا لاجاك حجازي معه ( البزوره حقتوو ) طالع بهم للملاهي عشان النفسيه حقتهم ما تخرب وتوشوش << خبركم حساسين ابو حجوز

يجيك البزر يا بابا اشتهي اكووول حاجه خفيفه قبل لا العب

يجي الابو يقول يا رووح بابا انتااا لو تبغى أديك عيوني انا كم فؤاد عندي

ويلعبهم ويضحك معاهم ويشيلهم ويطامر بهم مطامر في الملاهي وهو شاق الكشره

والا اذا شاف صديقووو القديم حقووو وكانت معه فوزيه مرااتو يجي يسلم على صديقوو ويقوله اعرفك هذي زوجتي فوزيه حبيبة قلبي وام أولادي ربي يخليها ليّاااا





والا احنا مره رحنا الملاهي مع ابوي ومتماسكين انا وياه شوي نلعب وشوي نضحك وشوي تاركين لهم الجو انا واخواني هو وامي الا يوم قاله اخوي واااااااااااااااااااااااء ابي اكل جوووعااان << ماعندنا حل وسط على طول شغل دمووع

يجي ابوي يقوله الا ياللي واللي تونا ماكلين انت وش بطنك ما تشبع وين تصدر الاكل اللي تاكله !! لابوكم لابو ابوكم خسرتووني
والا اذا جينا نمشي معه وشاف رجال من بعيد يعرفه يوم انه بالمتوسط تجيه حساسيه بجسمه ابعدووووووووو عني مابيه يعرفكم بسرعه بسرعه قبل لا يقزكم معي وتشوفونا نتنااحش عنه بسرررعه




والا اذا جاك حجازي هو وحرمته انوااع الجو الرومنسي بمطعم والا بأي مكان

تجي فوزيه تقول لأسعد

- يا أسعد يا مهجة قلبي

--- ايوه يا فوزيه يا نور عيني

- انا ماني متخيله حياتي بدونك انا احبوووك قد الدوونيا

--- ( الرجال ضاعت علومه) وانا احبك يا عمررري (( وجهه صااار احمر يا روح امّوه))



والا عندنا الرجال الرياضي بطبيعته الجافه لاجته حرمته بمكان عام قالتله

- خالد انا احبك (( وهي انواع الحياء ))

--- قااال وجعه توجع عدوتس قصري حستس لحد يسمعنا وفري هالكلام في بيتنا

- خالد ليش انت قاسي معاي ؟

--- ايه بدينا بالحنه والزنه اقول بس خلينا نقوووم نشوف العيال وش قاعدين يسوون في الملاهي




(((( وهكذا دوووواليك )))) << من قال اني سارقتها من احد <<<فضحتي عمرك ياخبله


الزبده


ممكن واحد حجازي وصلحووووو

---

Hfd Hj.,[ pJJJ[JJJJhhhhhhhhhhhhhh.d gp] dkhrakd ,,[u

[لـًٍذةٌ غـًٍرام]

ايوه ياروح امك

تبين وش ؟

اقوول مالك الا ولد عمك عمى يعميتس ويكسر رجليتس

هذا الي ناقص

هههههههههههههههههههههههههههههههههههههههههههه
هههههههههههههههههههههههههههههههههههههههههههه
هههههههههههههههههههههههههههههههههههههههههههههههه


بصراحه

والله فرق

بس احس ان واحد منهم ( دلخ ) و ( احول ) بس مدري اي واحد

< مو ناقص مشاكل مع اهل الغربيه هههههههههههههههههههههه


الا بقول لك

وش رايك تسوين مسلسل بعنوان ( البحث عن حجازي ) ههههههههههههه

مشكووره على المووضوع

وبصراحه يفططس ضحك

دمتي بود

لذة غرام

[جداويه عسل]

لذة غرام كاني سامعة حش فينا
عجبتني كلمة مهجة قلبي تجنن عارفة ذكرتيني بوجنات الرهبيني اللي تجي في طاش يناس لما تتكلم استمتع وانا اسمع كلامها بالحجازي

[الدكتوره]

لذة غرام منت بحجازي ليه داخل

انا هذي مالتس الا ولد عمتس معقدتني \

والله هو اللحين عندنا بالبيت

انااستاهل شماتتكم

المسلسل من بطولتك يا لذه

جداويه وين العريس

والا بس ماره كذا =مصفوقه على الزواج

[بوح مجنون]

الدكتورة الموقرة
اولا اهلا بك في منتداك
وتشرفت بالحديث اليك

طبعا يعني ما ادري وش اقول
موضوعك صح منقول بس مو ذا المهم
المهم ما حواه الموضوع
بالجد انا من اهل نجد ولكن خلونا نبعد شوي عن الضحك
احنا يا اهل نجد فينا شوية جلافة على الانثى
دائما صراخ وطلبات كاننا ملوك
لا واذا زوجتك معلمة الله يعين راتبها
لا واذا طلبت شيء من راتبها كانك معطيها الجنة


اهل الحجاز ارق مننا واحن على الانثى بصفة عامة
وكذلك اهل الشرقية
عموما كل من سكن الى جوار بحر كان ارق والطف



هذاني من نجد لكن الحقيقة ماتزعل


دكتورهوالله اهل الحجاز فيهم الخير بس لايكون طرش بحر
هههه


سعدت باالحديث اليك

[الدكتوره]

صحيح انكم مثل ما ذكرت اخي الفاضل =ماقدر على الادب

انا كنت اكتب هذا الكلام مزح بس مادامك قلبتها جد

فيني قهر منكم بطلعه

انا بنت من نجد بعد بس مو جافه

ماله دخل البحر في المو ضوع

تجلسون مع الوحده رافعين خشتكم

كاني ثقلتها

مشكور بوح مجنون على المرور

[جنات الخير]

بارك الله فيك

[ضي الأمل]

والله ياعزيزتي الي تبغى الاجر تتجوز سعودي من اي بقعو من البقاع الصحراوية ولا البحرية
كلهم الا من رحم الله
سواء قالوا ياورع ولا يابزورة الله يهديهم تقولوا الوحدة عندهم شغالة
ما تتسمعي الكلام الحلو الا في الخطوبة هادا ادا سمعتيه خلينا في جاري البحث احسن

[بوح مجنون]

السلام عليكم
هلا دكتوره
استاذتي .نقلبها جد ليش لا
انا صريح ويمكن صراحتي توصل احيانا لحد البجاحة
انا اعترف بجلافتنا اقصد معشر الرجال
بل اني اعترف باني يمكن ابشعهم تصرفا مع الانثى
برغم اعترافي بكل جميل من هذه الانثى
ولكن
انتي ايتها الانثى
يامن قال عنكم المصطفى (قوارير)
اي النعومة
والهدوء
والسكينة

ماذا صنعتي حتى تغيري من جلافتي (اتكلم بالعموم)
عندما اتي من العمل
منهك
تعبان
الف مشكلة ومشكلة صارت
وتعب

كيف يكون استقبالك لي


اقول نبي بصل نبي طماط
امي دقت تبين اروح لاختي ولدت
اسمع ابي اشتري فستان جديد في عزيمة باكر عند خويتي اللي صار لي عشر طعش سنة ماشفتها
واسمع تراني ماطبخت توني صاحية.



الدكتورة اتكلم بصراحة ؟
ارجو ان لاتفهمي اني ادافع عن الرجل
فقد قلت انا اسوأهم ولكن


اعتقد ان الانثى السعودية تعتبر ان المعاشرة الزوجية
هي معروفٌ تسديه على الزوج مره بالاسبوع
وعليه ان يعمل طوال نهاره وليلة
ويقدم لها كل كلمات الحب والطاعة مقابل ذلك




انا لا اتحدث عن تجربه اطلاقا
ولكن.
ماذا فعلت الانثى لتكسب الرجل
لتغير من ملامح شخصيته

نعم يعيش معها سنين ولكن
دون ان يتذوق طعم الراحة في بيته الا نادرا
عندما تغادر لزيارة اختها الوالد



سيدتي الدكتورة
بالعكس اثبتت دراسه علمية ان البحر يلطف النفوس اليك مايلي
مصر من اطرف الشعوب واخفهم دما
الكويت كذلك
اهل الشرقية
اهل الغربية

كلهم ليسوا بسريعي الغضب
بعسنا نحن النجديين
اذا جاء الماء حار
كبيناه على راس اللي جابه وقلنا حار
وان جاء بارد نثرنا بوجهه وقلنا بارد
وذا وسط قلنا ليس ما هو بارد



بينما اهل الغربية اذا جاهم الماء حار قال
ياروحي جايبه مويه دافيه عشان خايفه علي من اللوز
واذا بارد قال: الله يبرد على قلبك بالجنة
واذا وسط قال ذكرتني باروع وسط بكل النساء



يادكتورة لاتشكي لي ابكي لك

[لـًٍذةٌ غـًٍرام]

باك

والله انا حبايبي اهل الغربيه

ولا احد يفهمني غلط

بالنسبه للفلم والبطوله اسمحوا لي مرتبط ههههههههههههههههههه


ارجوا التنبيه

كلنا عيال ديره وحده ولا بينا فرق بس العادات تفرض نفسها


مشكوره على الموضووع

دمتي بود

لذة غرام