رواية جسد نورة بلا روح

[# بنت عتيبة #]

بسم الله الرحمن الرحيم.


الكل منا يعرف أن الحياة ألم في كل لحظة ولحظة .

والألم عمر في كل ساعة وساعة

والعمر بحر من الألام والهموم يفتش عن نهر يركن إليه ليستريح مما هو فيه

والبحر يتسلق أمواجه الشاهقة ليبحث عن شراع ينقذه مما هو فيه

فأنتم ايها البشر تتألمون لتمسحوا عطر ايامكم الماضية في سرائركم ، فالألم راحة لمن يعزف على احاسيسه المرهفة، فأنتم تقرعون قلوبكم بتألمكم في حياتكم

فكم من قلب تألم ليسعد في الحياة.

وكم من روح سعدت في حياتها لتشرب من كأس المها الذي كان ينتظرها

الألم شعاع تلك الشمس يهبط على ذاتكم ليصهر أعمدتها ويحولها إلى هذبة مستوية قابلة لنمو الزرع فيها.

والألم صوت من السماء والأرض ينادي أرواحكم بحديثه لتصعدوا الى كونه، وتتعذبوا بهمساته فأنتم تتألمون لحبكم لمن تتعذبون له فالحب إذاً يبعث اليكم الامكم في رسالة خاصة ويذرفها على اوراق زهوركم

فقلوبكم خياشيم شاهقة إذا طغت على سطح حياتكم انهارت وسقطت

أنتم تكرهون الألم لشقائكم في الحياة واذا خالج نفوسكم أسعدكم وأطفأ شمس قلوبكم، إنكم تبحثون عنه ولا تريدونه

فإذا وقع في شباككم تنبهتم له وعرفتم أنفسكم الألم يغزوكم بجيشه في كل لحظة وأنتم مضطجعون لا تعلمون إلا احلامكم التي تهرب عندما تصحوا من نومكم فمن تجرع من شوكه فلينهل من وروده الجميلة ومن رفع عقيرته على اصله فليأذن بحرب من جيشه الغازي

فإن لذلك الألم جيوشا كثيرة اقتحم بها قلاع وأودية ونكس رؤؤس عنيدة وقضى على قلوب ميته
فالألم خالقكم وليس بخالقكم وهو معلمكم وليس بمربيكم، فألم تبعته الالام

إن للألم موجات من الدماء تضخها على شريان الكون فتحوله الى قلب دامي من الألم


عدت اليكم من جديد بعد روايتي (( حسافه )) وبعد روايتي (( اخوة وأخوات )) برواية مغايرة عن تلك التي ذكرتها منذ قليل .

روايتي هذه تتكلم عن الحب الصادق حينما ينتهي الى زواج.

روايتي تتكلم عن الخيانة عندما تكون أشبه بالظلم.

روايتي تتكلم عن الحقد والكره و.و.و.و.و.

لا أستطيع التكلم عنها كثيراً لأن كلامي عنها سيطول شرحه ، استمتعوا بقرائتها معي وتأثروا بحكاية نوره العاطفية، وأنا متقبل منكم أي نقد وأي ملاحظة سواء مدح أو ذم.



[ جسد "نــــــــوره" بلا روح ] للكاتب: أبيك مابيهم.

عدد الاجزاء: 10



شخصيات بطولة قصـــتي:

بيت نوره.

نوره:دكتوره بمستشفى خصوصي وهي البنت الكبيره وعمرها 24 سنة حنونة وطيبة وفكاهية. وهي بطلة القصة
عبير: طالبة جامعية تخصص هندسة اخت نوره الصغرى وعمرها 22 سنة دلوعة وشيطونة

وضيوف الشرف.

بو نوره: رجل اعمال بالسابق تقاعد من عمله لانه مريض بالقلب حنون طيب على بناته وعمره 48سنة
ام نوره: الام الحنونة على بناتها وعمرها 44سنة ربة منزل طيبة.

وشخصيات كثيرة راح تظهر مع الاحداث.


الجزء الاول.

ببيت بو نوره.

ام نوره: شفت يابو نوره البنات كبروا وصاروا يعتمدون على انفسهم بكل شي
بو نوره: أيه أشوفهم رغم ان الله مارزقنا بالولد ألا انه رزقنا ببنتين كأنهم أميرتين.
ام نوره: عسى الله يخليهم لنا ويطول بعمرهم يارب.
بو نوره: اميــــن يارب العالمين.

في الجامعه.

تهاني: هاه شخبارك اليوم ياعمري.
عبير: عن التمسخر وقولي شعندك
تهاني: المشكلة انك عارفتني زين و ماقدر اجاملك
عبير: ايه انتي خبز ايدي عن الاستهبال زياده وقولي شاللي شاغل تفكيرك
تهاني: تروحين معاي
عبير: وين ان شالله.
تهاني: بنروح المجمع مول وبعدين بنروح بيتنا.
عبير: زين لاني بروح اشتري لي اغراض ناقصتني.
تهاني: اوكي اجل على موعدنا.
عبير: صدق انك غبيه. احنا ماحددنا موعد يالخبله.
تهاني: ايه صح. صدق اني مخبوله اوكي يناسبك 8 بعد صلاة العشا
عبير: كثير مناسب بس من اللي بيودينا
تهاني: اكيد عين السيح اخوي عدنان.
اتولع وجه عبير وصار مثل الطماطم وقالت: عن المصاخه الزايده ولا يكثر.
تهاني: خلاص عاد ياكلمه رجعي مكانك.
عبير: اوكي يالله اقلبي وجهك عني وخليني اذاكر وراي امتحان
تهاني: يالله اوكي باي
عبير: باي.

طبعاً.
تهاني: صاحبة عبير الروح بالروح وعمرها 22 سنة شيطونة مثل عبير.
عدنان: مدير عام لشركة ابوه. اخو تهاني وعمره 24 سنة حبوب وطيوب وذو شخصية.

نرجع الى ماكنا عليه.

بعد الدوام. ورجوع نوره للبيت هلكانه وتعبانه

ام نوره: يعطيك العافيه يابنتي.
نوره: الله يعافيك يمه. هاه وش الغداء اليوم.
ام نوره: غريبة ماتغديتي بالدوام ولا تدرين اني مسويه طبختك اليوم
نوره: لا يمه مادري بس جالي الهام وقال لي انك مسويه طبختي (مقلوبة لحم بالفلفل الحار)
ومن فوق الدرج عبير: ياحبي لها هالطبخة.
نوره: بسم الله الرحمن الرحيم. انتي من وين طلعتي
ام نوره: اي والله شلون جيتي من الجامعه وماحسيت فيك
عبير: ايه انتي كنتي بالمطبخ مشغولة بطبخة نوره حبيبتك الغالية
نوره: تغارين ياام السعف.
عبير: ليش اغار من حلاتك وحلات شكلك ياشعبونه.
ام نوره: خلاص عاد كافي خناق حسبي الله عليكم من بنات ماتحترمون وجودي قدامكم.
نوره: ياحبيبتي يايمه لاتعبين نفسك عشان وحده
عبير: كملي ليش سكتي. مالت عليك.
ام نوره: والتالي معاكم وبعدين
عبير: شوفيها يمه اهي اللي تستفزني.
ام نوره:يالله نوره روحي غرفتك وبدلي ملابسك وتعالي عشان نتغدا.
عبير: وانا يعني مابتحسبوني عالغدا بعد؟
ام نوره: لاحول ولا قوة الا بالله. بعد انتي لابسه ومخلصه يالله نزلي عاونيني.
نوره واهي راكبة الدرج وقفت مقابلة عبير وطقت راسها وقالت: غبيه!!
عبير: أأأأأأأاااااي . طالعة عليك.
ونادت امها: يمه يمه
ام نوره: وصمه خير شتبين
عبير: اليوم بعد صلاة العشا راح اطلع مع صاحبتي تهاني بنروح السوق. اوكي مو تقولين ماقلت لك.
ام نوره: زين بس مو تتأخرين.
عبير: فديتك يمه. (وباستها على راسها)

نوره بغرفتها وهي تبدّل ملابسها,, تدخل عبير بدون استئذان وتقول: نوروه
نوره: همممم
عبير: بروح المجمع اليوم مع تهاني بتروحين معانا
نوره: لا مالي خلق بس اذا شفتي شي حلو يناسبني جيبيه.
عبير: مالت عليك والله انا الحماره اللي ابي اخليك تغيري جو بدل هالعزلة اللي قاعدتها اللي من البيت للدوام ومن الدوام للبيت الى الغرفة.
نوره: بالضبط مثل ماقلتي انتي حمارههههههههههه.خلاص عبروه روحي انتي انبسطي ماعليك مني.
عبير: انتي من فسختي الخطوبة من فيصل و
نوره تقطع كلام عبير: خلاص عبير هالسالفة انتهينا منها لاتفتحينها مرة ثانيه بليـــــــــز .
عبير: سامحيني يانوره مادري شلون طلعت هالسالفة من لساني .
نوره: خلاص انتهينا ياعبير. قفلي السالفة.

""يابنات يالله الغدا جاهز بسرعه لايبرد""
نوره: يالله عبير روحي نزلي قبل لاتجينا امي بالملاس.
عبير: هههههههه. وانتي مو نازلة معاي
نوره: جايه وراك بس انتي روحي الحين.
عبير: ننتظرك.

أكيد هذا البارت قصير سامحوني وان شاء الله تكون البارتات أطول وأكثر تشويق.

---

v,hdm [s] k,vm fgh v,p

[# بنت عتيبة #]

الجزء الثانـــــــــــــــــــــــــــي.

في بيت بــــــدر,في غرفة نجود تحديداً.

يطرق باب نجود : من عند الباب
بدر: انا بدر ادخل او لا
نجود وهي تضحك: لا.
بدر: مفكرتني باخذ رايك ومابدخل
نجود: خير وش عندك اكيد مصيبة ولا انت ماتجيني و وراك خير.
بدر: افااااا ياختي الحين انا مااجيك الا وراي مصيبة
نجود: لا تمثل علي دور المسكين وقول
بدر: وش أقول
نجود: اللي عندك وحاب تقوله لي
بدر: ماعندي شي بس حبيت اجلس معاك واسولف من زمان ماسولفنا مع بعض.
نجود: بسوي روحي مصدقتكسولف انا اسمعك
بدر: أمـــي
نجود: وش فيها أمــــي
بدر: جالسة تحنّ علي وتقول متى تعزم تتزوج ومتى ومتى ومتى.
نجود: مو شي جديد بس انت مو راضي تستحي وتفكنا من لسان امك وتتزوج
بدر: وعاد مالقت الا بنت عمي تفكر فيها عروس لي
نجود وهي تضحك: مين الهـــام
بدر: ايه الهام جعل ماكو الهام قولي أميـــــــن.
نجود: زين والمطلوب مني
بدر: كلميها وقولي لها ان بدر مايفكر بالزواج الحين وخاصة مايفكر ببنت عمي الهام تكون شريكة العمر
نجود: اوكي خل كل شي علي ولا تهتم
بدر: كفو بأختي قدها وقدود.
نجود وهي رافعة حاجب: مادري وش راح تسوي من دوني
بدر: انتي كثير شايفة نفسك والله.
نجود: طالعة على اخوي حبيبي بدر.
بدر: عن الملاقة وقومي يالله حليلي السالفة
نجود: مشينا
.
بيت بدر.

بدر: يشتغل بشركة ضخمة يسعى لأسعاد امه واخته وهو طيب وحنون ولا يفكر بالزواج حاليا وعمره 26سنة
نجود: اخت بدر المقربة وكاتمة اسراره وعمرها 21 سنة.طيبة وشيطونة ومغرورة.
ام بدر: الام الطيبه وعمرها 48 سنة




في المجمع.

تهاني: تعالي نشوف هذا المحل الصنادل عجيبة عنده .
عبير: اووف والله انتي نشبه صار لنا ساعة واحنا نفرفر بنفس المكان ترى لاعت كبدي منك
تهاني: تحمليني شوي ياقلبي والله لو ما انتي معي كان الحين نص ساعة ورجعت من الملل بس هذي فرصتي اقضيها معاك
عبير: يعني تستغليني
تهاني: شي من هذا القبيل
عبير: والله غبية
تهاني : طالعة عليك.
عبير: يالله خلصي والله الحين اخوك مفوح من الحر وبتلقينه ماسك لنا عصا عشان يلوشطها فينا.
تهاني: ههههههههههه. عاد اخوي مو لهدرجة متوحش,, والله انتي مشتاقة تتمقلين فيه
عبير احمر وجهها: عاد لاتحرجيني زياده والله ترى الحين امشي عنك ولا اكلمك بالموليه.
تهاني: ماتقدرين
عبير: وش اللي يمنعني انشالله.
تهاني: ناظري وراك وشوفي من اللي بيمنعك.
عبير ناظرت وراها وقالت: حسبي الله عليك ياتهاني, حسبي الله عليك.
تهاني: اوص لايسمعك وانتي تتحسبين علي ترى مايرضى على اخته حبيبته
عبير: من زين الاخت عاد.
عدنان: هاه للحين ماخلصتوا ترى مليت وانا انتظر برى
عبير بانفعال وصراخ: قول لاختك الا ساعة وهي تفرفر بنفس المحل
عدنان: زين هدّي شوي من صراخك كليتيني بقشوري .
عبير بأدب: اسفة
تهاني: ماقدر على الادب اللي نزل عليك مرة وحده.
عبير: اقول عاد سكتي ولا يكثر.
تهاني: زين مافيك الا الصراخ.
عدنان يضحك: يالله لكم 5 دقايق اذا ماجيتوا وراي والله ترى بمشي عنكم
تهاني: خلاص انت روح واحنا لاحقينك
عدنان: اقول يالله وراي وبلا طولة حكي زياده.
تهاني: زين انت بعد لا تصرخ.

وبعد ركوب السيارة.

تهاني: اووه عدنان نسيت كيس الاكسسوارات بالمحل انا رايحة اجيبه وارجع
عدنان: ياليــــــــــــل. يالله ومو تتأخرين
عبير: اجي معك
تهاني: لا انا بروح اجيب الكيس وارجع ليش بعد تجين،، زيادة عدد

<<<ماتدري عبير ان تهاني واخوها مخططين على هذي السالفة

عدنان: هلا والله بعبوره
عبير: هلا فيك.
عدنان يتردد: أأأأ عبيـــر؟
عبير: أمـــــر!!
عدنان: مايأمر عليك عدو. دام تهاني مو موجوده ودي افتح معاك موضوع يهمني ويهمك.
عبير بأستغراب : يهمنـــي ويهمـــك خيــــر ان شالله
عدنان: لا تخافين خير خير. كل مافي الموضوع اني لو جيت اخطبك توافقين علي او لا
عبير مصدومة من كلامه:. .
عدنان: عبير؟ عبير. وين وصلتي
عبير: هاه. لا معاك
عدنان: هاه شقلتي توافقين او لا
عبير: على ايش؟
عدنان: اني اخطبك
عبير بخاطرها: ((انا موافقة ولا بأذني مويه)). : انت فاجأأتني الصراحه وانا ماستوعبت الموضوع خلني افكر واشاور اهلي وارد عليكم
عدنان: خذي راحتك ياقلبي
عبير تلعثمت ماعرفت وش تقول

(( وصلت تهاني وركبت السياره ))

تهاني: هاه تأخرت عليكم
عدنان: لا وليتك تأخرتي زياده.
عبير اشتعل وجهها وصار مثل الطماط.
تهاني: الله الله على الغزل اللي يطلع بأخر الليل.
عبير تقرص تهاني بأيدها
تهاني: أأأأأأااااااااااااااي شفيك
عدنان يضحك.

ويمشي بسرعة.

في بيت بدر

نجود: يمه. يمهيمه.
ام بدر: خير وش فيك تصارخين يمه ويمه.
نجود:صحيح الكلام اللي سمعته
ام بدر: اي كلام بالضبط
نجود: انك بتزوجين بدر بنت عمي الهام
ام بدر: ايه وش فيها البنت ماعليها قصور.
نجود: ماقلنا شي بس مافي توافق بينها وبين اخوي بدر
ام بدر: بعد الزواج يتغير كل شي.
نجود: يمه. انا مو الغالية للمدللة عندك
ام بدر: ايه وبعدين
نجود: بطلب منك طلب وماترديني. عفيه.
ام بدر: قولي واذا قدرت عليه راح انفذه.
نجود: سمعي يمه شيلي فكرة زواج بدر من بنت عمي نهائياً واوعدك انه نهاية هذا الاسبوع راح تسمعين خبر خطوبته على ايدي. هاه شقلتي
أم بدر: .
نجود بحماس: هاه يمه وش قلتي
ام بدر: انا راح اوافق على طلبك وراح اشيل بنت عمك من بالي بس اذا جا الاسبوع وماسمعت شي عن الموضوع ماراح تلومين الا نفسك. فاهمة
نجود: ايه فاهمه يمه. يأحلى ام بالدنيا.


في بيت نوره.

عبير جالسة على السرير و سرحانه بموضوع عدنان.
نوره: وش فيك ياعبروه من جيتي من السوق وانتي مو على بعضك
عبير سارحه وماتسمع شي:.
نوره تصارخ: عبـــــــــــــــروه وصمخ جدي.
عبير بأنفعال: شفيك تصارخين صميتي اذوني
نوره: صار لي ساعة انادي عليك وانتي مو معاي كلش
عبير: خير وش تبغين؟
نوره: وش فيك علميني شاللي شاغل تفكيرك
عبير: دامك انتي اختي وحبيبتي اللي ما اخفي عليك اي شي راح اعلمك شفيني.
نوره: وش فيك ان شالله
عبير وهي تبتسم: عدنان اخو تهاني صديقتي خطبني!!

يتبـــــــــــــــــــــــــــــــــــــــــــــــ ـــــــــــــــــــــــــــع

[# بنت عتيبة #]

نوره بأبتسامة خفيفة: اوووه، اوووه أختي كبرت وصاروا الخطاب طابور عند الباب،مبروك ياختي.
عبير:الله يبارك فيك. الفال لك.
نوره: لا انا مافكر بالزواج الحين اصلا اخر اهتماماتي الزواج
عبير: يعني شورتك أروح اكلم امي وابوي واخلص السالفه
نوره: وأنتي وش منتظره يالله طيران روحي فرحيهم وفرحي قلبهم.
عبير: بس انا استحي اتكلم بهالموضوع قدامهم
نوره: أقول لايكثر. قالت ايش قالت استحي. قدامي اشوف
عبير بأستظراف: زين خلينا نتفاهم شوي
نوره: مافي شي نتفاهم عليه. قدامي يالله

في بيت بدر.

بدر: شكرا ياختي وماقصرتي عسى الله لايحرمني منكقولي امين.
نجود: اميــــــــن يارب العالمين. مادري وش بتسوي من دوني
بدر: بذلينا يعني
نجود: لا ما اذلك ولا شي بس مو تنسى الوعد اللي وعدتني فيه
بدر: زين انا مو ناسي . انا كم نجود عندي
نجود: وحده ويازينها من وحده عين الله عليها
بدر: انتي شايفه نفسك كثير

في صاله بيت بو نوره

عبير: فيه موضوع حابه اكلمكم فيه انتوا الاثنين.
بو نوره: خير يابنتي أمـــــري. محتاجه شي ناقصك شي
عبير: لا يبه خيركم سابق عسى الله لايحرمني منكم
ام نوره: اجل وش الموضوع يابنتي تراك خرعتينا.
عبير بحيا: تهاني صديقتي اخطبتني حق اخوهـــا.
ام نوره بأبتسامه عريضه: صدق يابنتي ياعمري يابنتي ماتدرين شكثر فرحتيني بهالخبر
بو نوره: مبروك يابنتي وجعله يكون من نصيبك
عبير: يعني انتوا موافقين
بو نوره: الراي الاول والاخير لك واذا انتي حاسه انه رجال زين توكلي على الله.
نوره: مبروك ياغبيه. ويالله بسرعه روحي خبري تهاني انك موافقه.
عبير يحمّر وجهها وتروح مسرعه لغرفتها.
نوره: من متى صارت عبير تستحي؟

بغرفة عبيـــــــر

عبير جالسة على سريرها وهي متربعه يرن جوالها والمتصل تهاني: هلا تهاني. تصدقين توني بدق عليك
تهاني: هلا عبوره. هاه بشري وش صار على موضوعنا
عبير بضيق: والله مادري شقولك ياتهاني بس اول شي اوعديني ان صداقتنا راح تدوم حتى لو كان ردي سلبي اوعديني
تهاني: اكيد ياعبير راح تدوم صداقتنا اوعدك
عبير: تدرين ياتهاني ان الزواج قسمة ونصيب واللي كاتبه الله بصير بس!!
تهاني تقاطعها بكدر: مايحتاج تكملين وانتي قلتيها الزواج قسمة ونصيب.
عبير بأبتسامة : بس انا موافقه ياتهاني
تهاني مصدومه:. (صمت)
عبير: ألووو ألو تهاني وينك
تهاني: حسبي الله عليك ياعبروه العله وقفتي قلبي
عبير: هههههههههههههه والله ومشت عليك التمثيليه ياغبيه
تهاني: مب راده عليك يقول المثل لاترد على السفيه جوابا).
عبير بأنفعال: أنا سفيهه ياسفله
تهاني: خلك من المناقر الحين وخلينا بالمهم
عبير: وش المهم بعد قلنا لك موافقه وخلاص وش تبين تعرفين بعد
تهاني: باقي الخطبه رسمي وتتكلم بخبث: تجهزي بعد صلاة المغرب بنجي نخطبك رسمي
عبير بأستغراب: بهالسرعه. انتي تتكلمين من جد
تهاني: ايه من جد ومن عم ويقول المثل(لاتؤجل عمل اليوم الى الغد)
عبير: احنا لو الله يفكنا من امثالك بنكون بخير
تهاني: اسكتي وانطمي. ويالله روحي خبري اهلك ان احنا جايين بعد صلاة المغرب يالله سلام ( وتسكر السماعه).
عبير: شوفوا الحماره قفلت الجوال بوجهي
(وتدخل نوره غرفة عبير): شفيك تتكلمين مع روحك. مجنونة
عبير بهدوء : لا بس تهانيوه سكرت التلفون بوجهي
نوره وهي تجلس على الكنبه : مو شي جديد. هذا سيفوه وهذي خلاجينه
عبير:لا انتي ماتدرين اهي وش قالت قبل لاتسكر
نوره: خير وش اللي قالته بعد ياكثر ماتقول تهاني.
عبير: بتجي اهي واخوها بعد صلاة المغرب بيخطبوني من ابوي رسمي
نوره: هذي صاحيه ولا مخبله؟ شلون بتجي واحنا مو مستعدين.
عبير: يعني ماتعرفين تهاني وحركاتها اذا حطت شي براسها تسويه يعني تسويه.
نوره:ههههههه طالعه عليك ياحلوه
عبير تضرب نوره بالمخده: قومي انقلعي برا اشوف يالله.

[# بنت عتيبة #]

الجزء الثــــــالــــــــث.

في بيت عدنان.

عدنان: هاه ياختي حبيبتي وش صار على موضوعي
تهاني وهي تقلد عبير: والله مادري وش أقولك ياخوي تدري ان الزواج قسمة ونصيب وخل قلبك قوي ولا تأخذ على خاطرك وبدور لك اللي.
عدنان يقطع كلامها: خلاص خلاص مايحتاج تكملين وهونت مابي اتزوج
تهاني: لا بتتزوج لانها موافقه
عدنان وهو متفاجئ وفرحان: صدق ياهنو صدق اللي تقوليه والا انتي تمثلين علّي.
تهاني: شفيك اسم الله عليك. حسبي الله عليك ياعبير كانك جننتي اخوي ولا خليتي فيه عرق صاحي.
ايه وافقت تطمن
عدنان: لاتقعدين تتحسبين عليها هذي بتصير مرتي قريبا ماأرضى عليها
تهاني: وهـ ياقلبي على الحب. عالعموم جهز نفسك بعد صلاة المغرب بنروح نخطبها من ابوها.
عدنان: زين سويتي. خير البر عاجله.
************************************************** ****************************
************************************************** ****************************
في بيت بدر

نجود جالسه بالصالة تاكل شيبس بطاطس وتتابع تلفزيون والا بدخول بدر عليها: تعال تعال ابيك شوي
بدر:بسم الله من وين طالعه . هاه خير شتبين
نجود: مسوي نفسك ماتشوفني. المهم قولي وين اللاب توب اللي وعدتني فيه مو تقول لي ماشريته
بدر: لا ماشريت للحين ان شالله بكره اطلع من الدوام واشتريلك اياه.احنا كم نجود عندنا
نجود: وابي بعد شريحة جوال جديده لان شريحتي فيها ازعاجات
بدر: مو كأن طلباتك زادت يا برنسيسه نجود
نجود: تحملني ياخوي انا اختك الوحيده واللي تساعدك على المهمات الصعبه. مو توك تقول كم نجود عندنا
بدر: وهذا اللي مصبرني عليك انك اختي الوحيده وتساعديني دووم
نجود ترفع حاجبها الايمن وتبتسم بخبث
************************************************** ***********************
************************************************** ***********************

بعد صلاة المغرب في بيت بو نوره , في مجلس الرجال حيث ماكان يجلس بو نوره وعدنان وكل منهم يتكلم

بو نوره: ياحيالله من جانا هلا والله بولدي
عدنان: الله يحييك عمي ويبقيك شلونك عمي
بو نوره: نحمده ونشكره
عدنان: الحمدلله!!عمي خلني ابتدي بالموضوع اللي جايك فيه
بو نوره: تفضل ياولدي. اسمعك
عدنان: عمي انا جاي الليله وابي القرب منك واخطب بنتك عبير على سنة الله ورسوله
بو نوره: والله هذي الساعة المباركه ياولدي ولو هي ذبيحه ماعشتك
عدنان: تسلم ياعمي هذا من ذوقك
بو نوره: بس ياولدي انا عندي طلب واحد بس.
عدنان: امــرني عمي
بو نوره بهدوء: انا تهمني سعادة بنتي واللي يريحها يريحني واللي يضرها يضرني فأنا ابيك تحطها بعيونك ياولدي ولا تحرمها من السعاده وعسى الله يوفقكم ويسعدكم ويكتب اللي فيه الخير.
عدنان: اكيد ياعمي. عبير بعيوني الثنتين وسعادتها من سعادتي
بو نوره: وهذا اللي ابيه مبرووك ياولدي مبروك.
عدنان: الله يبارك فيك.

في صالة الحريم

نوره - تهاني: الف الصلاة والسلام عليك ياحبيب الله محمد،،كلللللللللللللووووووووووووووششش.هههههههههه ههه
ام نوره: مبروك يابنتي وعسى الله يسعدك قولي امين
عبير: اميــــــن يمه
تهاني: مبروك يامرت اخوي المصون.
عبير: الله يبارك فيك يااخت زوجي.
تهاني: والله طالعه قمر هذا لو يشوفك اخوي الحين والله انه يطيح غشيان.
عبير احمّر وجهها ونوره قالت: اسكتوا عاد لاتخجلونها خفو عليها شوي .
عبير: خلاص عاد انتي وياها انطموا
نوره: ايه هذي عبير اللي انا اعرفها( ام لسان ).
عبير: اسكتي انتي بعد
ام نوره: وانتوا هذي حالتكم كله مناقر وصراخ مافيه يوم تهجدون
نوره: احنا نمزح بس يمه.
ام نوره: والمزح يعني مايصير الا بالصراخ

"" عبير يابنتي تعالي شوي""

عبير تتخبئ ورى امها:يمه روحي شوفي ابوي شيبي.
ام نوره: على ما اظن ان ابوك مناديك انتي مو انا.
عبير تترجى: عفيه يمه روحي شوفيه شيبي عفيه
ام نوره: زين بروح وامري لله
نوره: وانتي ليش خايفه يعني اهو بيقتلك
تهاني: اللي بيقتل ماينادي بالأول. والله لو بيقتلك بيجيك على طول.
عبير: انطموا انتوا. هذي امي جات. هاه يمه وش يبي ابوي
ام نوره: روحي دخلي المجلس خطيبك يبي يشوفك نظرة شرعيه
عبير بهدوء: بس يمه انا استحي
تهاني: شهالهدوء والحيا اللي نزل عليك مرة وحده.
ام نوره: ابوك بيكون موجود معاكم لاتستحين ولا شي
نوره: يالله روحي لا يمّل الرجال ويطير منك
عبير : فال الله ولا فالك.مايقدر يروح من دون اخته
تهاني: تحبيــــــــــــنه

""يالله ياعبيــر وينك""

عبير: جايه يبه جايه.وتتوعد بتهاني: وانتي صبري علّي لم اجي حسابي معاك بعدين.
نوره تضحك وتهاني تقول: روحي بس لأخوي لا تأخريه زياده.
************************************************** **********************
************************************************** **********************
عبير وهي داخلة المجلس منزلة راسها الارض وتهمس: السلام عليكم
عدنان متفاجئ بجمالها: ياهلا ومرحبا وعليكم السلام
عبير مستحية وماتكلمت بشي ولا سألت عن احواله
عدنان: شهالجمال اللي طالعه فيه كأنك قمر مع انك احلى من القمر بمليون مره
عبير سرحت بخيالها شوي و تذكرت كلام تهاني: والله طالعه قمر هذا لو يشوفك اخوي الحين والله يطيح غشيان
عدنان: وين رحتي حياتي
عبير: معاك ياقلبي( وتفاجأت ماتدري شلون طلعت هالكلمة من لسانها ونزلت راسها بحيا)
عدنان: عيديها عفيه الكلمه طالعه منك عسل .
عبير: خلاص عدنان ترى استحي.
عدنان: اموت بهالحياء ياعمري
عبير تبتسم
عدنان: خلاص ياعمري ابتسامتك تذوبني، ماقدر
عبير وهي واقفه: يالله عدنان انا استأذن الحين
عدنان: وين تو الناس ماشبعنا من شوفتك
عبير: الايام الجايه بتمّل مني ومن شوفتي الحين يالله قوم روح بيتكم
عدنان: انا امّل منك انا اموت ولا امّل منك
عبير: اسم الله عليك من الموت.
عدنان: تخافين علّي
عبير خفق قلبها: عندك شك
عدنان: لا ماعندي
عبير: اجل يالله قوم روح بيتكم وورانا اتصال.
عدنان مبتسم: يعني طرده عالعموم يالله نادي على اختي وقولي لها انا ناطرها برا(( ورسل لها بوسه بالهوا))
عبير: تصبح على خير عدنان
عدنان: وانتي من اهله حياتي.
************************************************** ***********************************
************************************************** ***********************************

عبير تدخل الصاله وتتكلم بدون نفس: يالله انتي اخوك ينتظرك برا مو تأخرينه خطيبي عليه دوام.
تهاني: على ما اظن عندي اسم واسمي تهاني
عبير: يعني انا بقره ادري ان اسمك تهاني.
تهاني:يالله دكتوره تصبحين على خير
نوره: وانتي من اهله
تهاني: يالله خالتي مع السلامه
ام نوره: مع السلامه يابنتي
عبير: يعني انا مالي سلام
تهاني طنشتها وطلعت.
عبيروهي مفتحه عيونها: شوفوا للحماره طنشتني وطلعت
نوره: زين تسوي فيك
ام نوره: ايه صحيح زين تسوي فيك اجل ماتنادينها بأسمها ليش من حقها تزعل عليك.
عبير: بس انا كنت امزح معها
ام نوره: المزح له وقت والجد له وقت يالله روحي اتصلي عليها واستسمحي منها
نوره قاطعتهم: يالله انا وراي بكره عملية بالمستشفى. تصبحون على خير
ام نوره: وانتي من اهله يمه
عبير: اخذيني معاك نوروه.
نوره: يعني ماتعرفين تجين لحالك يالله امشي
عبير: تصبحين على خير يمه
ام نوره: وانتي من اهله. ومو تنسين اتصلي لتهاني واعتذري منها.
عبير: ان شالله يمه.
ام نوره تهز راسها وتقول: بحفظ الله.

[# بنت عتيبة #]

الجزء الرابــــــــــــــع

في الصباح، عدنان يكلم خطيبته عبير بالجوال: هلا عمري
عبير: هلا عدنان.
عدنان: شلونك اليوم ان شالله صباحك حلو ياحلوه.
عبير: دام اني كلمتك اكيد صباحي حلو وعسل بعد.
عدنان: أه ياقلبي . ويلوموني لو انتحرت عشانك.
عبير بخوف: لا تقول كذا ياعمري ان شالله اللي يكرهونك.
عدنان:أأأأأأأ الا بسألك متى ان شالله العرس ترى ماني قادر اصبر اكثر.
عبير:وانا مثلك واكثر بعد.امممممم. شرايك بعد شهرين مو احسن من التطويله
عدنان بتنهيده:شهرين كثير. بس احسن من سنتين.
عبير: لهدرجه ماعندك صبرخلاص ان شالله لم ارجع من الجامعه اكلم اهلي ويصير خير.
عدنان: اوك حياتي. لنا اتصال ثاني.
عبير: ماشي حياتي. سلام.

بعد دوام نوره بالمستشفى.

ملخص طلوعها من المستشفى ورجوعها للبيت يمشي سواقها بخط مستقيم بالشارع واثناء الوصول تطلع لهم سياره من الجهة اليمين ويمسك السواق بريك ويوقف.

نوره وقلبها يطق طبول: وش فيه هذا مايشوف قدامه بس الشره مو عليه، الشره على اللي عطاه رخصة القياده. بس انا اوريه
(تنزل من السياره وتروح لصاحب السياره الثانيه) وتقول بعصبيه: انت ماتشوف قدامك. اعمي جعلك العمى بغيت تودينا بداهيه
بدر جلس يتأمل نظراتها وعيونها الساحره وجمالها ولا تكلم بشي.

(( طبعاً أهي محجبة عشان جذي جلس يتأمل عيونها ووجهها ))

نرجع الى قصتنا.

نوره: يعني انت لاتشوف ولا تسمع بعد بس الشره مو عليك على اللي واقفة تتكلم معاك.(وتمشي لسيارتها).
بدر: لحظة اختي!!
نوره تلتفت له: خير شبغيت
بدر: اسفــين عالازعاج.
نوره: تو الناس ترد(وطنشته وركبت السياره ومشت )

بدر بتنهيدة:يالله.هذي البنت شكثر حلوه.انا ويني عنها من زمان((ويركب السياره ويلحقها))

بعد وصول نوره بيتهم تنزل من السياره التفتت على يسارها وقالت: بسم الله الرحمن الرحيم.هذا شفيه ملاحقني للبيت؟ صحيح قليل ادب. الحمدلله والشكر.(وتدخل البيت)

بدر ما استسلم سأل عن صاحب البيت وعرف كل التفاصيل عنه.

في بيت بدر.

يدخل بدر بيتهم مبتسم: السلام عليكم يمه(ويبوسها فوق راسها).
ام بدر: هلا بدر يمه شلونك
بدر: بخير دامك بخير. يمه
ام بدر: امـــّر ياولدي.
بدر: مايأمر عليك عدو. عندي لك موضوع مليون بالميه انه بيفرحك.
ام بدر: خير ان شالله وش الموضوع
بدر: قررت أخطب.
ام بدر بفرحه كبيره: بتخطب هذي الساعه المباركه.ومن هذي اللي بتخطبها أكيد بنت عمك
بدر: بنت عمي الله لايقولها. الصراحه يمه اليوم شفتها واحنا بالطريق ولحقتها وقدرت اعرف معلومات عنها واسم صاحب البيت بو نوره.
ام بدر: ايه بيت بو نوره عرفته.ام نوره صديقتي واختي وانت اي وحده اللي شفتها لايكون عبير!! ترى عبير مخطوبه.
بدر: مادري يمه بس لحظة!! انا شفتها حامله بإيدها لاب كوت ابيض الظاهر انها تشتغل بمستشفى.
ام بدر: والله ونعم مااخترت هذي نوره الطيبه الغاليهوانشالله تكون من نصيبك يارب.
نجود من فوق الدرج: الف الصلاة والسلام عليك ياحبيب الله محمدكلللللللللللووووووووووووششششش.
بدر: بسم الله. من وين طلعتي
نجود: كنت جالسه فوق الدرج اسمع الحوار اللي بينكم. مبروك ياخوي
بدر: خل امي اول تكلمهم واذا وافقوا بعدين قولي لي مبروك
ام بدر: مايصير خاطرك الا طيب ياولدي الليلة اتصل و اكلم ام نوره بالموضوع
نجود: ان شالله تكون من نصيبك عشان تفكني من سوالفك
بدر: ماني راد عليك.
نجود: ايه خلاص نسوني يااهلي.

في بيت بو نوره.

في غرفة نوره تحديدا.

طق طق طق

عبير من ورا الباب: ممكن ادخل
نوره: من متى طلعت الذرابه دخلي اشوف شعندك
عبير تدخل بغرور: والله انا ذربة وذوق من زمان.
نوره: ايه واضح وضوح الشمس.اقول لايكثر وقولي شعندك
عبير:والله بغيت اقولك اني قدمت العرس وراح يصير بعد شهرين.
نوره بأنفعال: خيـــــــــر انتي تتكلمين من جد
عبير: اجل أتريق عليك
نوره: مادري عنك انتي ماينعرف صدقك من كذبك.
عبير:لا بس هالموضوع صحيح.
نوره: ماراح يمدينا ياغبيه ورانا حوسه و حجزصاله زواج وتفصيل فساتين وميك اب وتصوير وو.و
عبير قاطعتها:لاتخافين راح يمدي.
نوره:وانتي كلمتي ابوي وامي
عبير:ايه كلمتهم ووافقوا وقالوا خير البر عاجلُ.
نوره:مادام امي وابوي وافقوا انا مالي كلمه من بعدهم.
عبير: اجل خلاص من بكره نبتدي حوستنا واشغالنا.

في الليل في بيت بو نوره يرن تلفون البيت وترد عليه ام نوره: الوووو .من يتكلم
:هلا ام نوره. عرفتيني انا ام بدر
ام نوره:هلا وغلا ياام بدر شلونك
ام بدر: الحمدلله نشكر الله
ام نوره: الحمدلله
ام بدر: والله يام نوره عندي موضوع حابه افتحه معاك
ام نوره: امــــري ياختي.
ام بدر: والله قررت اخطب لولدي بدر ومالقيت ولا بلقى احسن من بنتك نوره زوجه له.
ام نوره بأبتسامه كبيره:والله هاي الساعة المباركه واحنا بعد ماراح نلقى احسن من ولدكم زوج حق بنتنا.
بس عطينا اسبوع نشاور البنت ونرد عليكم بعدها ان شالله
ام بدر: من حقكم ياختي. خذوا راحتكم. ويالله على مو عدنا انشالله.
وتسكر ام نوره السماعه بفرحه ماتنوصف ابد.

نرجع الى بيت بدر.

بعد ماسكرت ام بدر السماعه جا بدر قبالها: هاه يمه شقالوا
ام بدر: شفيك يابدر ترى السالفه مو خذوه فغلوه وعلى طول بيوافقون.
بدر: اجل شقالوا يمه.
ام بدر: بيشاورون البنت وبعد اسبوع ان شالله بيعطونا خبر.
بدر: وانا شينطرني اسبوع
ام بدر: اثقل ياولدي ترى الثقل زين. لاترى اتصال واحد واكنسل السالفه واخطب لك بنت عمك
بدر: لا لا لا كل شي ولا بنت عمي. خلاص ان شالله بثقل.

[# بنت عتيبة #]

الجزء الخــــــــامس.

في بيت بو نوره.في الصالة.

ام نوره: نوره يابنتي ممكن تجين غرفتي ابيك شوي.
نوره: ان شالله يمه الحين جايه وراك.

في غرفة ام نوره.

نوره: هلا يمه خير ان شالله فيك شي، محتاجة شي
ام نوره: لا مافيني شي ولا محتاجة اي شي، كل مافي الموضوع ان فيه خطاب اخطبوك مني اليوم.
نوره بأستغراب: اخطبوني
ام نوره بأبتسامة: ايه يمه اخطبوك. وانا ماعطيتهم موافقة للحين، لين انتي تقررين بنفسك.
نوره بأنفعال: ومن قال اني راح اقرر بأي شي!! فكرة الزواج شيلوها من راسكم، انا قلت لكم لا تفتحون معي هالسالفة مرة ثانية انتوا ماتفهمون
ام نوره بإرتباك: بس يا.
تقاطعها نوره بصراخ : لا بس ولا شي. يمه خبريهم اني مو موافقه وبليز يمه اذا انتي تحبيني وتبين سعادتي لاتفتحين هالموضوع مرة ثانية. (( وتطلع من الغرفة)).
ام نوره رفعت ايدها للسماء: حسبي الله عليك يافيصل ياللي بتمنع بنتي من الزواج من اللي سويته فيها.

بعد اسبوع

بعد نهاية المهلة المحدده رن تلفون بيت ام بدر ورفعت السماعه: الوو نعم
:هلا ام بدر. انا ام نوره.
ام بدر: هلا ام نوره شلونك وشلون الاهل
ام نوره: تمام الحمدلله يسلمون عليك.
ام بدر: الله يسلمهم
ام نوره سكتت عن الكلام لمدة، وحست ام بدر ان الخبر مو حلو وقاطعتها:هاه يام نوره وش صار على موضوعنا
ام نوره بأرتباك: يام بدر والله مادري شقولك، والله ماصار نصيب وهذا مكتوب ومقدر، بس يام بدر اكيد راح نظل جيران وحبايب مو صح
ام بدر: ان شاء الله (( بهذي الكلمة اختتمت المكالمه)).
************************************************** ****************************

في بيت بــــــــــدر.

بعد ماسكرت ام بدر سماعه التلفون جلست تفكر: انا كيف راح اقول له الخبر
وبين ما هي تفكر تفاجأت بقدوم بدر وهو يقول: السلام عليكم
ام بدر بأرتباك:هلا بدر ياولدي.
لاحظ بدر الخوف والارتباك على امه وقال:شفيك يمه
ام بدر بأبتسامة ارتباك: لا يمه مافيني الا كل خير
بدر: تعلميني فيك يمهانا اعرفك زين، قولي لي شفيك

((بعد الحاح))

ام بدر: يمه بدر. اليوم دقت علي ام نوره وانت تدري يايمه ان الزواج قسمة ونصيب وهذي البنت مو الوحيده بهالدنيا
بدر قاطعها بأنفعال: رفضوني رفضوني يمه وليش عـــاد أنا شفيني
ام بدر: ادري ان الخبر كان صدمه لك، بس الرفض والقبول كان متوقع.
بدر: بس انا ماراح استسلم يمه، ماراح استسلم.((وركب لغرفته))

رمت ام بدر نفسها على الكنبة وجلست تبكي وقالت: لاحول ولا قوة الا بالله، انا ماصدقت يعزم على الزواج،الحين يرفضونه

بعد شهرين وفي ليلة عرس عبير وعدنان.

في الصالون وهم يضعون اللمسات الاخيره على وجه نوره.

تهاني: شهالجمال وشهالحلاة هذي يادكتورهوالله كأنك اليسا.
نوره: عن المجاملات الزايده وروحي شوفي عبروه خلصت او لا
تهاني: والله ماظن انها خلصت لان لو خلصت كان افتحوا الكهف اللي حاجزينها فيه
نوره:ههههههههههههههههههههعشان يطلعونها لنا ملكة.
تهاني: بس لاتحلم اختك انها بتكون احلى مني ، (بغرور):لاني انا القمر واحلى منه بعد.
نوره: لاتحلمين كثير حبيبتي لان لا انتي ولا هي انا وبس
تهاني: اقول امشي بس خلنا ندخل لها ونشوف شصار معها.
نوره: يالله مشينا

((ويدخلون الغرفة))

تهاني: اووه،اووه،والله مطلعينك خوش وحده
عبير: ايه افا عليك،كل حين يمكيجوني وامسحه ويحطون لي من جديد،لين سفلت فيني العامله وانا احترمت نفسيهههههههه.
نوره: زين تسوي فيك ،تستاهلين.
تهاني: غريبه
عبير - نوره:وش الغريب
تهاني: غريبه عبير سفلوا فيها وماعطتهم العين الحمراء وللسان الحاد.
نوره:هههههههههههههههههههههه
عبير: لاني مالي خلقها، والله لو لي خلقها كان شرشحتها ولا خليت فيها عرق صاحي.
تهاني: من كذا انا مستغربه،لأن هذي عبير اللي انا اعرفها.
نوره: يالله عبير احنا الحين نخليك وراح نسبقك للصالة وأنتي بعد ساعة راح يجيك السواق ويأخذك، بس مو تنسين باقة الورد هذي هي هناك . اوك
عبير: اوك حبيبتي، بس انا خايفه.
نوره: لا تخافين ولا شي كل شي طبيعي
عبير: ان شالله
تهاني: يالله بـــــــــــــــــــــــاي
عبير: باي حبيبتي

((ويطلعون))


يتبـــــــــــــــــــــــــــــــــــــــــــــــ ـــــــــــــــــــــــــــــــــــع


ملخص احداث العرس.

قبل دخول العروس حطوا اغنية تناسب الموقف وهذي من اختيار عبير وبعد دخولها قام الرقص والهيصه على الكوشه وناس تضحك وناس تتريق وناس تعلق الى ان دخل المعرس مع ابو عبير واتجهوا الى ماكانت تجلس عبير وسلم ابوها عليها وباسها على خدها وهي باسته على راسه الى ان حان دور المعرس وباسها على جبينها وباسته بنفس المكان ولبسها الدبله ولبسته وأكلها وأكلته وشربها وشربته الى ان حان موعد الرحيل وأخذها للفندق اللي بيقعدون فيه اسبوع لين يسافرون لندن بعد الاسبوع.

في الفندق.

عدنان: والله ماني مصدق انك الحين قدامي.
عبير: حتى انا والله مو مصدقه.
عدنان: زين عطيني بوسه بخدي عشان استوعب ان انتي معاي.
عبير بخبث: حاضر وعلى امرك.((وقربت من خده وعضته عضه قويه))
عدنان:أأأأأأأأأأهاحنا قلنا بوسه ماقلنا عضه.
عبير: مو قلت تبي تستوعب هذي احسن حركه
عدنان وهو بيقوم لها: هين انا اوريك.

في بيت بو نوره.

نوره: اووف،اووف وش اللي صاير بالناس، كل حين وحده تقول لي: كم عمرك؟ وانتي متزوجه او لا؟ تراهم والله بلشوني
تهاني: ههههههه الظاهر بيخطبونك لولادهم.
نوره: ويـــــــــــــــــــع. انا اصلا مافكر بالزواج.
تهاني وهي تقعد على الكنبة: عالعموم خلينا منهم وقولي لي وين انا بنام،ترى هالاسبوع بثقل عليكم
ام نوره: اولاً/ماراح تثقلين علينا لان هذا البيت بيتك ولو ماشالك البيت بتشيلك عيوننا.
ثانياًً/ بتنامين بغرفة عبير
تهاني: تسلمين ياخالتي هذا من ذوقك.
نوره: وانتي من قال راح تقعدين معانا بس اسبوع لا حبيبتي لا بتقعدين معانا شهرين ياحلوه
تهاني بأستغراب: شهرين ليش
نوره: لان بعد اسبوع راح يسافرون لندن.
تهاني: وليش ماقلتوا لي من قبل
نوره: والله فكرنا اخوك قالك
تهاني: من وين يقول لي، وحبيبة القلب ماخذه عقله
نوره: يابعد عمري ياعبير والله لك وحشه
ام نوره: توها البنت رايحه صار لها وحشه
نوره: حتى ولو. الحين من اللي بتناقر معاه وبصارخ عليه وبستهبل وياه من بعدها
تهاني: طبعاً انا طالع وجه العنز واحلب لبن.
نوره - تهاني: هههههههههههههههههههههههههههههه.
ام نوره تهز راسها وتمشي لغرفتها بتنام:يالله تصبحون على خير
نوره- تهاني: وانتي من اهله
نوره:الحين ماندري وش اللي قاعدين يسوونه مع بعض.
تهاني: وانت وش دخلك فيهم خليهم يستانسون
نوره: اقول بس أمشي لا أصكك طراق يعدل هالوجه انتي ووجهك

[# بنت عتيبة #]

الجزء الســـــــادس.

في الفندق حيث ماكانت عبير تستشور شعرها وعدنان نايم.

عبير تطفي الاستشوار: ياربي على هالرجال،متى ان شالله يعزم انه يجلس ترى مليت وانا قاعده بريحاتي كأني قطوه(وتقوم وتركب له عالسرير وتمسح على خده): عدنان حبيبي
عدنان:همممممم
عبير بأنفعال: عدنان يالله قوم ترى مليت وانا قاعده لحالي.
عدنان: شوي بس وبعدين اقعد بس شوي خليني انام.
عبير: مافــي نوم ولا دقيقه وان ماقمت الحين ترى كوب المويه بينكب عليك.
عدنان يفرك عيونه: خلاص خلاص قمنا صباح الخير حبيبتي.
عبير: انت من جد تقول صباح الخير ماباقي شي ويأذن العصر وانت تقول صباح الخير.
عدنان: حتى ولو احنا كل حياتنا صباح بصباح ياعمري
عبير: لا صباح ولا رولا ويالله قوم اتسبح وخلنا نطلع نتغدا برا.
عدنان: حاضر وعلى امرك ياست عبير ثواني بس واكون جاهز.


في بيت بو نوره.

تهاني تروح لغرفة نوره وتطق عليها الباب: ممكن ادخل يادكتوره.
نوره: دخلي تهاني حبيبتي.
تهاني: أأأأأ نوره
نوره: هلا.
تهاني: ممكن اطلب طلب صغير مايوصل حتى ملم.
نوره وهي تبتسم: غبيـــــــــــه، امـــــــري حبيبتي، محتاجة شي
تهاني: لا مشكوره. بس!!
نوره: بس ايش قولي
تهاني: ممكن اعزم صديقتي ندى هنا بالبيت اذا مافيه ازعاج
نوره بأبتسامة: الحين هذا الطلب اللي مو قادره تطلعينه من فمك صار لك ساعة
تهاني:ماعلينا. الحين شقلتي
نوره: سوي اللي تبغينه، مو قلنا لك اعتبري نفسك بالبيت كانك عبير.
تهاني: تسلمين حبيبتيويالله انا استأذن(وتقوم).
نوره: وين تو الناس
تهاني: اخليك شكله عندك شغل كثير بعدين اجيك.
نوره: اوك حبيبتي على راحتك
((وتطلع عبير من غرفة نوره))

في المطعم مع عبير وعدنان

عبير: الله. وش هذا المكان، الصراحه اول مطعم اشوفه بهالكشخه
عدنان: مو قلنا لك دعي القياده لنا وتمتعي بالحفله.
عبير:زين حبيبي انت وش بتطلب لك
عدنان:امممممممم سلطة يونانيه،ستيك،وعصير فرش برتقال.
عبير: لا انا مابي هالاطباق.انا ابي باستا باللحم،عصير ليمون بالنعناع، وسلطة خضراء
عدنان: اوك حياتي اطلبي اللي يريحك

(ووصلهم الأكل وأكلو وكل واحد يأكل الثاني وبعد ماشبعوا قرروا يقومون وركبوا السياره ومشوا)

عبير: حبيبي وين بنروح الحين
عدنان: اليوم يومنا حبيبتي، بوديك البحر وبعدها بنروح الملاهي شرايك
عبير بضحكه: الله ملاهي وناسه
عدنان: اهم شي تكونين مستانسه حبيبتي.

في بيت بو نوره

في غرفة عبير اللي جالسة فيها تهاني مع صديقتها ندى.

ندى: هاه ياغبيه اخبارك
تهاني: تمام ياحماره انتي شلونك وشلون جو الرياض
ندى: والله حلو وجميل بس لو انتي معاي كان صار احلى واحلى
تهاني: ايه هين
ندى: الا بسألك هذا بيت من
تهاني:هذا بيت مرت اخوي عبير
ندى: وانتي ليش جالسه هنا مو ببيتكم
تهاني: والله المعاريس بيروحون بعد اسبوع لندن شهر العسل، انا اقعد بالبيت مع من انشالله
ندى: ايه زين سويتي.
تهاني: حبيبتي ندى شوي واجيك اوك
ندى: وين رايحه
تهاني: بعرفك على وحده، اخت عبير مرت اخوي.
ندى: اوك ماشي

طبعاً: ندى صديقة تهاني من ايام الثانويه تدرس بالرياض بجامعه الملك سعود وعمرها 22سنة

((وتروح تهاني لغرفة نوره وتاخذها معاها لغرفة عبير، بين ما ندى تناظر الالعاب والدببه ودايره ظهرها عن الباب وتدخل تهاني الغرفة)) وتقول بأبتسامة: وهذي نوره اخت عبير مرت اخوي
(وتدور ندى وجهها على وجه اخت عبير، وتنصدم نوره من اللي واقفه قبالها وحتى ندى مصدومه وظلوا مدة بلا حراك الى ان تكلمت تهاني) وقالت: شفيكم سكتوا انتوا الثنتين حتى ماسلمتوا على بعض
ندى بأرتباك: ايه صح شلونك
نوره بأبتسامه خوف: هلا الحمدلله تمام.
تهاني: اعرفكم على بعض. هذي ندى صديقتي وهذي نوره اخت مرت اخوي.
ندى: تشرفنا يانوره
نوره: الشرف لي حبيبتي يالله انا اخليكم على راحتكم
تهاني: وين رايحه قعدي سولفي ويانا
نوره: معليش حبيبتي، احس اني تعبانه شوي وبروح ارتاح.
تهاني: على راحتك حياتي.

((وتطلع نوره من الغرفة وتروح غرفتها))

ندى التفتت على تهاني:هذي متزوجه
تهاني: لا، بس هي كانت مخطوبه وفسخت بعدها الخطوبه
ندى: وهي ليش فسخت الخطوبه
تهاني: والله مادري ليش بس اللي اعرفه انها تتضايق من يجيبولها طاري الزواج

وفي غرفة نوره.

نوره تكلم نفسها: هذي من وين طلعت لي. ليش طلعوا لي مرة ثانية بحياتي


في الليل بالملاهي.

(كانت عبير وعدنان راكبين قطار الموت ولم ارتفع القطار قامت عبير تصارخ ومسكت بإيدها ذراع عدنان) وقال: شفيك حبيبتي. خايفة
عبير بخوف: كثير ، كثير خايفة.
عدنان: لا تخافين انا معاك.
عبير: وهذا اللي مصبرني لين الحين، لانك معاي بس!!

((وخلصت اللعبه، وركبوا لعبه تصادم السيارات ولعبوا العاب كثيره واستمتعوا بهذي الليله اللي كانت احلى الليالي بهذا الاسبوع))



سؤالــــــــــــــي:
منو ندى وشنو قصتها مع نوره
وبدر شنو راح يسوي بموضوع نوره بعد رفضها له

[# بنت عتيبة #]

الجزء السابـــــــــع

قبل السفر بيـــــــــــــــوم.

في بيت بو نوره, في غرفة نوره تحديداً.

عبير: حبيبتي نوره، احسك مو على بعضك، شفيك
نوره: احس ان ماضي فيصل راح يرجع.
عبير بأستغراب: فيصل ماضيه راح يرجع
نوره بحزن وكدر: ايه ياعبير انا متأكدة ان فيصل راح يرجع لحياتي، والحين قولي لي شسوي
عبير: وانتي شعرفك انه راح يرجع

(يطرق الباب فجأة)
نوره: اتفضل
تهاني: احم، احممرت اخوي هنا ومحد قالي
عبير تقوم لها وتبوسها: ايه ياغبيه. حبيبتي اخبارك، وحشتيني بهالاسبوع.
تهاني: لو وحشتك صدق كان اتصلتي علينا. والله حبيب القلب مانعك من الاتصالات ايه اخوي واعرفه.
عبير: لا والله مو مانعني ولا شي ، بس حبيت اخليكم تشتاقون لي لا اقل ولا اكثر
نوره: ايه وبكره مسافرة، هذي حالة بالله قولي لي
عبير: ياحبيبتي كلها شهرين وانا راجعه لكم.
نوره: وليش شهرين يومين على غفلة
عبير: هههههههههههه، عالعموم كل هذا اليوم لين بكره انا قاعده عندكم حق تشبعون مني.
تهاني: اقول لايكثر.

في بيت نـــــدى.

ندى في السياره مع اخوها: تصدق ياخوي اني شفت نوره خطيبتك الاولى
فيصل بأستغراب: نـــــــــــــــــوره
ندى: ايه نوره شفيك مستغرب
فيصل: وانتي وين شفتيها
ندى: انا رحت بيتهم وشفتها
فيصل: رحتي بيتهم ليش
ندى: انا رحت لصديقتي تهاني في بيت مرت اخوها واستغربت ان هالبيت اهو بيت نوره بالاصل
فيصل بأستغراب: يعني نوره تزوجت على اخو صديقتك
ندى: لا يافيصل شفيك صاير ارسالك موبايلي
فيصل: اجل ايش فهميني.
ندى: مو نوره اهي اللي متزوجه، اخت نوره عبير اهي متزوجه اخو صديقتي
فيصل: اهـــــــــــــــــــــــــــــــا وانا وش المطلوب مني ان شالله، ارجع نوره مثلاً
ندى: يعني، شي من هذا القبيل
فيصل:لا ياحلوه، انسي السالفة.


ملاحظة/ أكيد بتقولون كيف ندى ماعرفت ان البيت اللي راحت له بيت نوره
لأن عائلة نوره بعد فسخ خطوبتها من فيصل قرروا يغيرون البيت.


في يوم السفر الى لنــــــــــدن.

عبير: يالله يمه حبيبتي، حان موعد السفر
ام نوره وعلامات الحزن بوجهها: بحفظ الله يابنتي، تروحين وترجعين بالسلامة
عبير: الله يسلمك حبيبتي(وتحضن امها وتبوسها وتنزل الدموع لفراق الاحبه)
تهاني: من قدك ياحلوه بتروحين لندن. يالله تروحين وترجعين بالسلامه.
عبير (تبوسها وتحضنها بقوة): راح اشتاقلك كثير حبيبتي.
نوره بحزن: يهون عليك تروحين وما تسلمين علّي
عبير: وانا اقدر ما اسلم عليك ياختي الغاليه(وتحضنها بقوة)>>> صعب فراق الشخص المقرب لك
نوره: حبيبتي انتبهي لنفسك ، وسلمي على زوجك حبيبتي
تهاني: على طاري زوجها، الا وينه اهو ماخلانا نسلم عليه
عبير: هذا هو برا، روحي له بسرعه
تهاني: يالله اجل انا بروحله

(تهاني مع اخوها): وليش ماناديت علّي والله ماتبي تسلم علّي
عدنان: وانا اقدر اروح ولا اسلم على اختي حبيبتي اللي هدتني احلى هديه بحياتي( ويحضنها ويبوسها على جبينها)
تهاني بحزن: بشتاقلك ياخوي!!
عدنان: انا اكثر حبيبتي مابي دموع خلاص عاد
تهاني: تروحون وترجعون بالسلامة
عدنان: الله يسلمك حبيبتي.

(عبير مع ابوها): يالله يبه، انا ماشيه تامرني على شي قبل لا اروح
ابو نوره: انتبهي لنفسك حبيبتي وما اوصيك على زوجك
عبير: لا توصي حريص يااحلى ابو بهالدنيا، يالله مع السلامه يبه.( وتبوسه على راسه وايده)

((وراحوا عبير وعدنان المطار وطارت فيهم الطيارة))


في غرفة نوره

رن جوال نوره وناظرت الرقم بإستغراب وقالت : رقم غريب من المتصل عليّ هالوقت
(وردت): الووو، من معاي
.: لهدرجة ماعرفتي صوتي.
نوره: من انت انا مو فاضيه لحركات اخر الليل اللي تسوونها.
.: انا فيصل يانوره.
نوره بأرتباك: في في فيصل((وتسكر السماعة بوجهه))

ويرن جوالها مرة ومرتين وثلاث، لكنها ماترد عليه.

((ونزلت دموعها بلا شعوريا وهي جالسة عالسرير وسرحت بخيالها ))

************************************************** *********************************************
قبل سنة من خطوبتها، مثل اي مخطوبين طلعت نوره مع فيصل وراحوا بيته لانها تبي تزور امه، وصلوا البيت ونزلوا ودخلوا البيت وسلمت نوره على عمتها وفيصل راح لغرفته وجلسوا يسولفون مع بعض لين طلبت ام فيصل ان تروح نوره تنادي على فيصل لسبب، راحت نوره لغرفة فيصل وقبل لاتدخل سمعت فيصل يكلم احد على التلفون
************************************************** *********************************************

فيصل: حبيبتي. حتى لو تزوجت عشر انتي الاولى والاخيرة انا ماقدر استغنى عنك
نوره مصدومة من اللي تسمعه
فيصل: حبيبتي لا نوره ولا عشرة من اشكالها تقدر تأخذ مكانك بقلبي
نوره زاد عليها الالم من اللي تسمعه وقررت انها تدخل طبيعية ولا كأنها تدري عن شي وهي بداخلها الم وقهر من اللي سمعته
فيصل بأرتباك: يالله حبيبي بعدين اكلمك باي
نوره بثبات: فيصل امك تبيك تحت
فيصل: يالله جاي وراك
نوره طلعت من الغرفة وراح وراها بس هي تحججت انها بتروح الحمام (( انتوا والكرامة )) لكنها راحت غرفة فيصل وخذت الجوال وفتشت على المتصل وكانت الصدمة الثانية لها.
نوره وهي ترفع راسها بألم: تخوني يافيصل تخوني لا ومع مين مع صاحبتي مرام

(( ورمت الجوال على سريره وطلعت من بيت فيصل بسرعه وتفاجأت ام فيصل من طلوع نوره المفاجئ ولحقها فيصل يبي يعرف وش فيها بس ماحالفه الحظ لأن خذت تاكسي ومشت

طلعت نوره من البيت بسرعه وتفاجأت ام فيصل من طلوع نوره المفاجئ ولحقها فيصل لكنها خذت تاكسي وراحت بيتهم وما حالفه الحظ انه يتفاهم معاها.

************************************************** *********************************************
بعد مارجعت نوره شريط الذكريات القديم مع فيصل قالت مكسورة الخاطر: بعد ماطعنتني يافيصل انت ومرام صديقتي اللي هي زوجتك كانت تبيني أرد عليك بهذي السهولة انت غلطان. غلطان. ((بصراخ): غلطــــــــــــــــــــــــان

[# بنت عتيبة #]

الجــــــــزء الثامــــــــــــــــــــن.

في لنــــــــــــدن، في احد الفنادق الضخمة الراقية.

عبير: أأأأأأأأخ، شكثر انا تعبانه.
عدنان: خلاص حبيبتي، انتي نامي وارتاحي الحين وبعدين نروح نتسوق ونتمشى لين تملين.
عبير علامات التعب مبين بوجهها: اوك حبيبي بس انت وش بتسوي الحين
عدنان: انا بدخل الحمام وباخذ لي شاور وبطلب لي كوفي وبعدين بنام شوي.
عبير: ماشي حبيبي
عدنان عطى عبير بوسة بالهوا. وعبير ابتسمت من حركته.


في السعودية، في غرفة تهاني اللي هي غرفة عبير

تهاني: اووف, انا تأخرت كثير على الجامعه، ياويلي من الاستاذه الحين.
((وتدخل نوره غرفة تهاني)): وانتي لين الحين ماخلصتي يالله ياحلوه تأخرنا.
تهاني: شوي بس يانوره
نوره: يالله انا انتظرك بالسياره
تهاني: ماشي حبيبتي

((بعد نصف ساعة))

نوره: تو الناس، كان تأخرتي شوي بعد.
تهاني: اخر مرة اوعدك
نوره: كل يوم تقولين اخر مرة وهذي عاداتك.
تهاني: هههههههههه.
نوره: غبيــــــــــــــــة

في بيت بدر.

نجود: بدر شفيك ياخوي مو على بعضك
بدر: افكر بنوره وافكر ليش أهي رفضتني.
نجود: لين الحين تفكر فيها مانسيتها
بدر: وانا اقدر انساها وهي ماخذه كل تفكيري ووقتي بعد
نجود: كثر ماأنت ماتبي تتزوج بالأول كثر ماأنت انهبلت على الزواج مرة وحده
بدر: لكن ماراح استسلم
نجود: شبتسوي
بدر: بروح لها المستشفى
نجود بتفاجأ: من جدك


في الجامعه، في المحاضرة.

تهاني تطق باب القاعة: اسفة استاذه عالتأخير
الاستاذه: اي اسفة وأي خرابيط، صار لك ساعة متأخرة وتوك جاية وتقولين اسفة بعد
تهاني: اخر مرة استاذه، والله ماراح اعيدهـــا
بعض الطالبات واسمها مناير التفتت على الاستاذه وقالت: دخليها استاذه عشاني بس.
الاستاذه: انتي انطميوقومي اطلعي برا اشوف. وانتي ياتهاني انتظريني برا لين ماأخلص.
تهاني: اوووك استاذه

((برا الكلاس))

مناير: بغيناها طرب صارت نشبنبي لك الخير انقلب شر علينا.
تهاني: ههههههه، ماحد قالك اتلقفي، انتي تدرين ان هالاستاذه عصبية شوي بس في بعض الاحيان يلين قلبها
مناير:الحين قولي لي شسوي معاها
تهاني: الحين لم تطلع اعتذري منها وقولي لها اسفة ودلعي لسانك شوي . اووك
مناير: ماشي

((بعد ماطلعت الاستاذه سوت مناير نفس ماقالت لها تهاني واعتذرت منها وسامحتها الاستاذه ودخلتها القاعه، وبعدها كلمت تهاني عن اسباب تأخرها فقالت لها انها الحين تعيش في بيت مرت اخوها لين مايرجع اخوها من السفر وبعدها ترجع لبيتهم وان بيت مرت اخوها بعيد عن الجامعه كثير وهذا سبب التأخر، طوفت لها الاستاذه هالاسباب وخلتها تدخل وانتهت المشكلة))

في المستشفى.

سعاد: دكتوره نوره
نوره: هلا سعاد خير انشالله
سعاد: فيه واحد بمكتبك يقول انه يعرفك ويبي يكلمك.
نوره بأستغراب: يعرفني ويبي يكلمني من هذا
سعاد: والله مادري يادكتوره روحي وشوفيه بنفسك
نوره: خلاص ياسعاد مشكوره الحين انتي روحي

في مكتب نوره

تدخل المكتب وتتفاجئ من اللي قاعد على احد الكراسي: انـــــــــــــــــــت
بدر: مفاجأة مو صح.
نوره: شتبي الحين خلصني انا مو فاضيه لك.
بدر: انا جايك يانوره وابغى اعرف يوم جيت اخطبك ليش رفضتيني
نوره بأستغرراب: انت خطبتنــــــــــــي متى
بدر: ايه خطبتك يوم تتصل عليكم امي وتكلم امك وانتي رفضتي بعدها.
نوره تذكرت يوم تكلمها امها بالموضوع: يعني هذا انت اللي خطبتني
بدر: ايــــه. وانا جايك ابي اعرف اسباب رفضك لي
نوره: بس كذا مابي اتزوج. انا حرة. عندك مانع
بدر: واذا طلبت اخطبك مرة ثانية توافقين
نوره: طبعاً لا. قلت لك اني ماأفكر بالزواج.أنت ماتفهم الحين تبي شي ثاني
بدر: بس ابيك تعرفين اني ماراح افقد الامل وادري انك راح توافقين وانا متأكد
نوره: ابــــــــوك يالواثق لاتحلم كثير بليــــــــز


في لنــــــــــــــدن.

عبير: تعال حياتي ابي ادخل هالمحل، اختي نوره تموت على هالاشياء.
عدنان: ادخلي حبيبتي. كل هالمحلات تحت امـــــــــــــرك.
عبير: ههههههحلوه هذي تحت امــــــــــري.
عدنان:أمـــــــــوت انا بهالضحكة.
عبير: انا أمــــوت فيك.

((ودخلوا المحل ومحلات كثيرة لين تمشوا واخذتهم رجولهم الى مكان اخضر حلو وقعدوا على احد الكراسي))

عدنان: تصدقين حبيبتي احس اني اسعد انسان بحياتي. تدرين ليش
عبير: ليش
عدنان: ماتدرين ليش انا راح اجاوبك. لانك معاي بكل لحظة بحياتي.
عبير بدلع: انا بعد اسعد انسانه لانك انت زوجي حبيبي وحياتي وعمري بعد.
عدنان وقفّ عبير وحملها وقام يركض فيها وصارخ بأعلى صوته: احبـــــــــــــــــــــــــــــــــــــــــــــــ ــــــــــــك ياعبير
عبير قلدته بنفس الصوت: وانا بعـــــــــــــــــــــــــــد
عدنان وقف مدة: وانتي بعد ايش
عبير: انا بعد نفس ماقلت
عدنان: ابي اسمعها منك بصوت عالـــــــــــــــــــي
عبير: زين انت اركض عشان اقولها بصوت عالي وتصير احلى
عدنان بدا يركض وعبير قالت: انا بعــــد احبـــــــــــــــــــــــــــــك.


بعد شهريـــــــــــــــــــن.

((رجعوا عبير وعدنان لبلد السعودية الحبيبة وعلى طول لبيت بو نوره. بس وش الصدمة اللي تنتظرهم))

عبير بأستغراب: بسم الله الرحمن الرحيم.الا وين أهل البيت
عدنان: اتصلي عليهم حبيبتي اجل ليش اخترعوا الجوالات
عبير:ههههههههه ((واتصلت عبير على اختها نوره وردت عليها بحزن)):هلا عبير انتي رجعتي
عبير: ايـــه رجعت، بس وينكم انتوا
نوره بصياح وشوية صراخ: عبير احنا بالمستشفى ابـــــــــــــوي مات ياعبيرمـــــــــات
عبير طاح جوالها على الارض من اثر الصدمة وعدنان قاطعها وقال:عبير شفيك حبيبتي شقالت لك اختك. عبير ردي علّي
عبير وهي واقفة بلا حراك قالت: ابـــــــــــــــوي مات ياعدنان،،خذني للمستشفى بسرعة.


(( ووصلوا للمستشفى وما تتوقعون شلون الصدمة على وحده توها جاية من السفر وتسمع هالخبر واثناء اهي تمشي داخت واغمى عليها))

في أحدى الغرف بالمستشفى.

الدكتور : انت مين زوجها؟
عدنان: ايه ايه انا زوجها . طمني عليها يادكتور.
الدكتور بضحكه: مبرووك زوجتك حامــــل.
عدنان بإستغراب: حامـــــل انت متأكد يادكتور
الدكتور: ايه متأكد.بس أهم شي راحتها النفسية خلال فترة الشهور الاولى
عدنان بأبتسامة: لا توصي يادكتور عبير بعيوني الثنتين.

((ويدخل عدنان لعبير اللي نايمه من اثر المسكن))

عدنان بأبتسامة كبيره: حبيبتي عبير انتي بتصيرين أم وببطنك بيبي صغير بيبي حقنا احنا الاثنين
عبير تفتح عينها بوهن وتلتفت على عدنان وتقول له بصوت خافت ومبحوح: انا ويني ياعدنان
عدنان: انتي بالمستشفى حبيبتي، انتي ارتاحي ولا تفكرين بشي ثاني غير صحتك
عبير: وابوي صحيح مات ولا انا بحلم
عدنان بكدر نزل راسه وقال: للأسف حبيبتي ، انتي مو بحلم. الله يرحمه ويرحم الجميع
عبير تدور وجهها للجهة الثانية بألم وحزن.
عدنان: عبير ودي اقولك خبر راح يفرحك كثير.
عبير:
عدنان: عبير انتي حامل!!

[# بنت عتيبة #]

الجـــــــــزء التاســــــــــــــــــــع

بعد سنتيـــــــــــــــــــن.
************************************************** ***************
تغيرت اشياء كثيرة في حياة ابطالنا.
نوره تغيرت نفسيتها للأحسن بس لازال شبح فيصل يخوفها
عبير صارت أم
تهاني تزوجت
واشياء كثيرة خلونا نشوفها مع بعض
************************************************** *******************



في غرفة نوره.

نوره: تصدقيــــن ياعبير!!
عبير:لا
نوره: انا قلت شي عشان تقولين لا
عبير: انا ادري عنك
نوره: الرجال اللي جا خطبني قبل سنتيــــن لين الحين يحاول يخطبني مرة ثانية وثالثة ورابعه بعد.
عبير: من جدك
نوره: والله العظيم واتذكر بعد انه جاني المستشفى وعرض علّي الخطبة بعد
عبير: وانتي رفضتيه
نوره: طبعاً رفضته،ياسلام علّي وانا اقول له اني موافقة
عبير:وش اللي يمنعك من الزواج منههاه قولي لي
نوره: مادري!! مع اني احس نفسي غير مو مثل قبل
عبير: يانوره الرجال يحبك ولو مايحبك كان ماحاول مرات عشان يخطبك وما دامه يحبك ماراح يزعلك ابد وراح يحملك على كفوف الراحة.
نوره: وفيصل ماراح يخليني بحالي
عبير: تركي عنك فيصل وخليه يولي، واذا فكر انه يأذيك راح اخليه يندم على الساعة اللي عرفك فيها
نوره بخوف: يمـــه منك من صرتي أم صرتي تخرعين
عبير: ايه اختك اعجبك

في بيت تهاني الجديد.

تهاني: سلطان ياسلطان
سلطان: شفيك ياتهاني تصارخين
تهاني: من متى وانا انادي عليك.يالله الغدا جاهز.
سلطان: كل هالدوشه عشان الغدا
تهاني: ياحبيبي ياسلطان يانظر عيني انا خايفة على صحتك لا اقل ولا اكثر
سلطان: صدق خايفة علّي
تهاني: اذا ماخاف عليك انت والبيبي اخاف على من قول لي
سلطان: تخافين علّي انا ومن
تهاني: البيبي!!
سلطان:أكيد انتي تمزحين. انتي حامل
تهاني:ايه انا حامل وهذي اوراق التحليل.
سلطان: وأنا اقول شعندك طالعة من الصباح، اتاريك رايحه المستشفى.
تهاني: انت فرحان حبيبي
سلطان: شلون ماأفرح وانا بصير أبو
تهاني: يعني ماتفكر تتزوج علّي وتجيب لي ضرة
سلطان: انا ابي اعرف شي واحد
تهاني: وشو
سلطان: من اللي حط هالخرابيط ببالك وقالك اني راح اتزوج عليك؟
تهاني: جارتنا ام راكان
سلطان: وانتي مصدقتها حضرتك،هذي مجنونةعبالها كل الرجاجيل مثل زوجها اللي تزوج عليها وتركها
تهاني: سامحني ياسلطان، واوعدك اني ماأسمع منها ولا شي
سلطان: مو ماتسمعين بس، ألا ماتكلمينها خير شرفاهمة او لا
تهاني بدلع: فاهمة حبيبي
سلطان: يالله خلينا نتغدا عشان ولدنا سيف لايزعل
تهاني: لا تو الناس على زعله

في بيت عبير.

عدنان ماسك بنته ويلاعبها وعبير تكلم تهاني بالجوال: صدق مبــــــــروك مبـــــــــروك اجل الليلة جايتك انا مع عدنان. ماشي يالله سلام(وسكرت السماعه).
عدنان: على ايش تباركين لها،توها متزوجة مثلا
عبير: اختك تهاني حامل.
عدنان بأستغراب:
عبير: هههههههه،شفيك اسم الله عليك صرت مفهي
عدنان:تهاني حاملههههههههههههههههههههههههه
عبير: شفيك تضحك لاه زوجي استخف.
عدنان: ماني مصدق انها حامل
عبير بأستغراب: ليش غير الناس اختك
عدنان: لا بس ماصار لهم 4شهور من تزوجوا
عبير وهي تأخذ بنتها من عنده: نسيت يوم انا كنت حامل بهالبنوته الحلوه كان لنا من تزوجنا شهرين
عدنان: احنا غير ياحياتي
عبير: شفينا غير احنا مثل الناس
عدنان: وانتي بتروحين لها الليله
عبير: ايــه وانت بتروح معاي

في بيت أم نوره

نوره تنزل الصالة الى امها:هلا يمه شلونك
ام نوره: الحمدلله يابنتي
نوره: الحمدلله
ام نوره: نوره في شي تبين تقولي لي اياه
نوره: كأنك تدرين باللي يدور براسي
ام نوره: قولي يابنتياسمعك!!
نوره:يمه اتصلي على بيت ام بدر وقولي لها اني موافقة على الزواج من بدر
ام نو ره: الف الصلاة والسلام عليك ياحبيب الله محمدكللللللللللللووووووووووششششششمبروك يابنتي
نوره: الله يبارك فيك يمه
ام نوره: انا من زمان انتظر هاللحظة متى تجي والله استجاب دعائي
نوره:اوك يمه انا استأذن
ام نوره: اذنك معك ياحبيبتي
((وراحت نوره لغرفتها))
ام نوره:خلني ادق بيت ام بدر افرحهم بهالخبر(وخذت سماعة البيت واتصلت): الووو هلا
نجود: هلا خالتيامــــــــري
ام نوره: مايامر عليك عدو بس بغيتك تناديلي امك اذا موجوده
نجود: دقيقة خالتي(وتنادي على امها): يمـــــه، يمـــــه، التلفون
ام بدر: من اللي يبيني
نجود: خالتي ام نوره
ام بدر: ام نوره ياهلا ويامرحبا(وأخذت السماعة)): الوووو هلا يام نوره، هلا بأختي الغاليه
ام نوره: هلا فيك حبيبتي
ام بدر: أمـــــــــــريني ياختي
ام نوره: بغيت اقولك بالمبارك بالمبارك نوره وافقت.
ام بدر بإبتسامة فرح: صدق كلللللللللللللللوووووووووووووششششش.الله يبارك فيك،ماتدرين شكثر فرحتيني بهالخبر
ام نوره: وانا فرحت اكثر منك، بس هاه عجلوا عالعرس، نبي نفرح
ام بدر: ماشي. سلام


في غرفة نوره

نوره منسدحه عالسرير واصابع ايدها براسها: يارب ماأدري اللي سويته صح او غلط
بس أهو مثل ماقالت عبير يحبني ولو مايحبني كان تزوج من زمان ولا جا يخطبني سبعين مرة
زين وفيصلماراح يخليني راح يأذينيبس عبير قالت اذا أذاني راح توقفه عند حده
خلاص مابي افكر بشي كل اللي افكر فيه اني أسعد أمي وبس

((ويرن جوالها والمتصل عبير)): هلا حبيبتي نوره
نوره: الطيب عند ذكره
عبير: تحشين فيني
نوره: لا بس توني بدق عليك
عبير: المهم!! عندي لك خبرين حلوين بيفرحونك
نوره: وانا بعد عندي لك خبر بيفرحك
عبير: وش قولي انتي
نوره: لا انتي قولي بالأول
عبير: اول خبر يقولك ياطويلة العمر ان تهاني حامل
نوره: صدق مبــــروك زين والخبر الثاني
عبير: الخبر الثاني متعلق فيك
نوره: فيني انا وشو
عبير: فيصل!! تزوج وسافر امريكا وريحنا
نوره: وانتي شدراك
عبير: انتي ماتدرين ان ندى اخته صديقة تهاني فأنا عرفت هالخبر عن طريق تهاني
نوره: يالله انا شكثر فرحت بهالاخبار اليوم
عبير: زين وانتي وش الخبر الحلو اللي عندك
نوره: ماراح تصدقين اذا قلت لك اني موافقة على بدر
عبير تضحك: مبـــــــــروك حبيبتي، شهالاخبار الحلوه اللي تجي مرة وحده.
نوره: سكتي بس لاتحسدين الاخبار الحلوه
عبير: انا عيني مو حاره مثلك
نوره بضحكه: حمــــــــــاره!!
عبير: المهم!! تجهزي الليلة بمر عليك وأخذك ونروح بيت تهاني
نوره: ماشي حبيبتي.يالله سلام

في بيت بدر.

نجود: هلا، هلا والله بمعرسناهلا والله بأميرنا الحلو
بدر بأستغراب: أميرنا معرسناو ش السالفة
ام بدر: تعال ياولدي اقعد وانا اقولك وش السالفة
بدر: وهذا احنا قعدنا علموني شسالفتكم
ام بدر: مبرووك ياولدي. نوره وافقت!!
نجود: من قدك يابدرهذي نوره وصارت من نصيبك
بدر: ترى انا للحين مو مستوعب الكلام اللي سمعته. نوره وافقت
ام بدر: أيــــــه وافقت
بدر:هذا كله من دعواتي شكراً يارب، شكراً يارب
نجود:الحمد والشكر لك يارباخوي جن
ام بدر تضرب نجود على راسها: استحي انتي
نجود: أأأأأأأأاااااااااي

في الليل.

في بيت تهاني

عبير:والله وكبرتي ياتهاني وصرتي حامل
تهاني: غبيــــــــة انتي حدك
نوره: مبرووك ياتهاني!!
تهاني: الله يبارك فيك حبيبتي، الفال لك
عبير: على طاري الفال لك، مادريتي
تهاني: وشوو
عبير: نوره وافقت على المعرس
تهاني: لاه.مبرووك حبيبتي تستاهلين
نوره: الله يبارك فيك
عبير: عقبال مازوجك ياخذ عليك الاربع
تهاني: فال الله ولا فالك ، حبيبي ماحد ياخذه مني، هذا حقي وبس
عبير: ابـــــــــوك يالحب
نوره: ههههههههه انتوا اغبياء حدكم
تهاني - عبير: خلك انتي الذكية((وخذت عبير مخده وغمزت لتهاني وخذت مخده وضربوا نوره))
نوره: ياحيوانه انتي وياها.((وقامت لهم وضربتهم اهي بعد))