حنا جبلنا للصعيبات عتبان

[طلال العتيبي]

جبلنا, حنا, عتبان

للطيبـة هيـبـة وللـعـز تيـجـان
وللشعـر روادٌ وللقـول مضـمـون
والادمي قبـل الشعـر قلـب ولسـان
ما يرفعه شعـره معـا مـن يغنـون
ما قيل إبـة رجـلٌ تمرجـل بقيفـان
حتى ولو يشهـره ينقـال مـا لـون
لو القصيـد يغيـر أحـوال الانسـان
ما كان بالشعـار صاحـى ومجنـون
ولـو الرجولـة بالقـوافـى والاوزان
كـان العـذارا للرجـولـة ينـالـون
سبحان ربٌ معتلـى فـوق سبحـان
قـد قـال بـأن الاغلبيـة يهيمـون
ملا رحمـه الـرب لاشـك خسـران
هذا الصحيح وقولـوا اللـى تقولـون
يارب تجعل لى عـن النـار مزبـان
يامخرجٌ من ظلمـة البحـر ذا النـون
هذا ونـور الصبـح لـلان مـا بـان
وأصبحت ويا الليل عاشـق ومفتـون
الليل فى عتمـة ظلامـه ليـا حـان
سجة فكر للى من الوقـت مشحـون
أرتاح عن صخب المدينـة والاشجـان
وانادم النجمـات عـن كـل مكنـون
وأشيل جزل القـاف وأجـر الالحـان
وأقطف ثمر ما لاق من كـل مـوزون
على مدار الفكـر فـى كـل الالـوان
أطلقت لى فكرٌ مـن العـام مسجـون
حنـا جبلنـا للصعيـبـات عتـبـان
رجالنـا يسـوا مـن القـوم مليـون
لاعلى الشموخ إلنا مهابـة وعنـون
بالسيف سطرناة مـن خلقـت الكـون
قبيلـة فـى فعلهـا يفخـر الــزان
تشهد بها العـدوان وبليـس ملعـون
عتبان ناصل فـى هـوازن وعدنـان
وحنا خوال المصطفى خيـر مأمـون
نرعى الخطر فى شف حلوات الالبـان
تأمـن بأسامينـا وحنـا لهـا عـون
يانجد ياكم طاح بـك روس شجعـان
اللـى بصكـات الحرايـب يهـلـون
ياكثر ما ضـم الثـرا فيـك شيخـان
وكم راس قرمٌ فى صحاريـك مدفـون
خلى عشا للسبـع والذيـب سرحـان
مضيافهـم بأفعالنـا كــل دنــدون
يا نجـد مـا جينـاك للـدار ضيفـان
ولا تزعمـنـا بـأتـوات وفـنـون
جينـاك بسيـوفٌ تعـزوى بفرسـان
اللى علـى حبـك لـلارواح يهـدون
قبايـلٌ تسكنـك مـاهـم بـرديـان
لكنهـم بالمعركـة مـن ينـاحـون
تنزحوا من عقـب روغـات الاذهـان
من فعـل هنـديٌ للارقـاب مسنـون
ورفرف علم عتّاب فى كـل الاركـان
وزاحت قبايل نجد عن نجـد بضعـون
فعايلٌ يشهـد بهـا الانـس والجـان
وعيبٌ على هرجٌ بـلا فعـل مقـرون
ويشهد بها نجد المسمـى والاوطـان
وأهـل البصايـر بالتواريـخ يقـرون
هذا الصحيح محكحـك بكـل ميـزان
وهرجٌ بليـا ثبّـت لا طعـم لا لـون
وتبقى القبايل شامخـه دون نقصـان
ومدحى لربعى ما ينقص من الشـون
أبفتخر وأنثـر مـن القـول ريحـان
ومن لامنى يعيـش ويمـوت مغبـون
مانـى نديـم لكـل غـاوى وجبـان
اللى علاقتهـم كمـا سيـر مدهـون
علاقـةٌ مـا تنتـوثـق بسيـسـان
تصبح كما جمرٌ علـى راس غليـون
أهل الرخـا لـو تعتلـى كـل ميـدان
غسلتهم عن طرقتى غسـل صابـون
أنـا نديـمـى لـلـوازم كحـيـلان
راسٌ ما يقبل منـزل الـذل والهـون
فى لازمة أسوق لـه غـال الاثمـان
وفى لازمى يصبح لى حصون وحصون
له بالغلا فى داخـل الصـدر صيـوان
وانا أدرى إنى داخل القلـب مصيـون
قريـب وألا بعيـد فالامـر سـيـان
ما عنه تصديـدٌ ولا عنـه مرهـون
ياليل فـى داجيـك للشعـر مسكـان
حيث الهدو فى عالمـك دوم مسكـون
أرعاك لوحـة تنتظـر رسـم فنـان
وأرسم على خدك هواجيس وشجـون
وألبسك مـن فاخـر الشعـر تيجـان
فيها من الهوجاس للفكـر مضمـون


وسلامتكم

---

pkh [fgkh ggwudfhj ujfhk

[جرحـ الزمنـ]

حنـا جبلنـا للصعيـبـات عتـبـان
رجالنـا يسـوا مـن القـوم مليـون
لاعلى الشموخ إلنا مهابـة وعنـون
بالسيف سطرناة مـن خلقـت الكـون
قبيلـة فـى فعلهـا يفخـر الــزان
تشهد بها العـدوان وبليـس ملعـون
عتبان ناصل فـى هـوازن وعدنـان
وحنا خوال المصطفى خيـر مأمـون

والله والنعم فيك وفيك قبيلتك عتيبه ما يحتاج لها تعريف نار على علم

صح لسانك اخوي طلال ولاهنت والله يعطيك العافيه

اخوك عاشق الزين

[طلال العتيبي]

يسلمووووووووووووو على مرورك عاشق



صح بدنك يالغالي ولا انت والله يعافيك



هلابك ياعاشق


تحياتي لك

[المحـ غريق ـبة]

أرتاح عن صخب المدينـة والاشجـان
وانادم النجمـات عـن كـل مكنـون

صح لسانك


تقبل مروري

[طلال العتيبي]

يسلمووووووووو على مرورك اخوي ارشيف



صح بدنك يالغالي



تحياتي لك