أول أقول المـوت فينـي ولافيـك.

[ولد ال رحمه]

أول, أقول, فينـي, ولافيـك

أول أقول المـوت فينـي ولافيـك
واليوم جعل الموت ياخـذ حياتـك

دامك تبيع انسان بالكون شاريـك
موتك ولاتوهـم لغيـري صفاتـك

فيني مشاعر كل ماانساك تطريـك
تلعن وفاهـا يـوم لاقـت رداتـك

وقف دقايق واذكر اللـي يواسيـك
جفف دموعك قبل تاصـل شفاتـك

تذكر تجيني تبكي الظلـم وابكيـك
واشيل جرحك "اجبرتنـي غلاتـك"

وإن غبت عني كل مابـي يناديـك
حطمت حلمي ورحت ألبي امنياتـك

ادري الجمال وسود الأهداب كاسيك
لكن حسافه عكس وصفك خفاتك

ياما رجيتك ودمع عينـي يحاكيـك
طاوعت نفسك وكلمتي اليوم جاتك

مابيك انـا بدنيـاي والله مابيـك
رح ياعساك بجرح ينزف شقاتـك

واول أقول الموت فينـي ولافيـك
واليوم فرحي " ينولد في وفاتـك "

---

H,g Hr,g hglJ,j tdkJd ,ghtdJ;>

[الحايره]

واول أقول الموت فينـي ولافيـك
واليوم فرحي " ينولد في وفاتـك "








تسلم أخوي على النزف الأكثر من رائع


تحياتي

[بَرَِآءَةْ دَمَعَتِي]

أول أقول المـوت فينـي ولافيـك
واليوم جعل الموت ياخـذ حياتـك

صح لسانك اخوي ولد بلادي ولد ال رحمه على كلمات حزينه
وتسلم يدك

[~عشق~]

وفــــــــاتــــــــك

صــــــح لــســـــــــانـــك الشيخ

قصيده ابدااااااااع مثل العاده

تطل علينا بقصيدك الرااااائع

[ولد ال رحمه]

مشكورين على المرور والله يعطيكم الصحه والعافيه

[عشق بدوي]

السلام عليكم ورحمة الله وبركاته

مشاك الله بالخير اخووي

شلونك اشنالله بخير < الله يجعله

بيض الله وجهك اخووي على ما قدمته من كلمات رائعه وابيات جزله

تسلم يمناك يالذيب

ةلا تحرمنا من جديدك

لاهنت يالقرم

[ولد ال رحمه]

مشكور اخوي عشق بدوي على مرورك