كلمتين . أبيك تسمعها

**بَرَِآءَةْ دَمَعَتِي** · 02-Jul-2006,11:55 PM

تسمعها, كلمتين

[grade="00008B FF6347 008000 4B0082"]كلمتين . أبيك تسمعها

أصبر علي منصدم روحـي بأجمّعهـا
أبطلق أبهام هـذا الغبـن مـن نابـي

أصبر علي باقـيٍ دمعـه بأودعهـا
من سجن عيني تروح وفدوة أحبابـي

لو كان عيب الرجال يهل مدمعهـا
لكن وشأقول عـزّ الدمـع لأهدابـي

حاولت أكابر بها لكن نـزل معهـا
مع الأسف من حسبته صفوة أصحابي

أسكت تراهـا كبيـره لا ترقعهـا
شف خنجر الغدر بيدك ويش سوّابـي

شف دمي اللي عليه وشوف موضعها
لله درّك منيشـن صـح لأعطـابـي

كنت أذخرك للسنين وسوء طالعهـا
وشلون قبل العدو خنجـرك يبدابـي

دع عنك روحي ودع عنّك مواجعها
يطيب هالجرح ولاّ عمـر مـا طابـي

في خاطري كلمتين أبيـك تسمعهـا
قبل أتوكّل علـى الله وأعلـن غيابـي

الروح هذي وطن خضـرٍ مرابعهـا
وأطهر من أنك تدوس برجلك ترابـي

ولو تغرب الشمس بعيوني لمطلعهـا
ما أفتح عقب طعنتك للخـوّه أبوابـي

المشكله مو سنيني كيـف أرجعهـا
المشكله كنت أحسبك صفوة أصحابي

الشاعر نواف التركي

[/grade]

;gljdk > Hfd; jsluih

**مشعل العنزي** · 03-Jul-2006,12:23 AM

لو كان عيب الرجال يهل مدمعهـا
لكن وشأقول عـزّ الدمـع لأهدابـي

يعطيك العاااااااافيه على الشعر

تسلم يمينك

تقبلي مروووووووري

اخوك دمعه قلم

**بَرَِآءَةْ دَمَعَتِي** · 03-Jul-2006,12:28 AM

الله يعافيك
الله يسلمك
ومشكور اخوي مشعل على المرور

**في خاطري** · 03-Jul-2006,06:36 AM

في خاطري كلمتين أبيـك تسمعهـا
قبل أتوكّل علـى الله وأعلـن غيابـي

الروح هذي وطن خضـرٍ مرابعهـا
وأطهر من أنك تدوس برجلك ترابـي

لولوه الصغيره

ياله من ابدااااع نسجتيه هنا

هذه عادتك مبدعه

انتهت جميع احرفي وكلماتي

لا اعرف ماذا اقول لك

تحياتي لك يالابداع

**همسة وفاء** · 03-Jul-2006,07:01 AM

الله عليك ياملكه الابداع والذوق والاحساس الجميل

سلمتي على مانسجتيه من خيوط طرزت صفحات منتدانا الرائع

مشكورة لولوة وننتظر جديدك

**ماضي** · 03-Jul-2006,07:13 AM

قلتي.

المشكله مو سنيني كيـف أرجعهـا
المشكله كنت أحسبك صفوة أصحابي

وأقول.

ياكثرها سنين راحت ومارجعت.
ياقل الأحباب لاركضنا ننخاهم.

لولوة الصغيرة
سلمتي ياغالية.