LinkBack URL
About LinkBacks
رواية ورم الحب –
الجزء 2
طقس المصنع بارد والمكان من من خطوة قدم حكة جليد ,, الصورة
دائرية على فوضى المصنع
( الورود الصناعية الملونة + قزاز مرتب + عواميد بيضاء + اّلات متنوعة )
انفتح الباب ودخل شاب واتجه والمسافة طويله بين الباب وغرفته
ودخلها وفسخ جاكيته ولبس بالطو العمل ( بالطو الدكتور ) ,, طلع
واتجه لمصدر شغله ( تقصيص القزاز )
المحل الي هم فيه تصميم ديكور للاحتفالات والمعارض ( ليس للزواج )
دخلت بنت وشافت من بعيد رعد : صباح الخير .
رعد رفع راسه : صباح النور ,, كيفك ؟
سماء : منيحه ,, كيف الطقس معك ؟
رعد : بياخذ العقل وخاصة المطر .
سماء : المديرة حظرت ؟
رعد : لا .
سماء : خليني اغير وابدء الشغل
( شغل سماء تزيين الاقمشة )
رعد : خلصتي القماش الازرق ؟
سماء وهي بتدخل : لا .
دخلت نهى وهي متوترة : صباح الشباب .
رعد : اهلين .
نهى : رعد شبوه ربيع ؟
رعد : خير ؟
نهى : شفتوه من بعيد المصنع ولما اقتربت حسيت انوه مبدوه يشوفني .
رعد : خليني اشوف .
وترك شغله .
طلع واتجه لموقعه الي مرة بعيد ولمس كتفه : ربيع .
ربيع : نعم .
رعد : بك شي ؟
ربيع : لا .
رعد : اذا من شان مرتك روح عالمرشد بيساعدك .
ربيع قام : مبعرف ليش مرتي بتعاملني وكأني شحاذ !!!!!؟ بلبيلها كل الطلبات
بس دوم شايله عليي ,, بعطيها كل الي بتحبوه بس
رعد : انت ليش مبتطلقها ؟
ربيع : يمكن تتوازن معي ,, يمكن تخاف من معاملتها معي وبتندم ,, بس المشكله مبتحس
بألمي .
رعد : بصراحة انت الي زودتها ,, المفروض تعلمها ان كل شي لوه حدود .
ربيع : كيف ؟
رعد : متلا ترفع صوتك عليها ,, ابتخلي قرارك الاول والاخير واذا عارضت بتترك
البيت اسبوع من شان تتأدب ,, كمان
ربيع : رعد ,, انا مبعرفك قاسي !!!!!!! ليش هالمعامله
رعد : مو بدك تتأدب ؟
ربيع : امبلا بس مو معناته احوّل حياتها لمأساة ,, هيك انا ماستفدت ,, وبالنهاية هي
الي مبدها تعيش معي .
رعد : وانت شو عجبك فيها ها !!!!؟
ربيع : مبعرف ,, حسيت حالي منجذب لروحها .
رعد : مبعرف شو بحكيلك بس خلينا ندخل لان المطر ابتدء يكتر .
ربيع : مبدي ,, بدي اعيش لحظة الحلم مع المطر .
رعد : وشغلك
ربيع : رعد ممكن تكمل شغلي ؟
رعد : حاظر .
===========
مرت من عند الصالة وشافت زوجها رفعت : حبيبي ,, ليش مرحت عالشغل ؟
رفعت : وليش بتسئلي ؟
حنين : هيك .
رفعت : اي لاتتداخلي بشي ميخصك فهمتي ؟
حنين : طيب ,,, حبيبي ليش مبتروح عن حالك قدام المطر لك المنظر بيجننك
كتير .
رفعت : بشوف المنظر الحلو امتى مبدي ,, وبدون مشاورات من حدى !!!!!!
حنين : ايه امتى مبدك شوف ,, باي .
رفعت : وامتى حترجعي ؟
حنين : كالعاده 9 المسى .
رفعت : لاتتأخري واذا تأخرتي تأخري بس للمصنع .
حنين : حاظر حبيبي ,, بدك هديه ؟
رفعت كمل شوفة التلفزيون وكأنه تعمد انه ميسمع جملتها الاخيرة .
حنين سكتت وطلعت .
دخلت المصنع وشافت الشلة متكامله : صباح الخير .
سمير متسلق عامود : صباح النور .
حنين : الشباب اجو ؟
سمير : اي يله عالشغل .
حنين : اليوم يوم الفرح وانشالله كل ايام الشلة فرح .
سمير : امين .
اتجهت وهي بعيده عن الصورة لموقع شغلها ( صناعة الاكسسوار )
وقفت وشافت بنت بعيده عنها جنبها وحده تعلمها .
حنين اتجهت لها : اهلين .
لين : اهلا وسهلا ,, متعرفنا ؟
حنين : معك حنين ,, والبنت مجوزة .
اقتربت الصورة لوجه لين
" انت الي جوزك معذبك ؟"
حنين : متعرفنا ؟
لين : معك لين .
حنين : وش توضفتي ؟
لين : تنسيق الورد .
حنين : حلو ,, الله يوفقك .
لين : امين ,,, وين الصبايا ؟
حنين : انا ماشفت غير نهى والصبايا بيتأخروا بس تأخرهون مقنع .
===========
الدكتور عدنان : والله مبعرف شو بحكيلك ,, بس انت شو الي جابك
عندي المفروض تروح لأي حدى قريب من عيلتكون .
ربيع : انت العاقل وبتفهم مشكلتي ,, لكن العايلة بيحولوني على مرتي ,,
ومرتي حتبتدي تخرب حياتنا ,, وبتبدي المشاكل ,, وممكن انت حتحول حياتي
لنعيم .
الدكتور عدنان : ممكن اذا انت ساعدتني .
ربيع : كيف ؟
الدكتور عدنان : ربيع ,, هلا الرجال كيف بيكون رجال ؟
ربيع : بمواقفوه ,,, بهدوءوه في حل المشاكل .
الدكتور عدنان : وانت شلون بتسكت مرتك ؟
ربيع : دايما بتقول ليش تتأخر وانا مو مظطر اقولها السبب ,,, بس هيك بفقد حس الاستقرار
وبفقد الحنان منها .
الدكتور عدنان : بفهم قلبك شو بيريد بس واجبك انك تقول السبب .
ربيع : كيف ؟
الدكتور عدنان : انت خنتها ؟
ربيع خاف : لا .
الدكتور عدنان : لكان اقولها الحقيقة .
ربيع : وكل مرة ؟
الدكتور عدنان : وشو بتخسر بالنهاية نيتك صافيه .
ربيع : بس هيك بكون خاروف عند مرتي ,, وانا مبدي اكون خاروف انا بدي
اكون الحامي وصاحب الاستشارة اذا تعرضت لموقف صعب .
الدكتور عدنان : ربيع ,, انت بتكون رجال ومبتخاف من اي شي لما بتحكي
الصدق .
ربيع : يعني بحكي الصدق بكل مرة ؟ بيكفيني إلي .
الدكتور عدنان : مبيكفيك لوحدوه ,, مع كل كلمة صدق بتطلع منك بتسكت
مرتك في كل مرة ,, وبإذن الله بتثق فيك .
ربيع : هيك رايك ؟
الدكتور عدنان : ايه .
( كانوا يتحاوروا بمطعم مفتوح )
============
رعد : الله يوفقك نهى ,, بدي ماي .
نهى : حاظر .
واختفت .
حنين : المديرة داومت اليوم ؟
لين : ايه ,, شفتها قبل شوي .
حنين : ايه ,,, محكيتيلي عن رفيقتك الجديده .
لين : بصراحة ,, بنت كوووووول ,, لما بتسمعيها بتحسي
حالك بسن الشباب .
رعد : يعني نحنا عجز ؟
لين : لا ,,, بس بتحس حالك رشيق .
حنين : المهم ,, شورايكون نعمل حفلة من شان الرفيقة الجديده ؟
رعد : الله يوفقك خلينا بالشغل لانوه الاهم .
============
مشت عالرصيف وطالعت فوق وشافت محل لونه ابيض وجواته
كتابه بالازرق ( الخط الرسمي )
( عيادة الدكتورة نهال النفسية )
توقفت نفسيا وبعدها اختفت عن الصورة .
الدكتورة نهال : ومن امتى بيعمل معك هالمعاملة ؟
حنين : من بعد متجوزنا بشهر .
الدكتورة نهال : حنين انتي بتتعرضي من مشكله الشك من الطرف
الاخر ,, وهالشك ممكن ياثر فيكي نفسيا .
حنين : انصحيني
الدكتورة نهال : لك خيارين ,,, الاول مابنصحك فيه لانوه مبتعرفي
شوالي بتخبيلك الايام ,, والتاني بنصحك كتير وممكن بترجع العلاقة
بينوه سمنه على عسل .
حنين : طيب شو هوي
الدكتورة نهال : الخيار الاول انك تعملي خلع ,, انتي بترتاحي نفسيا
بس المشكله نفسيتك كيف بتكون بعدها ,, حتقولي مرتاحة بس انا بشوف
شي انتي مبتشوفيه .
حنين : كيف ؟
الدكتورة نهال : انتي مارح تتأمني على الايام والجواب ببساطة مبتعلمي
الغيب ,, مبتعرفي شو الي بيصير فيكي من بعد جوزك ,, لكن الخيار التاني
بنصحك فيه وانا من نظري يريت لو صبايا لبنان يطبقوه .
حنين : شو ؟
الدكتورة نهال : الخيار التاني انك تتكلمي على كل سؤال بيسئلك فيه جوزك
بجواب بيحتوي على الصدق والنية الصافيه ,, على كل سؤال بيوجهك ألك
وبالاخص ,, الاسئلة الحساسه .
حنين : وبكل مرة ؟
الدكتورة نهال : ايه لانك بالنهاية انتي الي بتنجحي كزوجة وبتنجحي كأمرأه
لبنانيه ,, وبتنجحي كشخصية عربية ,, وكمان حتنجحي كبشر اسلامي ,,
وكمان حتنجحي وهوي الاهم ,, الراحة النفسية .
حنين : بس بيكفيني إلي الصدق .
الدكتورة نهال : مو بس بيكفيكي ,, بيكفي لشريك الحياة وكفاية انك تبني بإلبوه
عمارة الثقة .
حنين : يعني بدك اكون صادقه معوه ؟
الدكتورة نهال : طبعا ,, احلى حل لكثرة الاسئلة الي المفروض مو من حياتنا
هي الصدق .
حنين : وشو بيصير ؟
الدكتورة نهال : انا مبعلم الغيب بس بإذن الله بتكون حياتك مليئة بالاحلام الورديه .
حنين لفت عنها وهي تفكر .
==========
