الدكتـور, الرياض, الصرقعـه, ادخلــــومحاضـره, تركي
اقول شفتك وانت تبى تشوف الموضوع من الماوس
ادخل بالطيب لا اطلع لك
8
8
8
السلام عليكم
في البدايه حبيت اشكر شركة الالبان السعوديه (الصافي) وشاي لبتون وحفاظات بامبرز لراعيتهم هذه المحااضره .
بسم الله الرحمن الرحيم
الي بيقاطعني بتفاهم معه بعد المحاضره.
طق طق طق طق معليش قاعد اجرب المقرفون اقول زييين الصوت تسمعوني زين
زين يعني المهم اسمعوني يا اعضاء اليوم راح نقدم محاضرة عن الصرقعه وطرق التصرقع وقبل ما ندخل في صلب الموضوع
احب اوضح كلمة (صرقعه) لبعض الاخوات اللي قاعده فاتحه كشرتها كنها كشرة عنز فوق بدي ددسن
الصررقعه :
وهي كلمة اغريقية اخذت من الكتب الرومانية وتداولتها الحضارات حتى وصلت إلى العالم الخليجي
الذي تداولها الشارع وبالاخص عند الطبقة السفلية من المجتمع
وهذه الكلمة يقدرها الناس اللي بايعه مخها واللي لو تفتح مخها ما تلاقي مخ راح تلاقي لطخة مايونيز مكان المخ
وهذا تعريف كلمة الصرررقعه إذا ندخل في صلب المحاضرة مع اني ادري اني قاعد انفخ في قربة مشقوقه
هذا ان كان فيه قربة من الاساس
بالله يا جماعة اقعدوو الله ياحييكم واقفين كذا لييش كنكم سكيرتي في فندق
وبعدين انت يا اللي هناك وخر عن المكيف ترى بدينا ننزف عرق الله يخلييك وهذا غير ان الهوى يجيب ريحة اباطك
لأن بصراحه بديت ادمع من قوة الريحه فـ قدر لو سمحت ( هذا الشخص اتضح سابقاً انه عضو بمنتدى مياســــــه )
والصحافة تكفون اقعدووو ما نبي تصوير هالحين تراكم عميتونا بالهفلاش يا مرسي انت ومصطفى
اقعدوو طالعين كنكم طقم اقلام واحد سايل والثاني ناشف لا وبعد واقفين جمب بعض
بـــدايـــــة المحاضـــــرة
اعزائي الاعضاء بسمي وبأسم ادارة منتديات مياسه احب اشكر وزارة الداخليه على تيسير امور هذه المحاضرة
من وضع رجال الامن على الابواب ورجال مكافحة الشغب في القاعة اللي احس ان عددهم اكثر من الاعضاء اللي معنا
اخواني اخواتي مره ثانيه لحد يقاطعني يعني الي بايع عمره يقاطعني
أول ســــؤال يتبادر للذهن ؟
كيف تصبح مصرررقع . وفاصخ عقلك عند باب المصرقعين ؟
أول شي كل واحد فينا عايش في الحياة
وطبعا تمر علينا مواقف وحركات غبية يشيب لها الراس وتجيب صلع وتساقط في شعر الحواجب
المواقف هذي كل واحد فينا يجي يجسدها في قسم الفرفشه وهذا الشخص يحصل على التميز
ويصبح له منصب كبير بعد عدة مواضيع عشان كذا نطالب بكل شخص انه يعطينا قريحة افكارة يعني خلااصة مخه
ما نبي شغل الخمبقة (انتم تعرفوناا ماايحتاج اوضح) كأن حنا قاعدين في حصة رسم
الان نستقبل للاسئلة :
طبعا انا قدامي عدة اسألة من الاعضاء وراح القيها لكم ونجاوب عليها قدامكم
السؤال الاول : من المرسلة (ق. ب. ح. 985)
طبعا هذا موو اسم هذي لوحة سيارة سعوديه
تقول :
انا لي زوج يضربني ويمنع عن اولادي المصروف ويخليني انام في المطبخ جمب سطوانة الغاز
شفلي حل يا ترركي الرياااض ؟
وش هذا يا معد المحااضره وش هالاسئلة الله يخليك جايب لي اسئلة برنامج مشاكل الاسبوع
وبعدين هذي اسئلة اجوبتها في منتدى عالم المرأة والاسرة مو اهنيييييه
أحم احم معليش يا اعضاء لا تطيرون عيونكم كنكم تكشوون حمام هذي غلطة مطبعية
وتم السيطرة عليها
نروح للسؤال الثاني :
السؤال من المرسلة العضوة (هنــ الوفاـــد )
أول شي الله يسلمك
وثاني شي السؤال يقول : اخوي االددكتور تركي انا انسانه اواجه مضايقات من شباب المنتدى كل ما نزلت موضوع الاقي كل ردوده شباب
لدرجة ان الردود توصل لخمسين رد ابي حل الله يخليك يخلصني من الشباب
جواب السؤال :
شوفي يا اخت (هند الوفاء) وترى القابلة عندنا عشااا شوفي الشباب ظاهرة غير صحية في المنتديات
( ادري انك قااعده تقولين انت واحد منهم ودايم ارد عليك عندي خبر بس وش اسوي احد قالك نزلي مووضوع )
احب اقولك يا اختي احمدي ربك ان فيه احد يرد عليك موو مثلنا ننزل مواضيع كثر التراب
وبعض الاحيان ننزل مع الموضوع ومع ذلك ما توصل الردود إلى عشرة لاوبعد ولو تقرينها تلاقين اثنين مستلمين ام الموضوع
ومشلوطينه ان كانو بنات قامو يتكلمون عن الطبخ والاكل وان كانو شباب قامو يتكلمون عن التقحيط ووين بيكون الاستعراض الجاي ومتى يلعب برشلوونه
عشان كذا سيتم إلغاء اي موضوع يكون فيه لخبطه أو يخرج عن صلب الموضوع
ـ
سؤال ثالث :
من الاخ العضو ( صقر البوادي ) من دولة السودان بالتحديد من القاهرة
بالتحديد ساكن في شقة على شارعين واحد فرعي والثاني رئيسي ملاحظة الشقه للبيع
يقول :
انا اواجه صعوبة في فهم لغتكم بين قوسين ( يقصد لهجتنا الخليجية المصرية اللبنانية المغربية ) ويتمنى ان الاعضاء يظبطوون كلامهم
او يحاولون يحطون تحت مواضيعهم توضح معاني الكلمات يعني بعد الموضوع يحط خط وبعدين يفسر كلامه
يا اخ (صقر البوادي ) احب اقولك ان وجهة نظرك وصلت للاعضاء وانشاء الله راح نكلمهم
وراح يوقفون معنا الاداره وخلك على اتصال معنا دايم
على كم وصل السووم على شقتك
السؤال الرابع من الاخت ( مووون )
تقول :
يا اخو تركي مواضيع منتداكم طويلة وانا بصراحه عشان اقرى موضوع لازم اشتري اشتراك ( شهر مفتوح ) واقعد اقرى وبعض الاحيان ينقطع الاشتراك علي والموضوع ما خلص ( مثل موضوعك هذا )
فا اتمنى انك تخلي الاعضاء لا يكثرون البربره والسوالف ويدخلون في صلب الموضوع
يا اخت مووون الظاهر انك ما قد سمعتي اختراع اسمه افصلي النت قبل ما تقرين
على العموم انتي افصلي النت واقعدي اقري الموضوع الين تحسين ان شعر رجولك طلع
وبعدها أشبكي وردي
معليش يا شباب ويا شابات وقت المحاظرة انتهى تعرفون ما خذين القاعة لمدة ساعتين
وحنا هالحين طبقنا الساعتين ونص والقطة بيني وبينكم تشكي فـ شكلنا بنرتب القاعة ونغسل فرشتها
مقابل هالنص ساعة الزيادة ههههههههههههههههههههههههههههههههههههههه
لكن اللي عنده سؤال وإلا شي اتمنى انه يقوله في الردود ونشاء الله راح نفي بالاجابة وسلامتكم
كان معكم
الدكتور تركي الرياض 
l l l l l l l l lJJJdhsi h]ogJJJJ,((lphqJvi uk hgwvruJi lk hg];jJ,v jv;d hgvdhq ))
LinkBack URL
About LinkBacks
م م م م م م م م مـــياسه ادخلــــو((محاضـره عن الصرقعـه من الدكتـور تركي الرياض ))
