نغمة الموت

[بَرَِآءَةْ دَمَعَتِي]

نعمة

نغمة الموت





هيضني الغربي مع هبّة الصوت
واذهبت نسناس الغلا في كلامك


صار الهوى ( بحّه ), مع صوتك ايفوت
لفوادي اللي محتفظ في مقامك


ذكرني الغربي , بخنجر وتابوت
وحلومي اللي زارتك في منامك


( والورده الحمرا وخاتم وياقوت )
واول تباريح السهر في هيامك


يوم انتبه سمعي , على نغمة الموت
في ضحكتك , في همستك , في سلامك


اسمع حروفك سيرت داخلي ( بوت )
يبحر مع دمّي , ويتبع نظامك


واقلّب اضلوعي , على صفحة النوت
ابا اعزف الحانك , ولا القى مقامك


ضلعٍ عزف ( دو ) ( ري ) وسمعتها دووت
وآخر عزف ( مي ) ( فا ) لجلك وضامك


الله عليك ابداع , ياسحر هاروت
من لهفة اشواقك , لحد انتقامك


عطرك وسحرك , والبلا بحّة الصوت
( جمرك ) , و ( توتك ), مشيتك , وانسجامك


الا على فكره !! , على طاري التوت
باقي الشفايف تنجرح من صيامك ؟


باقي جمالك والحلا باني ابيوت
في دولتك ماتحتملها عظامك ؟


وباقي تطيح لهيبتك عقل وابشوت ؟
وباقي المرايه تنحني لاحترامك ؟


ادري على خبري ولازلتي القوت
لضلوعي اللي جوعها من سهامك


أموت بك , واحيا معك , وارجع آموت
في غيبتك , واحيا بعد بابتسامك


باقي على عهدي , ولو فاتني الفوت
ومعاهدك بالله , لاخلّد غرامك


واتنفسك معنى , واغازلك ببيوت
دام اكسجيني زفرتك في نسامك


ودام الهوى صاير , مع بحتك صوت
والله لاتنفس غلا , من كلامك


ودام الحكايه , كلها موت في موت
لارحمني ربي , لو ارخص مقامك



الشاعر جميل بن زريع

---

kylm hgl,j

[إحْسَـ انسانَه ـآسْ]

باقي جمالك والحلا باني ابيوت
في دولتك ماتحتملها عظامك ؟


وباقي تطيح لهيبتك عقل وابشوت ؟
وباقي المرايه تنحني لاحترامك ؟


الله الله

آبيات في قمة الروعه دون مبالغه

إختيآر جميل منك غاليتي لولوهـ لاعدمنآ تألقك

وذآئقتك الرقيقه سلمتِ ولآهان

كآتب القصيده دمتِ بود

[ღღ ـآلـمّـحَـبُـوووبْ ღღ]

[بَرَِآءَةْ دَمَعَتِي]

مشكورة اختي احساس انسانة على المرور

[بَرَِآءَةْ دَمَعَتِي]

مشكور اخوي المحبوب على المرور

[اطياااب]

لؤلؤة كلاماات ولا ارووع سلمت يداااك ونقلة تدل على ذووقك الرفيع


تحيااتي لك . اختك اطيااب

[بَرَِآءَةْ دَمَعَتِي]

مشكورة اختي اطياب على المرور

[شاطر]

لؤلؤة صغيرة حق اجدتي في الاختيار الموفق

قصيدة ولا اروع منها الا جمال حرفك ولطيف عبارتك

الى الامام

[بَرَِآءَةْ دَمَعَتِي]

مشكور اخوي شاطر على المرور

[الهاجس الحب]

الله يعطيك العافيه على الكلمات الجميله

والمعبره بنفس الوقت

لاعدمنا هالابداعلا

وبانتظار جديدك دوما

الف شكر لك